LCO Iaith

[Hedd Gwynfor]

Bydd Drafft yr LCO iaith yn cael ei chyhoeddi Dydd Llun.

[Hedd Gwynfor]

Bydd trafodaeth ar Taro'r Post a Richard Evans Phone In.

Ydych chi'n sylweddoli nad yw'r Gymraeg yn iaith swyddogol yng Nghymru ar hyn o bryd, ac nad oes gennych chi unrhyw hawliau i ddefnyddio'r Gymraeg yn eich bywyd bob dydd?

Mynnwch bod y pwerau deddfu llawn ym maes y Gymraeg yn cael eu datganoli i Gymru! Pwyswch yma i ddanfon ebost at eich Aelodau Cynulliad ac Aelod Seneddol. http://cymdeithas.org/lobi.php

Bydd ond yn cymryd munud o’ch amser, ond Gweithred Fechan x Pawb = Gwahaniaeth mawr i'r Gymraeg! Dewiswch eich etholaeth, rhowch eich enw, cyfeiriad ebost a chyfeiriad a gwasgwch ar ‘Anfon' i ddanfon y neges rhagosodedig. http://cymdeithas.org/lobi.php

Mae Llywodraeth y Cynulliad newydd gyhoeddi Gorchymyn Cymhwysedd Deddfwriaethol (LCO) yn galw am ddatganoli grym dros ddeddfu ym maes y Gymraeg o'r Senedd yn Llundain i'r Cynulliad yng Nghaerdydd. Pwyswch yma i wylio’r fideo 'Beth yw LCO Iaith?' http://cymdeithas.org/2009/01/30/munud_ ... mraeg.html

Ond nid yw'r LCO yn ddigon cryf, ac mae ofn mawr y bydd Aelodau Seneddol yn Llundain yn ceisio gwanhau'r pwerau a fydd yn cael eu trosglwyddo i'r Cynulliad ymhellach. Pwyswch yma i ddarllen a Gwylio ym ateb Cymdeithas yr Iaith i’r LCO - http://cymdeithas.org/2009/02/02/mesur_ ... cymru.html

Danfonwch neges ebost at eich Aelod Seneddol a'ch Aelodau Cynulliad i'w hannog i beidio â gwanhau'r pwerau dros y Gymraeg sy'n symud i Gaerdydd ac i sicrhau fod gwneud y Gymraeg yn swyddogol, rhoi hawliau diamod i bobl Cymru a sefydlu Comisiynydd Iaith yn rhan o unrhyw fesur yn y dyfodol. Llenwch y ffurflen arlein - http://cymdeithas.org/lobi.php

Y mwyaf o bobl fydd yn gwneud hyn, y mwyaf o bwysau fydd ar Lywodraeth San Steffan i ddatganoli'r grymoedd yn llawn i'r Cynulliad, ac ar Lywodraeth y Cynulliad i roi Mesur Iaith Cyflawn i ni!

Diolch am eich Cefnogaeth!

=====

Cysylltu: http://cymdeithas.org/cyswllt/
Ymaelodwch - http://cymdeithas.org/ymuno/

[Hedd Gwynfor]

Trafodaeth ar Radio Cymru a Radio Wales yn dda. Un bachan di-Gymraeg o Glyn Ebwy yn wych ar rhaglen Richard Evans chwarae teg. Werth gwrando arno.

[Madrwyddygryf]

Dwi'n disgwyl erbyn diwedd yr wythnos fydd na fwrlwm o trafodaeth ar y we - 'forced down our throats', 'nationalists obsession', 'waste of time and resources', 'nobody speaks it these days', 'oudated and antiquated language' ayb ayb.

[Ray Diota]

It smacks of bully boy Gwynfor Evans who said, "give me what I want or I will go on hunger strike".

fi'n lico hwn - dyw e'n neud dim sens!! ti'n meddwl bod e 'di mynd i ysgol lle odd y bwlis yn gweud "gimme your dinner money, or i'll go on hunger strike..."

[aled g job]

Am wn i mai ennill ar y menyn a cholli ar y caws fyddai un ffordd o edrych ar yr LCO hwn a gyhoeddwyd heddiw.

