Iaith Gymraeg: 'Dim digon o ddefnyddwyr'

[Rhodri Nwdls]

Y peth arall sy'n fy mhoeni i - petai polisi iaith o ryw fath yn cael ei weithredu a bod rhaid cyfieithu pob dim, ai dim ond y cwmniau cyfieithu crachaidd fydd yn elwa?

Dwi'n cytuno â ti i raddau. Dwi'm isio gweld sector gyfieithu enfawr sydd ond yn leinio pocedi ambell un.

Un ateb: cyflogi mwy o siaradwyr Cymraeg fel nad oes rhaid cyfieithu yn y lle cyntaf NEU roi cyfleoedd i staff ddysgu Cymraeg. Sa trio cael plant yn gadael ysgol yn gallu'r Gymraeg yn iawn yn fan cychwyn reit dda...

Mae'n rhaid cael tu hwnt i'r diwylliant cyfieithu. Mae'n angenrheidiol ar ryw lefel wrth gwrs, ond dim hwnnw ydy'r end game fel petai.

Yng Ngwlad y Basg mae'n rhaid i bob gwas sifil siarad yr iaith Fasgeg a Sbaeneg. Dylen ni anelu at hyn yma hefyd, gan roi adnoddau call i'r rhai sydd eisau dysgu'r iaith.

[telsa]

118 404Dyw nhw ddim yn diweddaru'r rhestr yn ddigon aml o bell ffordd. Achau ar ôl i travelione cymru newid ei rif, roedden nhw'n dal i roi'r hen rif mas. Does gyda nhw ddim hyd yn oed rhifau ffon y cwmnioedd Cymraeg fwyaf blaenllaw. Dwi jest yn tecstio 118118 erbyn hyn.

O na, mae'r rhif yn gweithio'n iawn os dw i'n defnyddio fy ffôn symudol (sy ar 02). Ond dim ar ffôn Virgin (ein 'landline' ni). Falle bod Virgin wedi blocio'r peth?

[Rhys]

Efallai bod hwn yn syniad hollol quackers ond a fyddai hi, yn eich tyb chi, yn gwneud synnwyr i agor canolfan gyswllt mawr yn rhywle all ddelio gyda phob ymholiad pob cwmni drwy gyfrwng y Gymraeg?

Ddim yn syniad hurt o gwbwl. Dwi hefyd yn meddwl bod/roedd y fath ganolfan yn bodoli ym Mhorthmadog o'r enw GALW (sgroliwch i'r gwaelod) ble byddai modd i sawl cwmni gael eu holl alwadau neu dim ond eu galwadau cymraeg wedi eu trosglwyddo yno. Mae'n gyffredin i waith canolfannau galw gael ei contractio allan i gwmniau arall ta. Mae/roedd yna faeswr yn gweithio yno'n ateb ymholiadau am amseroedd bws.

Problem yw, dwi'n meddwl roedd galw'n rhan o asiantaeth CYMAD sydd wedi bod mewn 'trafferthion' arianol

O ran leinio pocedi cyfieithwyr - mae'n bwysicach gyda fi gael siarad a rhywun wyneb yn wyneb, neu dros y ffôn yn Gymraeg na bod pob darn o bapur yn ddwyieithog. Gyda lot o'r fusnesau yn newid eu gwaith i ganolfanau galw, ar ffaith nad yw'n ymarferol disgwyl bod siaadwr Cymraeg ym mhob cangoen, dwi ddim yn meddwl bod hi'n afresymol disgwyl gwasaneth Cymraeg tros y ffôn dyddiau hyn.

[Hazel]

Dwi'n gwybod bod na lot o gyfieithwyr, dylunwyr etc. yn edrych ar Maes-E. Gobeithio yn sgil y rhaglen yma bydd pawb ohonom yn dechrau meddwl am sut i gynhyrchu deunydd Cymraeg syml, 'user friendly' mewn iaith pob-dydd yn hytrach na'r stwff or- ffurfiol, stiff, boring sydd ar daflenni etc.. ar hyn o bryd.

Fel cam cynta i drio boblogeiddio defnydd o'r Gymraeg - beth am i gyfieithwyr trio defnyddio 'Cywair' iaith llawer fwy elfannol gan obeithio cyrraedd y mwyaf y bobl sydd yn siarad Cyrmaeg ond sydd heb yr arfer o ddarllen llawer o Gymraeg?

Fel y llyfr "Cymraeg Clir" gan Cen Williams?

[Seonaidh/Sioni]

Dwi'm yn dallt. Mae, efallai, hanner miliwn o ddefnyddwyr Cymraeg yng Nghymru (a chryn dipyn o bobl fel minnau nad ydyn yng Nghymru). Be sy'n bod ar y bobl "dim digon o ddefnyddwyr"? Mae hyn yn debyg i ddweud wrth drigolion Manceinion (tua hanner miliwn) "Does dim digon ohonoch chi - na chewch chi gyngor dinas".