cydweithio

[Rhys Llwyd]

yna anghofiwch am ddelwedd a ffasiwn, a meddyliwch am yr achos

Reit hen bryd i'r Gymdeithas ymateb!

Dwi ddim yn gweld fy hun fel un o inner circle y Gymdeithas er fy mod ar y Senedd. Dwi ddim chwaith yn fyfyriwr - dwi dal yn ysgol - a dwi heb fynd yn involved er mwyn ffitio mewn a 'bod yn cwl', i ddweud y gwir dwi wedi colli llawer o ffrindiau a gwneud llawer o elynion yn yr ysgol ers i mi fod yn weithredol gydar Gymdeithas. Serch hynny ma Meinir yn llygad eu lle ma nw rai dar Gymdeithas syn weithgar am 3 mlynedd ac yna yn mynd i'r BBC a thats it.

Ti'n iawn Meinir - yr achos sydd bwysicaf! Fe ymunesi a'r Gymdeithas run mis ag ymunais a Chymuned a blwyddyn a hanner yn ddiweddarch ma rhagluniaeth Duw wedi dod a fi'n weithgar gyda'r Gymdeithas nid Cymuned, er fy mod i yn ceisio mynd i bob rali Cymuned a fedra i. Rhywsut wi'n gweld y medru helpu'r achos yn fwy direct gyda'r Gymdeithas, dwi'n timlo mor gryf dros yr iaith fel mod i di pwsho fy hun mewn ffordd mewn i inner circle y Gymdeithas i newid pethe - er lles yr iaith. Sai'n gweld fi'n medru neud hynny a cal fy hun (17 mlwydd oed) ar bwyllgor gwaith Cymuned.

Mission fi ar hyn o bryd yw trefnu rali ar y cyd efo Cymuned yn 'steddfod. Falch clywed fod pethen symud ar ochr Cymuned - heb gael lot o ymateb gan fy nghyd Gymdeithaswyr eto!

Mar be mar Gymdeithas yn mynd ar ol fymryn yn fwy eang na Cymuned wi'n meddwl. Yn bersonol fy 'mriff' i yw mynd ar ol cwmniau i ddarparu gwefannau Cymraeg. Dwi di llwyddo i gael Heddlu Dyfed Powys i gal un Cymrag a fy mission nesaf i yw hasslo HSBC am un Cymrag (y banc sydd gynhesa tuag at y Gymraeg).

Reti na ddigon am nawr. Ma be ma Meinir yn dweud am y Gymdeithas yn sort of gwir, falle fod en annodd i selogion y Gymdeithas i'w amgyffred ond rhaid i ni chwalu'r myth!

[Rhys Llwyd]

Ond o beth i fi'n ei weld nod yr edefyn yma ydy trafod y gwahaniaethau sy'n bodoli rhwng y ddau fudiad, ac nid ceisio sarhau!

Fi ddechreuodd yr edefyn yma i ANNOG cydweithio nid i drafod y gwahaniaethau.

Neu fale bod angen gwneud hynny er mwyn medru cyfaddawdu a chydweithio.

[Hogyn o Rachub]

Duwcs ia, aelod o'r Blaid, CYIG a Chymuned! Trebl yn wir, Aran!

Mae gen i'n rhesymau dros beidio ymuno gyda'r un ar y foment. Yn y gorffenol roeddwn i'n arfer gweld Cymuned yn hunan-gyfiawnhaus (sydd dal yn wir i raddau), ond rhaid i mi gyfaddef fy mod i'n cynhesu'n feunyddiol at y mudiad. Er hynny, 'muno ar ôl dod nôl o brifysgol wna i ('sdim pwynt achub y gymuned Gymraeg yng Nghaerdydd!) ac efalla i ddaw i draw i dre i'r Noson 'ma!

ON: sori MEINIR!!!

[Rhys Llwyd]

Ma Cell dar Gymdeithas yng Nghaerdydd (iwan@cymdeithas.com)

A dwi 1/2 meddwl fod cangen efo Cymuned yn y ddinas hefyd.

[Hogyn o Rachub]

Dyna oedd (ac sydd) yn un peth dwi i ddim 100% yn hapus efo Cymuned - fe ddatganodd y mudiad eu bod nhw'n fudiad dros Gymru cyfan ac fe'm siomwyd gan hynny. Roeddwn i bob amser eisiau ei gweld fel mudiad yn benodol dros y Fro Gymraeg, nid y wlad i gyd.

[Rhys Llwyd]

Un o resymau dros ffurfio Cymuned oedd y ddadl fod y Gymdeithas wedi mynd yn rhy eang a dylid cael mudiad yn benodol i 'ddal tir' felly yn hyn o beth ma Cymuned wedi magu bola tew itha cynnar!

[Meinir]

Dwi'n hynod o falch fy mod i wedi llwyddo i roi dipyn o dan yn ol i'r drafodaeth yma, a fu'n boenus o unllygeidiog, unochrog, hyd yma.

Doedd hi ddim yn fwriad gen i fod yn gas chwaith. Dwi'n gwybod yn iawn pwy ydi'r gelyn mewn difri', ond roedd yr edefyn yma'n sgrechian am gyfartaledd, ac mi oeddwn i'n ffeindio pethau chwerthinllyd iawn, a digon sarhaus, yn y pethau sydd wedi cael eu dweud. Unioni cam, nid ymosodiad heb ei gymell.