O ran y colli, dwi ddim cweit yn deall pam nad ydi archfarchnadoedd mawr sy'n gwneud miliynau o elw pob blwyddyn ac sy'n rhan hanfodol o fywydau pob dydd pob un ohonom gwaetha'r modd wedi'u cynnwys. Mae amseriad yr LCO hefyd yn anffodus o gofio'r twll du economaidd yr ydan ni ynddo fo, a'r panig mawr sydd ar gynnydd ymhlith pobl am y rhagolygon dros y flwyddyn nesaf. Mi fydd llawe mwy o fin ar ddadleuon y garfan "ond beth am y gost" oherwydd hyn, ac mae yna berig i rheini gael eu llyncu gan nifer fawr o bobl.

O ran yr ennill, dwi'n meddwl bod y geiriad ei hun sef "trin y Gymraeg a'r Saesneg ar sail cydraddoldeb" yn fframio'r drafodaeth ym maes cyfartaledd yn gyffredinol, yn union yr un modd a materion rhywedd, hil, anabled ac ati, ac yn hynny o beth mae o'n ei wneud yn rhywbeth cyfoes a phriflif. Dwi'n meddwl hefyd bod y neges sylfaenol sydd ynghlwm a'r LCO yn un pwerus iawn ac un fydd yn gwneud synnwyr i'r cyhoedd yng Nghymru yn gyffredinol h.y "Caerdydd ddylai gael yr hawl i ddeddfu ar y Gymraeg nid Llundain." Mae honno'n ddadl enilladwy iawn, a dwi'n meddwl bydd yr Aelodau Seneddol Cymreig ar y Pwyllgor Dethol Cymreig yn ei chael hi'n anodd iawn i ddadlau yn erbyn yr egwyddor hon. Wrth gwrs trio mynd ar ol y glo man y gwnawn nhw,a cheisio codi pob math o fwganod, ond cyn belled a bod y ddadl yn parhau yn ei hanfod yn ddewis rhwng "Caerdydd a Llundain": Caerdydd fydd yn ennill. Eirioni'r sefyllfa ydi y bydd y system LCO's gwallgof yn gweithio o blaid y Cynulliad, ac o blaid caredigion y Gymraeg gyda hwn, gan ei fod yn rhoi cyfle i ennill y ddadl gan bwyll bach. "Os na fydd gryf bydd gyfrwys" medd yr hen air ac mae hynny'n bendant yn wir yn yr achos hwn. Dwi hefyd yn meddwl bod cynnwys "telegyfathrebu" yn y gorchymyn yn hynod o bwysig. Dwi'n grediniol y bydd cwmniau fel Vodaphone ac Orange yn dod yn bwysicach na chyfryngau traddodiadol ym mywydau pawb ohonom( yn enwedig felly y gynulleidfa iau dros y blynyddoedd nesaf) ac mi fyddai sefydlu troedle i'r Gymraeg yn y maes hwn yn gam enfawr ymlaen.

Dwi'n gwybod bod rhai gan gynnwys Cymdeithas yr iaith yn siomedig nad oes awgrym sut y byddai'r mesur iaith yn effeithio ar weddill y sector breifat ar y stryd fawr yn gyffredinol ac mae'n rhaid imi ddweud bod hynny wedi croesi fy meddwl i wrth ymweld a Chlwb Ffitrwydd JJB ym Mangor pnawn ma. Clwb sydd a dros 2,000 o aelodau ac yn cyflogi tua 50 o staff. Pam nad ydi rhywle fel hyn yn gynwysiedig? Mae'n debyg mai'r ateb i hyn ydi'r ddamcaniaeth "trickle-down". Hynny yw, wrth weld y cwmniau mawrion yn cyflwyno dwyieithrwydd,a hynny'n gweithio, y gobaith ydi y bydd cwmnai preifat llai fel JJB ac ati yn penderfynu eu hefelychu dros amser. Rhaid dweud na fu "trickle-down economics" yn llwyddiant mawr yn America na Phrydain dros y blynyddoedd dwytha, a does ond gobeithio y bydd y "Linguistic trickle-down " yn gweithio'n well. Amser a ddengys.

