Golwg360

[Duw]

Fe fyddai arddull y testun i gyd yn cael ei reoli mewn un man.. yn y CSS.

Clyw Clyw. Hoffwn wybod pa flas o CMS mae'r safle'n defnyddio. Mae cymaint o rai da mas 'na. Dwi wedi galw amdano o'r blaen, ond eto - dyali'r safle gael ei ail-adeiladu o'r cychwyn. Allai fentro nid yw'r hyn mae Golwg am ei gynhyrchu'n anodd iawn - bydde hyd yn oed fersiwn o WordPress neu TextPattern yn gallu cyflawni hyn.

Dwi wedi creu sawl CMS fy hun ac yn gwybod yn iawn bod angen ache o amser i'w profi er mwyn sicrhau eu bod yn gweithio'n gywir. Mae defnyddio rhywbeth fel TP/WP ac ati'n angenrheidiol os ond cannoedd sydd gan gwmni i wario.

O be dwi'n gallu gweld mae'r safle wedi'i greu allan o bits'n'bobs wedi'u coblo at ei gilydd. Gall Tinopolis wario misoedd yn trio patsio'r peth neu galle rhywun fel Dafydd greu safle ardderchog sy'n ticio'r holl bocsys mewn cwpwl o ddiwrnode. Ble 'di'r sens? Balchder?

All unrhyw un argymell G360 fel adnodd newyddion arlein da ar hyn o bryd? Yn sicr mae parhau gyda'r nonsens 'ma'n niweidio enw da (os oes enw da dal yn bodoli) Golwg.

[Hogyn o Rachub]

'Riportio'?

[sian]

Does 'da fi ddim problem â "riportio", yn bersonol.
Beth fyddet ti'n ddweud?

Dyma sydd gan Briws i'w ddweud:
Plaid yn dweud wrth yr Ombwdsman am gynghorydd
Plaid yn achwyn ar gynghorydd wrth yr Ombwdsman
Plaid yn hysbysu'r Ombwdsman ynghylch cynghorydd
Plaid yn rhoi gwybod i'r Ombwdsmon am gynghorydd
Plaid yn sôn wrth yr Ombwdsman am gynghorydd
Plaid yn cyhuddo cynghorydd wrth yr Ombwdsman

Plaid yn riportio cynghorydd i'r Ombwdsman - llafar

Hyd y gwela i, does dim un yn cyfleu'r ystyr yn union - heblaw'r un "achwyn" efallai.

Mae'n fy mhoeni i fwy eu bod nhw'n dweud "Plaid" am "Plaid Cymru" - ond, wrth gwrs, fe allai olygu unrhyw Blaid yn fan hyn - felly fe gân nhw fantais yr amheuaeth!

[Hogyn o Rachub]

Rhaid i mi anghytuno, mae 'riportio' wir yn swnio'n ofnadwy i fi - neu'n hytrach yn edrych yn ofnadwy yn ysgrifenedig. 'Cyhuddo' neu 'achwyn' fyddai'n well gen i yn bersonol.

[dafydd]

Rhaid i mi anghytuno, mae 'riportio' wir yn swnio'n ofnadwy i fi - neu'n hytrach yn edrych yn ofnadwy yn ysgrifenedig. 'Cyhuddo' neu 'achwyn' fyddai'n well gen i yn bersonol.

Mae 'cyhuddo' yn air eitha cryf. 'Cwyno' yw'r gair mae'r Ombwdsmon yn ddefnyddio ar ei gwefan.

[sian]

Rhaid i mi anghytuno, mae 'riportio' wir yn swnio'n ofnadwy i fi - neu'n hytrach yn edrych yn ofnadwy yn ysgrifenedig. 'Cyhuddo' neu 'achwyn' fyddai'n well gen i yn bersonol.

Mae 'cyhuddo' yn air eitha cryf. 'Cwyno' yw'r gair mae'r Ombwdsmon yn ddefnyddio ar ei gwefan.