Pa ddyfyniad wyt ti'n son am? Ie Cymdeithas o bobl yw Cymdeithas. Elitaidd a chlici? I raddau fel pob grwp mudiad arall, yn aml mae llawer haws gwneud pob dim eich hunan yn hytrach na sianelu eich egni i dynnu mwy o bobl i fewn. Unigolion hunanganolog? Fi ddim yn siwr iawn o pwy ti'n siarad am fan hyn, efallai fyddai'n haws os fydde ti yn fodlon rhoi enwau er mwyn i mi gytuno neu anghytuno. Yr unig beth dwi yn gwybod yw na fyddai person 'HUNANGANOLOG' yn gwneud unrhywbeth dros unrhywun arall!

Dwi ddim am lunio rhestr o bwy sy'n 'ddrwg' a phwy sy'n 'dda', fwy na dwi am enwi pobl myfiol yn CYI...! Ond i rywun o'r tu allan, na chafodd owns o groeso na gwrandawiad pan ddangosais ddiddordeb mewn ymuno a gweithgarwch y gymdeithas. Dydi CYI ddim yn gwastraffu egni yn recriwtio mwy o bobl i'w corlan, meddai Hedd. Ai dyna'r ffordd ymlaen? Hmm...

Dydy codi poster, gyda pob parch, ddim yn withred uniongyrchol o aberth mawr, nac yn un difrifol iawn, ond fi'n meddwl ei fod yn beth gret fod gymaint o bosteri a slogannau wedi ei peintio yn y gogledd, a fi'n cytuno fod angen i'r Gymdeithas godi mwy o bosteri.

Nac ydi, dwi'n cytuno'n llwyr nad ydi codi posteri yn aberth o gwbl (oni bai am faeddu par o jins ). Y gwir amdani ydi nad oes 'na'r un mudiad yng Nghymru heddiw yn gwneud aberthion mawr na difrifol. Dim o'u cymharu ag aberthion aelodau ETA er enghraifft. Ond, doeddwn i'm yn son am aberthu (dwi o'r farn ei fod yn bwnc y dylid ei wyntyllu serch hynny), son oeddwn i am weithredu yn y ffordd weladwy, di-drais, a sefydlwyd yng Nghymru gan y gymdeithas nol yn y 60au. Peintio, ac i raddau llai - codi posteri yw hynny, onide? Gan nad yw swyddfeydd y llywodraeth mor atyniadol i bobl bellach am ryw reswm.

[b]Dydw i yn bendant ddim yn ei weld fel cystadleuaeth! Cydweithio yw'r unig ffordd ymlaen. Ond o beth i fi'n ei weld nod yr edefyn yma ydy trafod y gwahaniaethau sy'n bodoli rhwng y ddau fudiad, ac nid ceisio sarhau!

Fel ddywedais i, dim ond adfer dipyn ar gydraddoldeb dwi. Ddim isio'i gymryd o'n bersonol. Tanlinellu'r ffaith nad yw CYI, er yr holl sentiment (a'r daioni) sydd ynghlwm a hi, ddim uwchlaw beirniadaeth; ac mae 'na frychau i'w gweld yn y ffordd mae hi'n gweithredu, ac yn natganiadau cyhoeddus ei haelodau.

Hefyd, gobeithio cha'i ddim slap pan ddo'i i weithgareddau CYI yn y dyfodol

[Rhys Llwyd]

hehe

wele groeso i ti Meinir.

Wi di newid e i STOP oherwydd fod fy mwriad gwreiddiol i wedi ei fforeddu.

annog cydweithio oedd y bwriad nid amlygu rhaniadau.

[Hedd Gwynfor]

Paid bon ddwl achan! Blincin hell ma ishe pobl sy'n poeni am yr iaith arnom ni yma yng Nghymru! Plis dere i ymuno yn weithgarwch y Gymdeithas.

[Meinir]

Ond, na - wedi dweud hynna i gyd - dwi o blaid cydweithio ar ryw lefel, ac mi fyswn i'n annog fod Pwyllgor Gwaith Cymuned a Senedd Cymdeithas yr Iaith yn cyfarfod i drafod hynny (dwi'm ar yr un ohonyn nhw, felly sgen i'm dylanwad o gwbl a deud y gwir. Hynny i fyny i chi)

Yn bersonol, dwi wedi bod yn meddwl yn ddiweddar am siarad gyda pobl yn y Gymdeithas yn Aberystwyth ac UMCA ynglyn a chydweithio i feddwl be' i'w neud ynglyn a sefyllfa'r Gymraeg yn y coleg. Pan 'dach chi'n meddwl bod Derec am adael yn fuan rwan, a'r Gymraeg mor israddol dan ei brifathrawiaeth o, sut fydd hi wedyn? Mi ydw i'n meddwl y dylem ni daclo hwn (a phroblemau eraill hefyd) ar y cyd, nes ein bod ni'n cicio'r sefyldiad o bob ochr, a bod ein cic ni gymaint a hynny'n gryfach.