Mynnwch fod Peter Hain yn gweithredu dros y Gymraeg

[Hedd Gwynfor]

Wrth rhoi dau glic, eich enw a'ch cyfeiriad, gallwch helpu sicrhau fod y pwerau llawn dros y Gymraeg yn cael eu datganoli i Gymru. Mae hyn yn arbennig o bwysig o ystyried y diffyg hyder sydd gan bobl yn yr Aelodau Seneddol yn Llundain ar hyn o bryd.

Rydym yn galw ar Peter Hain, Ysgrifennydd Gwladol Cymru, i beidio â gadael i'r Pwyllgor Dethol ar Faterion Cymreig yn Llundain i lusgo traed ar y Gymraeg. Rhaid gweithredu'n fuan cyn daw etholiad cyffredinol neu bydd y broses o drosglwyddo'r pwerau yn cael ei ddymchwel yn llwyr.

Pwyswch yma i ddanfon ebost at Peter Hain - http://cymdeithas.org/lobi.php

Mae'r Pwyllgor Deddfwriaethol yn y Cynulliad, ar ôl clywed tystiolaeth gan bobl Cymru, wedi bod yn flaengar i alw am drosglwyddo'r holl bwerau dros y Gymraeg o San Steffan i Gymru. Mae'r Pwyllgor Materion Cymreig yn Llundain hefyd wedi clywed tystiolaeth ddi-amheuol o blaid datganoli'r pwerau dros y Gymraeg i Gymru ac mae dyheadau'r Cynulliad wedi eu gwneud yn eglur.

Gofynnwn i Peter Hain wneud yn siwr fod adroddiad y Pwyllgor Dethol yn cael ei gyhoeddi cyn toriad yr haf, er mwyn symud ymlaen â'r broses o ddatganoli'r grymoedd dros y Gymraeg cyn gynted a phosibl.

Danfonwch lythyr yn awr o'r wefan hon - dau glic yn unig! - http://cymdeithas.org/lobi.php

Diolch am eich cefnogaeth.

[sian]

Helo Hedd
Wedi treio neud ond dw i'n cael neges: No file exists at the address “/lobi.php”.
Fi sy gwneud rhywbeth o'i le?

[Hedd Gwynfor]

Sori am hynny, mae i weld yn gweithio nawr. Mae'r ymateb wedi bod yn syfrdanol. Danfonais allan neges ar facebook ac ebost at aelodau'r Gymdeithas am rhyw hanner nos neithiwr, ac mae tua 100 wedi llenwi'r ffurflen yn barod.

[sian]

Tshampion!

Neges i bawb - gwnewch nawr - peidiwch â'i roi ar eich rhestr o bethe i'w wneud pan gewch chi funud! A dydi hi ddim yn cymryd dwy funud i aralleirio'r neges i gael mwy o effaith.