Pum mlynedd i heddiw (ymosodiadau terfysgol 2001)

[Madrwyddygryf]

1. Ble roeddech chi pan glywsoch am yr ymosodiad ?

2. Sut mae’r byd wedi newid oherwydd yr ymosodiadau ? (neu yw o wedi newid pethau o gwbl).

[Cymro13]

On i yn Mexico ar y pryd yn Cancun ac yn gorfod hedfan adre ar y 14eg o Fedi

[S.W.]

Oeddwn i yn Madison, Wisconsin yn barod i ddal bws Greyhound i St Paul, Minnesota pum mlynedd yn nol i heddiw, newydd adael Efrog Newydd 3 diwrnod yng nghynt a wedi bod yn sefyll wrth droed un o'r ddau dwr union wytnnos i'r awr wnaethon nhw ddisgyn. Oeddwn i wedi darllen erthygl yn FHM am yr ymgyrch i fomio'r tyrau yn 1993 a dwi'n cofio meddwl

"byswn i'n buggered os bydde rhain yn disgyn wan".

Cofio mynd ar y bws gyda ffrind i mi a doedd y rhan fwyaf o deithwyr ar y bws ddim yn ymwybodol o be oedd wedi digwydd gan eu bod wedi bod yn teithio dros nos ar y bysus. Cofio gweld faniau du'r FBI gyda dynion blin eu golwg hefo gynau'n gwarchod Senedd Dy, talaith Wisconsin.

Oedden ni'n aros hefo teulu yn St Paul ac oedd y tad yn gweithio yn World Trade Tower, St Paul a wedi cael ei anfon adref o'i waith, a brawd y fam yn gweithio yn y Pentagon heb fod ymhell o ble darodd yr awyren hwnnw.

[Geraint]

Mi o ni'n gwneud gwaith mapio ar lethrau Yr Wyddfa uwchben Rhyd-Ddu, felly doedd gennai ddim syniad fod unrhywbeth di digwydd tan i mi gyrraedd adref tua pump o'r gloch a gweld y teledu. Fues i fyny ar to un o'r tyrau, dwi dal methu credu pwy mor uchel oeddent.

Mae'r byd yn fucked up. The lunatics have taken over the asylum.

[Mihangel Macintosh]

O ni tu fas i'r Cynlliad Cenedlaethol yn sgwrsio gyda Ffred Ffransis.

Roedd Ffred ar y pryd yn cysgu tu fas i'r Cynulliad ac yn ymprydio am wythnos er mwyn tynnu sylw'r gwleidyddion at yr angen am Ddeddf Eiddo.

Doedden ni ddim yn credu sgêl yr ymosodiad nes i fi fynd adre a gweld y lluniau ar y teledu.

[Dwlwen]

O'n i yn Lisburn, yng Ngogledd Iwerddon, yn sefyll gyda 'nghariad i ar y pryd, odd yn fab i gyn-filwr. Odd Tony (y tad) a'u cymydog (Steve, cyn-filwr arall) yn llawn theoriau (trodd allan i fod yn itha cywir) cyn gyted ag i'r newyddion dorri. O'n i'n hedfan nôl i Gymru'r diwrnod wedyn, yn disgwyl cael trafferth uffernol wrth deithio - ond doedd hi fawr wahanol i'r arfer ym maes awyr Caerdydd.

Ar lefel bersonol, wy'n cofio pa mor aniddig o'n i'n teimlo yn yr wythnosau wedyn wrth i'r fighter-planes (sy wastad wedi ymarfer dros ardal fy nghartref) daranu drosto ni. Wrth astudio Woolf nôl yn Coleg hefyd, odd bygythiad y rhyfel yn 'i sgwennu hi'n teimlo gymaint a hynny fwy 'real'.

[Gwahanglwyf Dros Grist]

O'n i'n gweithio mewn ffatri shitty ar y pryd ac felly glywes i ddim byd nes i fi gyrraedd gartre. Cofio dod mewn, mynd i'r stafell fyw i wrando ar gerddoriaeth, wedyn clywed rhyw bytiau o frawddegau'n dod o'r radio yn y gegin am ymosodiadau. O'n i'n meddwl mai sôn oedden nhw am ryw fygythiad neu'i gilydd (rhyw fath o wrthdro i War of the Worlds), cyn i fi sylweddoli bod hyn wedi digwydd.

Mae'r byd wedi newid er gwaeth yn fy marn i gan fod llawer mwy o sgriwtini yn cael ei roi i unrhyw un neu unrhyw beth sydd â chymhelliad gwleidyddol.

O ie, ac mae'n dair blynedd ar ddeg ar hugain ers y coup d'etat yn Chile, cofiwch.

[Ray Diota]

O ie, ac mae'n dair blynedd ar ddeg ar hugain ers y coup d'etat yn Chile, cofiwch.

rhwbeth tebyg feddylies i wrth wrando ar 5live yn mynd overboard am y peth bore ma.

phone in, yn lle'r newyddion arferol, da pobol yn gweud: "i was boilin a kettle when I heard"

big deal.

odd e fel bo nhw di canslo newyddion heddi achos bod y yanks yn bwysicach na phawb arall....

on i mewn maes awyr ar fin hedfan i ffrainc, incidentally, watsho fe ar News 24. Cachu pans.

[Chwadan]

Ddois i adre o coleg, deud "Osama Bin Laden sy tu ôl i hyn" (:?), wedyn cofio fod fy annwyl, annwyl gariad cyntaf yn Washington DC. Ciw panicio, ffonio'i fam a dallt ei fod o ddeg bloc (medda fo) i ffwrdd o'r Pentagon pan laniodd yr awyren. Fy arwr.

Eniwe. Dwi'n casau'r busnes "cofio 9/11" ma - mae o'n mynd bron cyn waethed â'r diwydiant cofio Diana. Ac ma'r ffaith bo ni'n ei alw fo'n 9/11 yn hytrach na 11/9 yn y lle cynta yn ffurf o Yank-addoli. Grr.

[Dili Minllyn]

Gyrru adre o Gaernarfon i Gaerdydd efo cwpl o ffrinidiau o Lundain, gan wrando ar gryno-ddisgiau trwy'r amser (yn lle'r radio), felly doedd gyda ni ddim syniad beth oedd wedi digwydd nes cyrraedd adre.

O ran newidiadau i'r byd, dim llawer. Mae byddinoedd answyddogol yn dal i ladd pobl ddiniwed efo bomiau bach, a byddinoedd swyddogol yn dal wrthi'n gwneud yr un peth efo bomiau mawr.

Glywodd rhywrai Gore Vidal ar Radio 4 bore 'ma yn sôn am fel mae llywodraeth America wedi defnyddio ymosodiadau Medi 2001 i gyfiawnhau pob math o bethau oedd gyda nhw ar y gweill beth bynnag? Cytunaf i'r carn.