Ie, byddai "Plaid yn cwyno wrth yr Ombwdsmon am gynghorydd" yn swnio'n well. Ac mae'n debyg mai "complain"mae'r Ombwdsmon ei hun yn ei ddefnyddio.

[Duw]

'Riportio' yn swno fel 'hitio' neu 'fflio'. Cwmrâg gwarthis. Pam sa'r pobol man disgu siarad y iaith yn cywir. Pwy nymnyts wedodd riportio?

[dafydd]

Oes rhywun wedi darllen rant Iolo Jones ar ei flog (sydd nawr wedi diflannu gyda llaw)? Mae'n ddoniol tu hwnt.

Mae e'n dweud fod £8,400 (nid yn uniongyrchol o'r grant) wedi ei wario yn India am nad oedd unrhyw gwmni yng Nghymru yn gallu gwneud y gwaith. O ie? Mae nifer o gwmniau datblygu gwefannau yng Nghymru yn delio gyda prosiectau £100k+ yn rheolaidd. Does dim byd arbennig o glyfar yng ngwefan Golwg 360. Efallai oedd e'n golygu "doedd dim un o fy mêts yn gallu gwneud y gwaith".

Mae e'n cyhuddo Tinopolis o dorri eu addewid o ran datblygu y wefan (wel beth y'ch chi'n disgwyl os ydyn nhw'n addo gwneud rhywbeth 'am ddim') a felly roedd rhaid iddo 'achub' y prosiect. Mae e hefyd yn cyhuddo'r BBC o bigo arno fe a'r "gystadleuaeth", er eu bod nhw wedi bod yn gyndyn iawn i adrodd y stori yn union oherwydd y math yna o gyhuddiadau. Mae'n werth cofio ei fod wedi gwrthod siarad a'r BBC, ond yn ddigon barod i syrthio ar ei fai yn y fforwm yma.

Dwi'n meddwl fod 'gwaith' Iolo Jones ar Golwg 360 wedi gwneud cam mawr a chwmni Golwg (Newydd) a Tinopolis, eto mae'n rhaid gofyn pwy oedd wedi cynnig y swydd iddo yn y lle cynta a beth oedd ei gymwysterau am y swydd?

[anffodus]

'Riportio'?

A binjio?!
(yn y frawddeg gynta' - ma'r pennawd yn iawn)

[HuwJones]

Da iawn Golwg - plis gwn ni fwy o 'reportio', 'binjio', 'jobs', 'safio', 'fflio' etc etc.. Os mae'r heddlu purdeb iaith yn 'winjio' rhaid ichi fod yn wneud rhywbeth yn iawn

Er mod i'n siomedig gyda'r holl broblemau technegol gyda Golwg360, o leiaf mae pwy bynnag yn Golwg sydd wedi dewis y geiriau yno yn trio sgwennu Cymraeg boblogaidd.

Dwi'n gweithio gyda chwmni argraffu sy'n gwneud lot fawr o stwff dwyieithog ac mae'n hollol amlwg o'r ymateb rydan ni'n cael gan y cyhoedd bod y mwyafrif mawr o siaradwyr Cymraeg yn troi'n syth at y fersiwn Saesneg gan gwyno bod lefel y Gymraeg mae cyfieithwyr yn ei defnyddio'n rhy anghyfarwydd o gymharu a'u hiaith lafar pob dydd.

Pwrpas Y Byd, Y Cyngor Llyfrau, Golwg a'r arian cyhoeddus 'ma ar gyfer Golwg360 yw i hybu'r arferiad o ddarllen yn Gymraeg.

Felly cwestiwn i 'Hogyn o Rachub' ac eraill sydd wedi cwyno...
... sut fasech chi fynd ati i wneud y Gymraeg ar gyhoeddiadau / gwefannau yn fwy boblogaidd a derbyniol i bobl sy'n llai hyderus o'u Cymraeg na chi?