Sony Ericsson W910i -dim dewis Cymraeg

[Cardi Bach]

Newydd gael ffon symudol newydd - y Sony Ericsson W910i.
Wrth ei droi ymlaen am y tro cynta dyma fi'n cael dewis iaith - English, Francais, Deutsch, Espanol, Catala, Euskadi ! Ie wir, rodd opsiwn Catalaneg a Basgeg yno - dwy ddim yn siwr betharall, ond doedd dim Cymraeg yn anffodus. Os yw'n bosib gwneud ffon yn Gatalaneg ac Euskadeg yna dylai'r Gymraeg fod yn ddigon rhwydd, gleu!

[HuwJones]

Mae Generalitat Catalunya (llywodraeth Catalonia) wedi MYNNU bod pob cwmni ffon symudol sydd yn masnachu ar eu tiriogaeth yn cynnig gwasanaethau yn yr iaith Català.. ar ddewislenau'r ffonau, biliau, hysbysebu a llinellau cymorth etc. Mae'r Generalitat hefyd wedi lansio gwefan slic iawn http://www.elteumobil.cat/ ("Dy mobile di") gyda'r slogannau fel "Tro dy ffon i dy iaith" a gwybodaeth diweddara am beth sydd ar gael yn yr iaith Català gan Nokia, Sony, Vodafone, Orange etc.. . Mae'r gwefan yma yn cael ei hysbysebu yn eang.

Mae gweinidogion llywodraeth Catalan hefyd wedi galw'n gyson ar gwmni Apple i ddefnyddio Català ar iPods a chyfrifiaduron Mac.

Ysgrifennais at Fwrdd yr Iaith a'r Cynulliad yn pwyntio allan yr uchod gan ofyn iddynt ddilyn esiampl y Catalanwyr. Hefyd wnes i eu hatgoffa bod DIM ymdrech wedi cael ei wneud i boblogeiddio y Gymraeg ar feddalwedd / TG a dim synnu felly bod arolwg gan Fwrdd yr Iaith eu hun yn dangos defnydd o 0% o Windows Cymraeg. (Ie Wir DIM!) Cefais ateb cwrtais iawn yn ol ond heb son penodol am unrhyw ymgyrch i boblogeiddio defnydd o feddalwedd Cymraeg neu i orfodi cwmniau i ddefnyddio'r Gymraeg.

Yn y gorffennol roedd hi'n bosibl i gefnogwyr yr iaith gynnal ymgyrchoedd i godi ymwybyddiaeth a dwyn perswâd ar sefydliadau fel Swyddfa'r Post, darlledwyr a llywodraeth leol. Ond mae’n bron yn amhosibl i unigolion neu grwpiau bach yng Nghymru llwyddo perswadio cwmni rhyngwladol sydd â phencadlys yn Tokyo neu California.Dim ond ar lefel swyddogol a llywodraeth mae modd sicrhau ymateb o gwmnïau mawrion fel Nokia, Apple, PC World neu Sony.

Cardi Bach ...Mae'n amlwg ti'n tiemlo digon cryf am y pwnc i ysgrifennu at Maes-E, ond i wneud gwahaniaeth, gai i erfyn arnot (a Maeswyr eraill) i yrru nodyn i Fwrdd yr Iaith yn mynnu eu bod yn tynnu eu blydi bys allan.

Gyrra nodyn i:
Mr Meirion Prys Jones
Bwrdd yr Iaith Gymraeg
Siambrau'r Farchnad
5/7 Heol Eglwys Fair
Caerdydd CF10 1AT

Mae cryn drafodaeth wedi bod yn yr adran "Technoleg" o Maes-E ynglyn a diffyg defnydd o'r Gymraeg ar gyfrifiaduron, ffonau etc. Mae hefyd manylion yno o sut i newid dy PC i Gymraeg a linciau i ddadlwytho AM DDIM yr holl raglenni sydd ar gael yn Gymraeg.

[Wylit, wylit Lywelyn]

Tybed faint fyddai'n defnyddio'r opsiwn Cymraeg?
Sori am grwydro, ond dwi wedi gofyn y cwestiwn yma i mi fy hunan sawl gwaith:
Tyllau yn wal yng Ngymru. Faint sy'n defnyddio'r opsiwn Cymraeg hefo e.e. peiriannau arian HSBC? Ffigyrau swyddogol yn bodoli? Canran: tua 8% efallai??

[HuwJones]

8% yn dewis y Gymraeg ar beiriannau twll yn y wal ?

Tasa canran mor uchel yn wych!

Buaswn i wedi meddwl bod y canran yn llawr is. Mae gan Gymry Cymraeg y syniad yn eu pennau bod unrhywbeth sydd gyda botymau yn gorfod bod yn Saesneg. Sinaro cwbl drychinebus i ddyfodol yr iaith wrth feddwl bod cyfathrebu'n dibynnu mwy a mwy ar ffurfiau digidol. Fel dwi'n gweld pethe - rhiad bod ni'n llwydo cael defnydd gwell o'r Gymraeg gyda phethe digidol wrth i dechnoleg cymryd drosodd ein bywydau... neu mae'r iaith yn fucked go iawn.

Ers talwm roedd y Cymry'n yn derbyn mai Saesneg oedd unig iaith lot o bethe fel arwyddion, ysgolion, llywodraeth etc.. a Chymraeg oedd iaith y capel neu'r pyb. Yr un problem sydd nawr gydag agweddau tuag at dechnoleg.

