DimeGoch.com - Prynu ar y cyd er mwyn y Gymraeg

[Hedd Gwynfor]

Dydy’r Gymraeg, fel y gwyddoch, ddim yn cael chwarae teg mewn busnesau mawrion. Dydy busnesau Cymraeg ddim yn ei chael hi’n hawdd i gystadlu yn eu herbyn nhw ‘chwaith.

Ond mae dros 500,000 o siaradwyr Cymraeg! Dylai hynny fod yn ddigon i sicrhau mantais fasnachol i fusnesau sy’n defnyddio’r Gymraeg.

Ac mi fydd - os byddwn ni’n gweithio ar y cyd.

Cofrestrwch gyda DimeGoch - http://www.dimegoch.com/

[y mab afradlon]

Mae hyn yn syniad gwych. Wy wedi hala ffurflen off yn barod. Y cwestiwn yw, oes gyda ni'r Cymry'r gyts i gymryd rhan mewn ymgyrch o'r fath? Neu ai eistedd ar ein tinau a chonan o bryd i'w gilydd sydd well gyda ni?

Mae tafarndai'n llawn o bobl sy'n son am hwn a hwn yn 'gwahardd y Gymraeg', neu hon a hon yn 'anwybyddu ein hawliau'. Mae pobl y Gymdeithas yn sefyll ar gorneli'n strydoedd (rhan fwyaf gyda'u ffrindiau) yn gweiddi 'Deddf Iaith Newydd' yn y gobaith y bydd rhywun yn gwrando, ac mae llawer iawn mwy sy ddim hyd yn oed yn meddu ar y diddordeb (neu'r ffrindiau, falle?) i wneud hynny. Mae pobl Cymuned yn creu storiau mawr yn y wasg gyda Brunstrom a'r CRE yn eu cynhadleddau, yn y gobaith o ddod a'r ddadl iaith i brif ffrwd ein bywyd gwleidyddol.

A nawr, dyma i ni gyfle arbennig i ni'r Cymry fel unigolion i godi llais ar y cyd mewn ffordd y bydd cwmniau mawr a bach yn gorfod gwrando arni hi. (Ware teg i'r rhai naeth feddwl am y syniad hwn). Realaeth bywyd - arian.

Gan nad oes neb wedi hyd yn oed cynnig sylw ar y mater ers 5 niwrnod, oes rhaid i ni dderbyn bod isie'r bunt y mis ar gyfer mwy o gwrw...

[nicdafis]

Dw i wedi cofrestru, ac yn awgrymu byddai'r Banc Cydweithredol yn "darged" delfrydol. Dw i'n meddwl am sefydlu cyfrif banc busnes yn y dyfodol agos, a gyda'r C-op ydw i ar hyn o bryd. 'Sai dim ond criw bach o Ddimwyr Cochion sy hefyd yn gwsmeriaid y Co-op yn fodlon addo newid ei fusnes i'r HSBC (er enghraifft) a fyddai hynny yn ddigon i brofi iddyn nhw bod 'na werth mewn newid eu polisi iaith?

[jac]

Dw i wedi cofrestru, ac yn awgrymu byddai'r Banc Cydweithredol yn "darged" delfrydol. Dw i'n meddwl am sefydlu cyfrif banc busnes yn y dyfodol agos, a gyda'r C-op ydw i ar hyn o bryd. 'Sai dim ond criw bach o Ddimwyr Cochion sy hefyd yn gwsmeriaid y Co-op yn fodlon addo newid ei fusnes i'r HSBC (er enghraifft) a fyddai hynny yn ddigon i brofi iddyn nhw bod 'na werth mewn newid eu polisi iaith?

Diddorol - dwi'n bancio gyda Smile - am resymau rhannol egwyddorol (hy safiad y Co-op dros buddsoddi moesegol) a rhannol hunanol (cyfradd llog da). Dwi wedi gofyn iddynt creu rhyngwyneb Cymraeg, yn anffodus heb lwc. Ond i fod yn deg, maent yn ateb fy e-byst yn y Gymraeg - sy'n dda o ystyried bod y banc wedi ei leoli ym Manceinion. Felly, dwi'n obeithiol o hyd y byddai modd eu perswadio i cynnig darpariaeth gwell - i gwsmeriaid Smile beth bynnag. Faint mae'n gostio i gyfieithu tudalennau gwe er engraifft - pryn dim.

