Hawl i'r Gymraeg

Oes dadl eto?

Cymedrolwr: gronw

Rheolau’r seiat
Oes dyfodol i'r iaith Gymraeg? Pwyswch yma i ddarllen canllawiau cyffredinol maes-e.

Hawl i'r Gymraeg

Postiogan Hedd Gwynfor » Iau 09 Hyd 2008 11:28 pm

Mae modd darllen llythyrau diddorol iawn rhwng y bargyfreithiwr Gwion Lewis a golygydd Barn Dyfrig Jones ar wefan newydd Cylchgrawn Barn:

http://www.cylchgrawnbarn.info/index.ph ... &Itemid=92

Dyma sydd gan Gwion lewis i'w ddweud ynglyn a pha gwmniau y dylid eu cynnwys mewn Mesur Iaith cychwynnol yn ei farn ef:

Fy awgrym i fyddai canolbwyntio yn y mesur iaith newydd ar y pum is-sector preifat sy’n ymwneud fwyaf â’r cyhoedd yn uniongyrchol: telathrebu, bancio, trafnidiaeth, archfarchnadoedd a’r gwasanaethau cyhoeddus (nwy, trydan, d?r). I roi un enghraifft ym mhob un o’r is-sectorau hyn, byddai hynny’n golygu bod y gyfraith am y tro cyntaf yn disgwyl pethau pendant o safbwynt y Gymraeg gan Orange, HSBC, Virgin Trains, Morrisons a Scottish Power. Ni allai’r un o’r cwmnïau hyn ddadlau’n synhwyrol nad yw’r adnoddau ganddynt i gynhyrchu llythyrau nac arwyddion na gwasanaethau ar-lein Cymraeg. Dyma is-sectorau sydd bellach yn hanfodol i ni oll os ydym am gyfranogi’n llawn o fywyd cyfoes, ac felly ni ellir byw’n llawn drwy gyfrwng y Gymraeg os nad ydynt yn rhoi lle teilwng i’r iaith.


ac mae'n gwrthwynebu'r syniad y dylai lleoliad y cwmni oddi fewn i Gymru fod yn ystyriaeth:

Mae dy lythyr yn awgrymu y gellid ystyried y sector preifat ar lefel ranbarthol, yn hytrach na chenedlaethol, yn unol â chryfder y Gymraeg mewn ardal arbennig, ond os ydym o ddifrif am greu Cymru wirioneddol ddwyieithog, ac yn derbyn y syniad fod angen cynllunio ar gyfer cryfhau ieithoedd llai eu defnydd, nid oes angen i’n gorwelion fod mor gul â hyn. Nid yw sicrhau lle amlwg i’r Gymraeg yn tramgwyddo unrhyw un, ond mae ei habsenoldeb yn y sector preifat yn awgrymu’n feunyddiol i’r rhai sy’n ei siarad nad yw eu hunaniaeth ieithyddol yn werth ei pharchu.


Adolygiad o lyfyr Gwion Lewis gan Dafydd Trystan hefyd ar wefan Barn:

http://www.cylchgrawnbarn.info/index.ph ... &Itemid=95

Llongyfarchiadau i Dyfrig ar wefan newydd Barn hefyd 8)
Rhithffurf defnyddiwr
Hedd Gwynfor
Gweinyddwr
Gweinyddwr
 
Negeseuon: 6140
Ymunwyd: Llun 19 Awst 2002 12:51 pm
Lleoliad: Caerfyrddin

Re: Hawl i'r Gymraeg

Postiogan Cardi Bach » Gwe 10 Hyd 2008 4:52 pm

Mae gan Gwion Lewis bwynt. Dyma eiriad y Ddeddf:

WELSH LANGUAGE SCHEME
Duty to prepare schemes

1) Every public body to which a notice is given under section 7 below and which—
(a)provides services to the public in Wales, or
(b)exercises statutory functions in relation to the provision by other public bodies of services to the public in Wales,

Meaning of “public body”.—
(1) In this Part of this Act “public body” means—
... ... ...
(o)any person (whether or not a body corporate or unincorporate)—
(i) who appears to the Secretary of State to be exercising functions of a public nature, or
(ii) all or substantially all of whose activities appear to the Secretary of State to be conducted under an agreement, or in accordance with arrangements, made with a public body within paragraphs (a) to (n) or sub-paragraph (i) above or a person acting as servant or agent of the Crown,
and who is specified, or is of a description of persons specified, by order made by the Secretary of State for the purposes of this Part of this Act.


Y ddwy ran olaf yn benodol sydd yn ddiddorol, sef fod hawl gan Weinidog Cymru benderfynu pwy ddylai cydymffurfio a'r ddeddf os ydyn nhw yn darparu gwasanaeth cyhoeddus, boed yn gorff cyhoeddus neu gwmni preifat. Gall Paul Murphy felly orfodi Tesco neu Orange i lunio Cynllun iaith a darparu gwasanaeth dwy-ieithog.

Ar fater arall mae'n siwr y dylai Northern Rock a Bradford and Bingley gydymffurfio a'r ddeddf iaith bellach, fel hefyd yr holl fanciau eraill sydd am werthu 'preferential shares' i'r Llywodraeth, gan mai ni, y trethdalwyr, yw'r prif gyfranddalwyr. Wy wedi cysylltu a Bwrdd yr Iaith i ofyn iddyn nhw os ydyn nhw'n cyd-fynd a hyn ac os ydyn nhw am weithredu ar y peth.
Rhithffurf defnyddiwr
Cardi Bach
Gweinyddwr
Gweinyddwr
 
Negeseuon: 2694
Ymunwyd: Maw 22 Hyd 2002 7:54 am
Lleoliad: Gal

Re: Hawl i'r Gymraeg

Postiogan Wylit, wylit Lywelyn » Gwe 10 Hyd 2008 5:29 pm

Bydd yn ddiddorol cymharu bywiogrwydd gwefan Barn hefo bywiogrwydd gwefan Golwg. Dylai'r ddau wefan ganolbwyntio ar fomentwm clir a gweladwy yn ystod y dyddiau cynnar yma.
Rhithffurf defnyddiwr
Wylit, wylit Lywelyn
Defnyddiwr Efydd
Defnyddiwr Efydd
 
Negeseuon: 400
Ymunwyd: Maw 29 Ion 2008 8:49 pm
Lleoliad: Un o bwerdai ein diwylliant


Dychwelyd i Dyfodol yr Iaith

Pwy sydd ar-lein

Defnyddwyr sy’n pori’r seiat hon: Dim defnyddwyr cofrestredig a 4 gwestai

cron