Osama bin Laden: wedi marw?

[huwcyn1982]

Adroddiadau bore 'ma bod Osama bin Laden wedi marw o typhoid mis yn ôl, ym Mhacistan.

Mae'r papur newydd Ffrangeg, L'Est Republicain, yn dyfynnu o ddogfennau maent yn honni sy' di dod o'r gwasanaethau cudd.

Yn ôl y papur, mae Saudi Arabia yn hollol confinsd bo bin Laden wedi marw yn hwyr ym mis Awst. Mae Pacistan yn dweud bo nhw'n gwbod dim am yr honiadau.

Os mae'n farw, yn sicr mae digon o ffanatics i lenwi ei sgidie. Ond gwell iddo farw fel hyn yn hytrach na marw fel ryw martyr? (er bydd rhai dal yn ei addoli fel un beth bynnag sy'n digwydd iddo)

Gol.: Dyma'r stori

[dylunio]

Ond gwell iddo farw fel hyn yn hytrach na marw fel ryw martyr?

Efallai mae hyn yn well, os yw wedi digwydd o gwbl. Pe bai'r yanks di'i ladd/dal a'i ladd mi fyddai'n ferthur i'w ddilynwir, ac byddai Bush yn anioddefol o hapus. Y ffordd yma mae'n marw heb gormod o hylabalw rhyngwladol, a dydy neb yn 'ennill' fel petau.

[Chip]

clywes i fel conspiracy theorys bod e 'di marw falle blwyddyn yn ol a just wedi recordio lot o tapiau fygythiol mewn wythnos cyn marw, beth bynnag roedd e ddim yn neud lot, odd e ddim yn wybod am 9/11 nes iddo ddigwydd a ma digon o ffanatics dal mas na i dal(which hunt style)!

[Macsen]

Dwi'n meddwl y byddai mwy o stwr wedi dod o gyfeiriad Al-Q petai o wedi marw go iawn. Fel dyn ni'n gwybod tydyn nhw ddim yn rai i gadw eu teimladau'n gudd a galaru'n dawel.

Ond mi fydden nhw dal yn ei gyfri o fel merthyr oherwydd roedd o'n cuddio, a methu cael triniaeth meddygol, am fod y 'Satan Mawr' yn ceisio ei ladd o.

[huwcyn1982]

Debyg bod neb yn credu'r Ffrancwyr nawr, gyda lot o ymatebion "we know nothing!" oddi wrth y Saudis a Phacistan, a dim ymateb gan America a Phrydain.

A wel, tro nesa falle.

[Macsen]

Dwi'n meddwl y byddai Pakistan yn ceisio darganfod y bedd a datgladdu'r corff cyn cyhoeddi ei fod o wedi marw. Y peth olaf fydden nhw ei eisiau yw cysegrfa i'r merthyr yn troi'n ryw fath o ail Mecca ar eu tir nhw. Yn ogystal a hynny byddai'r corff yn brawf terfynol - mi fyddai braidd yn chwithig arnyn nhw petai nhw'n cadarnhau y marwolaeth ag yna Osama yn rhyddhau tap arall o tu hwnt i'r bedd.

[sanddef]

A fydd Osama'n cysgu mewn ogof, yn aros ei amser, fel ein Harthur a'n Howain ni?