Pinochet'n marw heb ateb am ei droseddau

[Prysor]

Pinochet wedi marw. Yr anghenfil wedi cael byw bywyd braf a hir ar ôl yr holl droseddau barbaraidd y bu'n gyfrifol drostynt.

Oes unrhyw gyfiawnder yn y byd 'ma?

[huwcyn1982]

http://news.bbc.co.uk/1/hi/uk_politics/6167351.stm

[7ennyn]

Jack Straw - y llipryn llwfr. Dylsai Pinochet fod wedi marw yn ei faw ei hun mewn cell cyn i'w garcas drewllyd gael ei fwydo i'r moch. Cywilydd arnat ti a dy dylwyth, Straw!

[Lletwad Manaw]

A Thatcher yn dweud hefyd ei bod hi yn drist ofnadw am ei farwolaeth.

Mae'n hen bryd i'r ast yma gicio'r bwced hefyd. Ma gofyn cael parti enfawr fel sydd yn Santiago pan drengith y badell.

Mor eironig fod y Ty Gwyn yn dweud y dylem gofio heddiw am y rheiny a ddiddefodd o dan y drefn filwrol Pinochet yn Chile, ag ma' cyn brifwenidog Prydeinig oedd dal mewn pwer ond 16 mlynedd yn ol yn ei glodfori i'r cymylau.

Dylid cofio fan hyn gyfeillion bod y rhan helaeth o Doriaid yn dal i eilun addoli yr hen ddraig.
Dylid ar bob cyfri atgoffa'r pleidleiswyr o hyn a'i sylwadau ar farwolaeth yr unben pan ddeith y rownd nesaf o etholiadau cenedlaethol a Phrydeinig

[Positif80]

Mae pethau da yn digwydd i bobl drwg; dyna natur bywyd. Tra bod pobl ar y ddaear, ni fydd hynna'n newid.

Mae hyn yn un o'r achlysuron lle dwi'n teimlo'n rhyfedd iawn, oherwydd dwi'n cydnabod fod Pinochet yn ddyn erchyll, ond 'sgen i ddim ots am y peth.

(Ac ie, mi faswn i'n meddwl yn wahanol tase un o'n nheulu i wedi marw yn yr un modd)

Ond dyma beth sy'n digwydd pan mae dyn yn barod i wneud unrhywbeth i gael ac i gadw pwer - mae o'n llwyddo, ac yn cael getaway. Sefyllfa drwg, ond beth all unrhyw un gwneud am y peth rwan?

Dwi'm yn gwybod llawer am hanes y dyn, ond dwi'n siwr y bydda i'n clywed mwy amdano yn y dyddiau i ddod.

[Dili Minllyn]

Dwi'm yn gwybod llawer am hanes y dyn, ond dwi'n siwr y bydda i'n clywed mwy amdano yn y dyddiau i ddod.

Fel arfer, mae ysgrif goffa dda a gweddol gytbwys yn y Torigraff, gyda llun hynod o'r Cadfridog dan sylw gyda'r Pab Ioan Pawl II.

[Pinochet was] the toughest nut I've even seen. He makes Somoza and the rest of those guys look like a bunch of patsies.

[Dili Minllyn]

:rolio: http://news.bbc.co.uk/1/hi/uk_politics/6167351.stm

Does ryfedd yn y byd i Thatcher ochri gyda Pinochet, gan iddo fe a Bechgyn Chicago baratoi'r ffordd i'w chwyldro economaidd hithau a Ronald Reagan. (Roedd hyn, wrth gwrs, ymhell cyn iddo fe ennill ffafr y Ddynes Haearn trwy gefnogi Pyrdain yn Rhyfel Ynysoedd Falkand, sef y rheswm a roddir fel arfer am y cyfeilgarwch rhwng y dda). Mae blog Lenin's Tomb wedi gwneud pwyntiau dilys ynghylch arwyddocâd gwleidyddol-economaidd Pinochet (tu hwnt i'w arwyddocâd fel llofrudd, lleidr, arteithiwr ac ati).

To see him as simply another vile bastard dictator who has snuffed it is to miss the point. He was crucial, inasmuch as he provided the opportunity for advanced capitalist states to test in the periphery a doctrine that lurked in the margins of political discourse back home.

Mae'r erthygl yn y Telegraph dwi wedi sôn amdani uchod hefyd yn gwneud nifer o bwyntiau da am Pinochet ac Allende:

- Er bod Pinochet yn honni iddo achub y wlad rhag anhrefn economaidd, roedd llawer o'r anhrefn a welwyd wedi'i chreu'n fwriadol trwy ymyrraeth ei ffrindiau fe yn yr Unol Daleithiau. Dywedodd Richard Helms, cyfarwyddwr y CIA ar y pryd, ei fod am "wneud i economi Chile sgrechian."

- At hynny, er bod polisïau Allende wedi anfanteisio rhai (yn bennaf y rhai a gollodd eiddo diwydiannol a masnachol pan gafodd ei wladoli) roedd ei raglen yn bur boblogaidd yn y wlad. Cofiwch mai hwn oedd yr arweinydd Comiwnyddol cyntaf yn y byd i gael ei ethol mewn democratiaeth gyfalafol.

- Ac er i Pinochet afdywio rhai rhannau o'r economi, fe dyfodd y bwlch rhwng y cyfoethocaf a'r tlotaf, gan adael rhyw chwarter o bobl y wlad yn byw mewn tlodi enbyd.

Rhyfedd ei fod yn dal i fod yn eilun i rai.

[Gwahanglwyf Dros Grist]

Mae hon yn ffilm dda i roi rhywfaint o gyd-destun chwyldro 1973, gyda ffilm wreiddiol o'r cyfnod a chyfweliadau gyda phlant Allende a phobl oedd yn gweld dyfodol disglair o dan Allende, cyn i Pinochet ddod â'i bolisïau asgell dde i chwalu economi gydraddol.

[docito]

Fel rhywun sydd wedi gwario cryn dipyn o amser yn Tsili a gweddill De America m'n rhaid dweud bod ymateb pobl yn y wlad yn wahanol iawn i'n syniadau ni
Dwi'n cofio astudio Tsili a'r junta yn yr Ariannin a cael fy mrawychu gan yr erchyllderau ond.........

Y realiti yw bod yna nifer sylweddol (o bosib i mwyafrif) o bobl yn y ddwy wlad yn gefnogwyr brwd o Pinochet a'r llywodraethau milwrol. Cofio sawl person yn son am y 70au fel yr amseroedd da gyda pawb yn gweithio a'r strydoedd yn ddiogel. Ma Tsili yn parhau i fod yn wlad sy'n ffynu ac mae hynny'n bennaf i ganlyniad i ddatblygiadau economaidd pinochet

Nawr, sai'n amddiffyn beth wnaeth y dyn, dwi'n gwybod mai dyma beth oedd y ddadleuon a ddefnyddiwyd i gefnogi hitler et al. Jyst meddwl bod hi wastad yn werth dangos perspectif gwahanol

[Dan Dean]

Cofio sawl person yn son am y 70au fel yr amseroedd da gyda pawb yn gweithio a'r strydoedd yn ddiogel. Ma Tsili yn parhau i fod yn wlad sy'n ffynu ac mae hynny'n bennaf i ganlyniad i ddatblygiadau economaidd pinochet

Ym, efallai na am y 70au cynnar oeddynt yn son amdano neu eu bod yn siarad cachu. Mae'n ffaith oedd diweithdra yn uchel iawn o dan y boi i'w gymharu gyda cyfnod Allende, o be dwi di weld 22% yn 1983 i'w gymharu a 4% yn 1973.