Dwi yn teimlo y buasai'n well i bwysleisio y mantais cadarnhaol i'r Co-op (hynny yw ennill cwsmeriaid newydd) cyn bygwth canlyniadau negyddol (sef colli busnes cyfredol). Gwell o lawer ceisio helpu datblygiad meddylfryd positif yn hytrach nag un negyddol. Mae'r siawns o cael gwasanaeth da llawer yn well felly.

[y mab afradlon]

Falle taw'r ffordd ymlaen yma yw i ofyn i bobl Dime Goch sgwennu'n gyntaf at eu banciau yn gofyn am eu cynlluniau ar gyfer bancio Cymraeg. Mae HSBC yn arbennig o dda mewn rhai agweddau yn eu darpariaeth Cymraeg, ond o allu gweud "mae Smile yn bwriadu gwneud hyn a hyn" neu "mae coop yn darparu hwn a hwn yn barod. Mae'r bygythiad yno heb i'r geiriau cael eu Ynganu ( a felly heb i chi gael eich dal yn malu awyr...)

Beth am i Dime goch ofyn am wybodaeth gan ei gwsmeriaid ynglyn a'u banciau, a llunio ymgyrch gyad'r wybodaeth. (Ydw i'n gywir i feddwl dy fod ti'n un o sefydlwyr y wefan, Hedd?)

[Horwth ap Ffrwchnedd]

Tybed a fyddai'n syniad llunio set o feini prawf yn gyntaf a mesur gwasanaeth pob banc yn eu herbyn e.e. gwasanaeth cownter yn y gangen yn Gymraeg, peiriannau arian yn cynnig gwasanaeth yn y Gymraeg, bancio dros y we yn y Gymraeg, gwasanaeth dros y ffôn yn Gymraeg etc. - byddai modd dweud yn weddol wrthrychol pwy sy' cynnig y gwasanaeth gorau, a byddai mwy o hygrededd i'r wybodaeth

Ond, ar ôl bod yn gadarnhaol....mae rhai sectorau e.e. ffonau symudol yn ddi-Gymraeg ar draws y sector i bob pwrpas, rhyw fath o cartel ieithyddol. Beth petai cmwniau A B C D i gyd yn gwrthod darparu unrhyw wasanaeth yn Gymraeg, ond mae D, sy gyda'r gwaethaf o ran gwasanaeth yn gyffredinol ac yn ddrud iawn ar ben hynny, yn penderfynu, am ryw reswm od, falle paned a sgonsen yn y Bwrdd, gwneud un consesiwn bach e.e. rhoi rhai taflenni dwyieithog yn rhai o'u siopau. Faint o bobl sy'n debygl o adael eu darparwyr dibynadwy a rhad (di-Gymraeg) i fynd drosodd at gwmni annibynadwy a drud jest achos bod nhw'n dapraru ychydig o daflenni yn Gymraeg? Nue a ddylen ni fod yn perswadio pobl i gael gwared o'u ffonau symudol yn llwyr?
Beth am fanc sy'n cynnig lot o bethau yn Gymraeg ond buddsoddi mewn busnesau doji yn foesegol ac yn cynnal llywodraethau gorthrymus? Mae'n ddigon teg tynnu sylw pobl at faint o wasanaeth Cymraeg a gaiff dyn gyda chwmniau penodol er mwyn i bobl 'fod ym meddiant yr holl ffeithiau' cyn penderfynu, ond i'r rhan fwyaf dim ond un ffactor ymhlith llawer fydd y Gymraeg.
Pwynt arall yw hyn...os yw carfan sylweddol o bobl yn symud o ddarparwyr A B a C i D, ond nad yw'r nifer yn sylweddol o ran pob cwmni yn unigol, fel all cwmniau A B a C benderfynu nad yw'n werth iddyn nhw wario ar y Gymraeg jest er mwyn ychydig o filoedd, ac aros yn uniaith Saesneg ac felly yr un 'dewis' sydd gan bobl sy'n frwd dros y Gymraeg yw 'D'. Er hynny, bydd y Bwrdd a'i ffrindiau yn gallu dweud, 'Chi'n gweld, mae perswad yn gweithio...mae'r defnyddwyr yn chwarae'r farchnad yn llwyddiannus'. Dyma i raddau yw'r sefyllfa gyda nwy a thrydan, dim ond Nwy Prydain a Swalec/Manweb sy'n cynnig unrhyw fath o wasanaeth yn Gymraeg, dyw'r cmwniau eraill ddim wedi cael eu temtio i bysgota'u cwsmeriaid ar sail y Gymraeg. Gyda chmwniau mawr, dw i ddim yn argyhoeddedig bod y farchnad 'Gymraeg' yn ddigon grymus i fod â dylanwad, ond gobeithio fy mod yn anghywir!

