Masnach Deg

[Lodes Fech Glen]

Oes gen rhywun rywbeth mae nhw eisiau ei gyfrannu i wneud ag Masnach Deg. Dwi wedi ei ddewis fel pwnc Siarad Cyhoeddus ag y buaswn yn ddiolchgar iawn am unrhywbeth sydd gen rhywun i ddeud - Yn farn neu'n wybodaeth!

[Rhys]

Dwi gyda diddordeb yn y pwnc, ond beth am ddechrau i ffwrdd gyda pam wnes ti ei ddewis fel pwnc a beth yw dy farn di am y peth

[Dili Minllyn]

Dwi o blaid Masnach Deg oherwydd mai marchnad anghyfartal, anghytbwys yw'r farchnad rydd sydd gyda ni. Mae grym prynu nifer o nwyddau, fel te a choffi, yn cael ei grynhoi yn fwyfwy yn nwylo ychydig bach o gwmnïau mawr, sy'n gallu ystumio'r farchnad a chodi crobris gan gwsmeriaid yn siopau'r wlad yma tra'n cynnig prisiau pitw iawn am eu cynnyrch crai i ffermwyr Affrica.

O ran yr ochr arall i'r ddadl, mae'r erthygl yma yn cyflwyno'n ddeallus dadleuon rhai o bleidwyr y farchnad rydd yn erbyn Masnach Deg.

[Lodes Fech Glen]

Dwi o blaid yn arw hefyd. Mwy byth ar ol gwneud peth ymchwil. Roeddwn wedi fy synnu bod hyd yn oed Pli chwareon ar gel. Ond sylwais hefyd bod dim ffigyrau penodol ar gael ar y nifer o wahanol safleodd a edrychais oedd yn dweud ffaint yn fwy oedd y cynnhyrchwyr yn ei gael yn ganlyniad i Fasnach deg. Roedd yna ddigon o esiamplau o'r hyn roeddent yn ei gael fel arall a'r unig esiamplau oedd yn ganlyniad i Masnach deg oedd pethau fel eu bod yn gallu adeiladu mwy o doiledau a cael mwy o athrawon mewn ysgolion.

[Dili Minllyn]

Mae'r peli Masnach Deg yn dda. Go brin y bydd ein mab lleiaf ni yn gollwng ei afael yn ei bêl rygbi Fasnach Deg. Mae'r peli yn cael eu mewnforio o Bacistan trwy'r Almaen, ac ar ochr y peth mae'n dweud yn Almaeneg, "Fairer Handel stoppt Kinder Arbeit", sef "Mae Masnach Deg yn atal llafur plant."

Byddai'n braf pe byddai rhywun un gallu perswadio cyrff fel y Gymdeithas Bêl Droed a FIFA i ddefnyddio'r fath beli'n swyddogol, neu efallai Undeb Rygbi Cymru.