Golwg360

[Ray Diota]

jiw, ma fe di newid beh wmbreth - be ma pobol yn feddwl?

[sian]

jiw, ma fe di newid beh wmbreth - be ma pobol yn feddwl?

Dw i'n meddwl bod y prif lun yn well ar y chwith ond mae'r ffont braidd yn wan (ond dydw i ddim yn deall dylunio).
Ydyn nhw'n gwastraffu lot o le yn yr is-adrannau newyddion? - dim ond cael y pennawd a "mwy" a lot o le gwag

Oes 'na ryw fath o archif heblaw am y lle chwilio bach?

[Hedd Gwynfor]

Ddim yn siwr am y lliw gwyrdd 'lime' ond mae tipyn o welliannau wedi cael eu gwneud i'r wefan o ran pa mor rhwydd yw e i'w ddefnyddio. Gobeithio bydd lot mwy o welliannau yn yr wythnosau nesaf, gan gychwyn gyda RSS, a chynnwys crynodeb o straeon + dyddiad yn y categoriau e.e. Gwleidyddiaeth a Pêl Droed. Hefyd, dylai pwyso ar y logo 'golwg360' fynd a chi nol at yr hafan. A ma' wir angen newid ffont y testun i rhywbeth sy'n rhwyddach ar y llygad.

[dafydd]

Mae'r diwyg newydd yn amlwg ychydig yn well (heblaw y ffontiau mawr) ond doedd dim llawer yn bosib gyda'r wefan fel mae hi. Dwi'n meddwl mai newidiadau bach nawr ac yn y man fyddan nhw'n gwneud nawr - ffordd rhyfedd iawn o ddatblygu gwefan. Mae datblygiad 'hyblyg' parhaus yn gallu gweithio os oes gennych chi raglennwyr gorau'r byd a dylunwyr da (fel Google/Youtube/Facebook/Twitter) ond i gwmni bach sy'n dibynnu ar swm penodol o arian cyhoeddus mae'n wallgo.

Mae dal problemau mawr gyda 'isadeiledd gwybodaeth' y wefan sef rhywbeth roedd rhaid meddwl amdano reit o'r cychwyn. Dwi'n rhagweld nhw'n parhau i ail-ddylunio/ail-drefnu y wefan am fisoedd i ddod - ond mae e fel trio ail-addurno stafell tra'n gwisgo menig paffio - proses anodd, rhwystredig ac aneffeithiol iawn.

[Duw]

Ti dal yn mentro yna Daf? Dwi wedi pwdu a thaflu'm teganau allan o'r pram diarhebol. Dwi'n gwrthod mynd nol tan eu bod yn sortio'u hunain allan. Na'i ddim annog fy nisgyblion i fynd 'na 'chwaith.

Pa mor anodd a fyddai i symud i blatfform newydd? Mae'r holl ddata mewn cronfa beth bynnag (dwi'n gobeithio!). Faint fyddai'n costio i gael makeover, gan ddefnyddio pecyn fel MovableType neu hyd yn oed WordPress/Joomla ac ati? O be dwi'n gallu gweld, stim ishe dim byd hudol - jest rhywle i gofnodi erthyglau a chyfrwng.

[Hedd Gwynfor]

Ti dal yn mentro yna Daf? Dwi wedi pwdu a thaflu'm teganau allan o'r pram diarhebol. Dwi'n gwrthod mynd nol tan eu bod yn sortio'u hunain allan. Na'i ddim annog fy nisgyblion i fynd 'na 'chwaith.

Pa mor anodd a fyddai i symud i blatfform newydd? Mae'r holl ddata mewn cronfa beth bynnag (dwi'n gobeithio!). Faint fyddai'n costio i gael makeover, gan ddefnyddio pecyn fel MovableType neu hyd yn oed WordPress/Joomla ac ati? O be dwi'n gallu gweld, stim ishe dim byd hudol - jest rhywle i gofnodi erthyglau a chyfrwng.

Mae'n werth rhoi cyfle arall iddyn nhw Duw. Mae nhw wedi datrys y broblem 'gyda'r cwcis beth bynnag, gweler blogiad diweddaraf Dafydd...

Mae nhw wedi cael gwared o’r gallu i ddewis ychwanegu adrannau a dewis rhanbarth. Efallai fod hyn dros dro tra fod gwaith yn cael ei wneud i’w ddiwygio, ond mae hyn yn datrys ar unwaith y broblem o ddefnyddwyr yn gweld adrannau’n diflannu. Dim mwy o glirio cwcis!

[Hedd Gwynfor]

Dyma beth sydd gan bobl i ddweud am Golwg360 ar twitter - http://twitter.com/search?q=golwg360

[dawncyfarwydd]

Dwi'n meddwl bod y dyluniad newydd yn ok - swn i ddim yn ei ddewis o'n hun, ond mae'n well.

Y broblem ydi bod y dudalen flaen yn edrych yn wag. Swn i'n deud bod na fwy o storiau ar y dudalen flaen nag sydd ar un y Guardian (y wefan i anelu ati). Petaen nhw'n rhoi crynhoad o'r straeon o dan y pennawd, sa petha'n well.

Ond wrth gwrs, fedran nhw ddim rhoi 10-20 gair o grynodeb dan y teitl tra bod y straeon eu hunain mor fyr a thila.

[Duw]

Cywir Hedd. Llawer gwell. I stand corrected (mor belled).

//golygu

Wel, wrth edrych yn gyntaf mae'n well, er beth sy lan gyda'r 'teasers' sy jest yn bawdluniau a 'mwy...' Holl bwynt rhain yw bod cetyn stori i denu person mewn. Wylle na'i aros mis bach arall cyn gwatraffu mwy o'm amser.

[Prysor]

Duwcs yndi, lot gwell chwarae teg. Mi ddatblygith petha fel ffontia a ballu yn naturiol rwan. Dim ond drwy drio all unrhyw un weld ynde.

Dal i weld yr erthyglau'n fyr a braidd yn ddisylwedd, a'r 'features' am y celfyddydau etc jysd yn grynodeb o'r stori, efo troednodyn yn eich annog i ddarllen y stori lawn yn y cylchgrawn Golwg. Dwi'n siwr na roddwyd arian cyhoeddus i sefydlu gwefan hybu gwerthiant menter fasnachol sydd eisoes yn bodoli. Sefydlu gwasanaeth newyddion Cymraeg newydd oedd o i fod, shwrli?

Ac ers pryd mae 'diagnosio' yn air Cymraeg?