Sut mae mynd ati boblogeiddio defnydd a statws y Gymraeg gyda thechnoleg yn gwestiwn uffernol o bwysig. Dwi'n trio profocio trafodaeth ar Maes-E trwy'r amser ond heb fawr o lwc hyd yma. Mae pot mawr o arian ar gyfer hybu cyhoeddi Cymraeg (yn cynnwys pethe ar-lien) wedi clustnodi gan y Cynulliad yn dilyn helynt Y Byd. Tybed oes modd defnyddio rhywfaint o hynny ar gyfer ymgyrch annog defnydd o'r Gymraeg yn TG?

[Hedd Gwynfor]

Oes gan rhywun y sgiliau technegol/cyfrifiadurol i 'hacio' mewn i sustem rheoli ffonau symudol, a mewnddodi ffeiliau iaith Cymraeg?? Dwi'n cymryd mae'r broblem yw y byddai rhaid gwneud rhywbeth tebyg ar gyfer pob blincin model opob ffón symudol - byddai llawer yn haws petai ond un cwmni ffonau symudol yn bodoli gyda 1 model!

[Rhys]

Difyr bod yr opsiwn ieithoedd Catalaneg a Basgeg ar gael. Wrth gwrs mae grym llywodraeth Catalwnia a niferoedd siaradwyr yr iaith llawer uwch na'r Gymraeg, ond mae sefyllfa'r Fasgeg yn llawer tepycach - yn amlwg yr unig beth sydd ar goll yw'r awydd.

O ran y gallu i ocio mewn i'r ffôn, paid gofyn i mi Hedd, ond darllenais erthygl yn y New York Times am sut mae iPhones ar weth ar y 'farchnad llwyd' yno (hy yw, maen't yn cael eu hadeiladu yn Tseina, ond nid yw Apple eisiau i'r ffôn fod ar werth yno eto), ble mae'r ffôn yn cael ei smyglo mewn i'r wlad, yna mae pobl yn ei hacio fel fod opsiynau ar gael yn iaith Tsieinieg.

An iPhone purchased in Shanghai or Beijing typically costs about $555. To unlock the phone and add Chinese language software costs an additional $25.

O ran niferoedd sy'n defnyddio twll yn wal yn Gymraeg, dwi wedi clywed bod y niferoedd yn ôl HSBC yn isel ofnadwy. Ond 'sgwn i os yw'r niferoedd yn cymeryd i ystyriaeth pob person sy'n defnyddio'r peiriant neu dim ond cwsmeriaid y banc ei hun - oherwydd os ddefnyddia i fy ngherdyn HSBC caf ddewis iaith, ond ddim os ddefnyddia i gerdyn banc arall.

[Cardi Bach]

Sori, ond anghofiais i son fod Galego yn opsiwn hefyd, er gwybodaeth.

[Y Pesimist]

Tybed faint fyddai'n defnyddio'r opsiwn Cymraeg?
Sori am grwydro, ond dwi wedi gofyn y cwestiwn yma i mi fy hunan sawl gwaith:
Tyllau yn wal yng Ngymru. Faint sy'n defnyddio'r opsiwn Cymraeg hefo e.e. peiriannau arian HSBC? Ffigyrau swyddogol yn bodoli? Canran: tua 8% efallai??

Yn defnyddio yr opsiwn Gymraeg mewn twll yn y wal pob tro! Dwi'n ceisio defnyddio Cymraeg mewn unrhyw wasanaeth posibl

[ger4llt]

Oes gan rhywun y sgiliau technegol/cyfrifiadurol i 'hacio' mewn i sustem rheoli ffonau symudol, a mewnddodi ffeiliau iaith Cymraeg?? Dwi'n cymryd mae'r broblem yw y byddai rhaid gwneud rhywbeth tebyg ar gyfer pob blincin model opob ffón symudol - byddai llawer yn haws petai ond un cwmni ffonau symudol yn bodoli gyda 1 model!

'Swn i'm yn deud bod gin i'r sgiliau cyfrifiadaurol , ond ffon fel hyn sgin i, SPV C550...



Gan mai smartphone 'di hi, os dachi'n dallt be 'di be arni, ma'n bosibl cyrchu i gof y ffon, a'r ffeiliau system yn benodol, i newid rhai o'r gosodiadau â llaw e.e. newid enwau shortcuts i raglenni arno, newid proffilau i "Tawel" ac "Awyr Agored" ac erbyn hyn dwi 'di hows-treinio fo i adnabod y'n llais i yn Gymraeg hefyd
Os rhywun arall yn defnyddio smartphones neu gyfrifiadur llaw ar y maes? Dwi'n 'u gweld nhw'n llawer mwy effeithiol na ffonau symudol arferol, sydd a phopeth yn aros yn eu gosodiadau ffactri, a dim posibl eu addasu. Ma'n sicr yn optiwn.

[Wylit, wylit Lywelyn]

os ddefnyddia i fy ngherdyn HSBC caf ddewis iaith, ond ddim os ddefnyddia i gerdyn banc arall.

Diddorol.
Mae'n siwr gen i y byddai'n bosibl i HSBC wybod y canran. Ydi BYIG yn gwybod beth yw'r canran tybed? Sori am grwydro- wnai ddim sôn am y peth twll yn wal yma eto ar yr edefyn yma. Ond 8% ? Os ydio'n llai na e.e. 2% (ar gyfer cardiau HSBC yn unig) yna byddai hyn yn siomedig iawn i bobl sydd eisiau gweld y Gymraeg yn cael ei normaleiddio.
Sgin i ddim ffôn symudol sy'n gweithio ar hyn o bryd- angen blincin batri newydd. Pwynt ynglŷn â ciosgs ffôn- posibl dewis opsiwn iaith Cymraeg (ar gyfer y foliwm a.y.y.b.)- hyd yn oed yn Lloegr! Crwydro eto