Pan ddaw hi yn fater o ddadlau dros union natur y deddfu sydd i ddigwydd, gobeithio y gellid rhoi llawn cymaint o sylw i hyrwyddiad ag i orfodaeth. Gobeithio'n wir mai nid pwyslais ar gyfieithu pob un taflen, pob un ffurflen, pob un pamffled, pob un rhybudd a welir wrth drafod dyletswyddau y cwmniau dan sylw. Gobeithio y bydd y pwyslais ar berswadio'r cwmniau dan sylw i ddarparu gwasanaeth dwy-ieithog "byw" a bod hynny'n golygu cynnig cyfleon i staff ddysgu'r iaith ac i ddatblygu sgiliau ynddi er mwyn gallu gwasanaethu cwsmeriaid yn effeithiol. Gallai hynny gael ei werthu fel buddsoddiad yn y cwmni a buddsoddiad yn y staff eu hunain ar gyfer y dyfodol.

Un cwestiwn cyn gorffen. Beth sy'n digwydd i'r LCO os y caiff etholiad cyffredinol ei alw cyn ei weithredu? Ydi'r holl broses yn gorfod cychwyn o'r cychwyn, yntau ydi'r LCO yn gallu cael ei drosglwyddo i'r weinyddiad newyd yn san steffan?

[Hedd Gwynfor]

Un cwestiwn cyn gorffen. Beth sy'n digwydd i'r LCO os y caiff etholiad cyffredinol ei alw cyn ei weithredu? Ydi'r holl broses yn gorfod cychwyn o'r cychwyn, yntau ydi'r LCO yn gallu cael ei drosglwyddo i'r weinyddiad newyd yn san steffan?

O'r hyn ddeallaf, bydd rhaid i'r holl broses cychwyn o'r cychwyn, a dwi'n siwr felly y bydd yr AS'au Llafur a Cheidwadol yn ceisio oedi'r broses cymaint a phosibl. Yn ol Betsan Powys ar newyddion BBC amser cinio, mae hi'n rhagweld y bydd y broses o ddatganoli'r grymoedd a fydd yn galluogi'r Cynulliad i ddeddfu ym maes y Gymraeg yn para tan ddiwedd y flwyddyn!

[Mr Gasyth]

Un cwestiwn cyn gorffen. Beth sy'n digwydd i'r LCO os y caiff etholiad cyffredinol ei alw cyn ei weithredu? Ydi'r holl broses yn gorfod cychwyn o'r cychwyn, yntau ydi'r LCO yn gallu cael ei drosglwyddo i'r weinyddiad newyd yn san steffan?

O'r hyn ddeallaf, bydd rhaid i'r holl broses cychwyn o'r cychwyn, a dwi'n siwr felly y bydd yr AS'au Llafur a Cheidwadol yn ceisio oedi'r broses cymaint a phosibl. Yn ol Betsan Powys ar newyddion BBC amser cinio, mae hi'n rhagweld y bydd y broses o ddatganoli'r grymoedd a fydd yn galluogi'r Cynulliad i ddeddfu ym maes y Gymraeg yn para tan ddiwedd y flwyddyn!

O leia ddudwn i.

[Hedd Gwynfor]

Falle bydd rhai ohonoch chi eisiau pleidleisio yma - http://www.walesonline.co.uk/

QUICK VOTE:
Should people have the right to conduct their official business in Welsh?
Yes 50.0%
No 50.0%

[Kez]

Falle bydd rhai ohonoch chi eisiau pleidleisio yma - http://www.walesonline.co.uk/

QUICK VOTE:
Should people have the right to conduct their official business in Welsh?
Yes 50.0%
No 50.0%

Wi'n ei gweld hi'n drist o fyd pan fo cymaint a 50% o bobol yn gwrthod rhoi hawl sylfaenol i garfan arall o gymdeithas fyw eu bywyd trwy ei ddewis iaith.

Credaf y dylsem ffindo mas pwy yw'r ffycars a chico eu penna nhw miwn - wi wedi cal llond bol o bobol ryddfrydol erbyn hyn - good kick in, dyna' r unig beth man nhw'n ei ddeall.

Geirfa:
ffycars = pobol ddrwg iawn
Kick in = hamrad/cotan/hemad/dyrnu'r ffycars (am ystyr ffycars - gweler uchod)