cydweithio

[Rhys Llwyd]

cydweithio?

[Leusa]

Rwbeth i neud efo'r ffaith bod Simon Brooks wedi bod yn slagio CYI ffwrdd yn ofnadwy a felly mae aelodau mwya siriys CYI wedi cymyd y peth yn ddifrifol a ma nhw di pechu! [nath Gwyn sos egluro i fi, gofyna iddo fo ne ffred ne rhywun]

[Ramirez]

ceilliau i cymuned, fel dwi di ddeud lawer tro. idealistic drivel, a'r unig rinwedd ydi'r ffaith syml ei fod o'n wrthwynebiad gwir.

ma CyI ella'n ymddangos yn ddiog, ond ma nw lot mwy realistig na Cymuned.
Cydweithio? ychydig o addysg i Cymuned i ddechra ella, yn enwedig i'r idiot Gwilym Euros (dio dal efo nw? sgenim syniad am y petha ma go iawn)

[Leusa]

'Ymddangos yn ddiog' ella , ond dydi hyna'm yn wir. O'r blaen roedd na ddigon o ymgyrchoedd gweithredol i'w neud e.e arwyddion ffyrdd ayyb, a roedd lot o sylw yn cael ei roi gan y papurau newydd a teledu, ond rwan gan bod hyna di'w sortio y peth nesa i neud efallai sydd am sicrhau na fydd raid ail-ddechrau ymgyrchu fel o'r blaen ydi cael deddf iaith newydd!! [ia ia yr un hen stori!] a felly gan mai rhywbeth llai gweithredol ydi hyn, [a does na'm sylw yn cael ei roi rwan gan y paprau a teledu achos nad ydio'n ddim newydd] ma'n ymddangos fel bod CYI yn cysgu tra eu bod nhw mor ddiwyd ac o'r blaen mewn ffordd gudd!!

[Ramirez]

ia, roedd y pwyslais ar yr "ymddangos" i fod, dim beirniadu oni, jysd trio deud be ti wedi llwyddo i ddeud!

[Leusa]

Gwylia di be ti'n ddeud, neu gei di'm ham salad i frecwast....a ddo i a'r gwenyn allan

[Ramirez]

oooh missus, brathwch eich tafod

[SbecsPeledrX]

Fydde'n neis petai'r Gymdeithas fel y mudiad hyna, mwya aeddfed yn gallu gneud ymdrech i trwsio'r rhwyg. Fydde gweld gwyneb neu ddau o senedd y Gymdeithas ar raliau Cymuned yn help. Dwi'n aml yn gweld Simon Brooks a rhai aelodau eraill o bwyllgor gwaith Cymuned ar raliau'r Gymdeithas.

Dwi'n aelod o'r ddau mudiad gyda llaw, ac yn teimlo fod y Gymdeithas yn agosach at fy nghwleidyddiaeth ond i mi mai'n edrych mai Cymuned yw'r unig un sy'n gwneud ymdrech i gefnogi ymgyrchoedd y llall.

[Hogyn o Rachub]

Y broblem yw fod Cymuned wedi dweud ei fod yn fudiad sy'n fodlon defnyddio anufudd-dod sifil fel dull, ac ei bod yn fudiad dros Gymru gyfan - sy'n yn gwneud dim ond copio CYI. Dylai Cymuned fod yn brwydro dros y Fro Gymraeg yn benodol. O ganlyniad, mae'r ddau fudiad yn debygol iawn i'w gilydd, ac mi fydd yno fwy o gystadleuaeth na chydweithio, sy'n arwain at ddim ond rhwygiadau ni fydd o fudd i neb hawblaw am elynion yr iaith Gymraeg.

Dwi'm yn slagio'r un mudiad off. Mae'r ddau yn brwydro drosom NI. Hoffwn i weld:

Plaid Cymru'n brwydro dros yr iaith o fewn awrdurdod.
CYI yn brwydro dros statws drwy Gymru a.y.y.b.
Cymuned yn canolbwyntio ar broblemau'r Fro.

Ond yn anffodus, mae un gwiredd plaen. Mae pobl yn teimlo fod y Blaid yn cefnu ar yr iaith. Dydi Cymuned wedi gwneud fawr o ddim ond bitshio pawb arall yn ei ffordd hunan-gyfiawnhaus tra fod CYI (ac nid ydw i'n hoffi dweud hyn) wedi bod yn aneffeithiol dros y blynyddoedd diwethaf 'ma.

Efallai ein bod ni i gyd wedi methu, a fod angen rhywbeth mwy.

[Idris]

[quote="Ramirez"]
ma CyI ella'n ymddangos yn ddiog, ond ma nw lot mwy realistig na Cymuned.
quote]

Ddaru Cymuned gyflwyno syniadau call i'r Cynulliad ar sut i helpu'r iaith, e.e. awdurdod datblygu busnesau i'r Fro Gymraeg, mwy o bres i'r Cynllun Helpu Pobol Leol I Brynu Tai.
Ma' gwleidyddion yn cymryd sylw o Cymuned, sydd efo hygrededd ymysg pobol gyffredin ar lawr gwlad.

Heb fod isho ymosod yn bersonol na chyffredinoli, mae Cymdeithas Yr Iaith efo delwedd fel mudiad i fyfyrwyr dosbarth canol greu argraff ffafriol, wedyn derbyn swydd dda o fewn bywyd cyhoeddus Cymru.
Dydi Cymdeithas ddim wedi adlewyrchu pryderon y Cymry Cymraeg yn y cadarnleoedd, felly mae Cymuned wedi ffurfio.
Oes gan y Gymdeithas gelloedd tu allan i Fangor ac Aber? Mae Cymuned wrthi'n ddiwyd yn trio sefydlu canghennau lleol (e.e.Pontypridd nos Wener)

Cymuned ydi'r realists, yn gweithio ar lawr gwlad ac yng nghoridorau grym (anffodus o wan) Y Cynulliad.
Roddodd Seimon Glyn ddyfodol yr iaith yn ol ar frig ar yr agenda wleidyddol, a daeth Gwilym Euros i'w ddilyn fel ogla drwg. Ddyla Ffati Lwmp ddim cael siarad yn gyhoeddus am dyfu barf gafr, heb son am ddyfodol cymunedau.

Biti na fydda'r ddau yn cydweithio, ond fel dywed SbecsiX ma' Cymuned wedi dangos fwy o awydd i gefnogi CymIaith na fel arall.
Odd Angharad Tomos yn anffodus yn papur, yn holi 'Lle ma'r bois Cymuned yma wedi bod cyhyd tra'n bod ni'n carchar dros yr iaith?'
Ddyla neb amau hygrededd a gwaith arteithiol pobol fel Angie dros yr iaith, ond Cymuned sydd efo'r tan yn eu boliau a'r syniadau yn eu pennau i neud gwahaniaeth go-iawn.