[jac]

Mae gen ti pwyntiau arbennig o dda fan yma Horwth. Dwi'n tybied mae cwmniau bach a cymhedrol eu maint sydd yn fwyaf tebygol o ymateb i unrhyw ymgais gan y Cymry i defnyddio ein grym masnachol o blaid yr iaith.

Dwi wedi bod yn meddwl - petai yna boicot o Tesco - pwy baswn i'n siopa gyda yng nghyffiniau Bangor? Morrisons, Aldi neu Lidl? Ag eithrio'r busnes diweddar yma, Tesco's yw'r gorau o fymryn o ran y defnydd o'r Gymraeg (ag eithrio y Co-op ym Mhorthaethwy falle). Felly mae'n dipyn o benbleth. Faswn i ddim yn synnu petai polisiau gwrth-Gymraeg tebyg i un Tesco yn bodoli mewn cwmniau eraill - ond bod y polisiau heb dod i'r golwg eto. Efallai mae'r ateb yw ymdrechu i prynu mwy o nwyddau o ffynnonhellau mwy lleol gymaint a phosib (nid jyst am resymau ieithyddol) - yn enwedig ffermwyr sy'n gwerthu llysiau.

Efallai yn ogystal a pwyso ar y cwmniau hynny nad sy'n darparu gwasanaeth boddhaol yn y Gymraeg ar hyn o bryd bod yna le i tynnu sylw at y cwmniau hynny sy'n fodlon gwneud popeth yn Gymraeg. Yn hytrach na 'Yellow Pages', 'Tudalennau Coch' falle? Neu'n rhatach fyth, gwefan i hyrwyddo'r busnesau yna sy'n datgan eu bod nhw'n barod i gwneud pob dim yn y Gymraeg.

[SerenSiwenna]

Mae hyn yn syniad gwych, roeddwn i wrth fy modd yn darllen amdanno yn Golwg. Daliwch ati

[Rhys]

Dwi'n meddwl fod yn syniad ardderchog ac ymarferol. Tra bod Jac o Horwth yn codi un neu ddau cwestiwn dilys, dwi'n meddwl bod chi'n chwilio'n rhy galed am rwystrau cyn i'r peth ddechrau.

Efallai yn ogystal a pwyso ar y cwmniau hynny nad sy'n darparu gwasanaeth boddhaol yn y Gymraeg ar hyn o bryd bod yna le i tynnu sylw at y cwmniau hynny sy'n fodlon gwneud popeth yn Gymraeg. Yn hytrach na 'Yellow Pages', 'Tudalennau Coch' falle? Neu'n rhatach fyth, gwefan i hyrwyddo'r busnesau yna sy'n datgan eu bod nhw'n barod i gwneud pob dim yn y Gymraeg.

Dwi wedi dechrau rhwybeth tebyg gyda Cadw Cwmni. Mond rhyw arbrofi dwi wedi bod yn wneud. Tydi fy sgiliau TG ddim yn grêt fel y gwelwch, ond mae modd defnyddio meddalwedd gwahanol a'i ddylunio'n well. Hefyd, mond rhestru busnesau gyda siaradwyr Cymraeg oeddwn i, does dim dal bod modd derbyn ffurflenni Cymraeg ganddynt, neu bod eu gwefan yn ddwyieithog.

Dwi hefyd yn gobeitho (pan ddoi o hyd i grant o rhwyle!) argraffu cyfeirlyfr o fusnesau yn sir Caerffili sy'n cynnig gwsanaeth Cymraeg, yn gwerthu nwyddau Cymraeg (Cardiau, CD's, Cylchgronnau) a hefyd nodi rhai sydd efallai jyst gyda arwydd Cymraeg (rhaid rhoi cydnabyddiaeth hyd yn oed os nad oes dim arall yn Gymraeg). Mae rhwyuin wedi dechrau ar y dylunio'n barod:

[HuwJones]

Mae Cadw Cwmni a Dime Goch yn syniadau gret, dwi wastad wedi meddwl dylai papurau bro cael rhestri o fusnesau sy'n cynnig gwasanaeth Cymraeg ar eu patch nhw. (Falle bod rhai yn ond dim imi sylwi)

Oes siawns i Gadw Cwmni a Dime Goch dod at eu gillyd i greu rhywbeth mwy?

Da iawn ichi gyd
Huw