Saddam Hussein wedi cael ei grogi

gan **Madrwyddygryf** » Sad 30 Rhag 2006 11:36 am

Wel be mae pawb yn meddwl ?

Hwyrach rwyf yn bersonol yn erbyn cosbi trwy marwolaeth. Ond i ddeud y gwir,pan welais y rhaff yn cael ei glymu o wmpas ei wddf ac yn meddwl am filoedd o bobl roedd wedi cael ei lladd, teimlaf hwyrach bod yr ymosodiad gan Prydain ac UDA yn syniad da yn pendraw.

gan **Rhods** » Sad 30 Rhag 2006 11:47 am

Yn wreiddiol roeddwn o blaid y rhyfel oherwydd y busnes 'weapons of mass destruction' OND ar ol sylwi mai celwydd noeth odd hyn gan Blair a Bush - sylweddolaf mai camgymeriad enfawr odd y rhyfel. Er ni - yr unig beth da sy di dod mas o fe yw bod y bastard Hussein yna di cael ei grogi heddiw. :crechwen:

gan **Y Celt Cymraeg** » Sad 30 Rhag 2006 11:58 am

Bechod nath o ddim diodda cymaint a rheina nath o a'i drefn llofryddio a phoenydio dros y blynyddoedd, ond oleia mae o pellach di cael i haeddiant.

gan **Hedd Gwynfor** » Sad 30 Rhag 2006 12:03 pm

Barbaraidd a ffiaidd. Dangos nad oes unrhywbeth wedi newid yn Irac ers cyfnod Saddam yn rheoli. Mae'r sefyllfa yr un mor afiach heddiw yn Irac ac yr oedd hi yng nghyfnod Saddam. Mae trais yn hybu trais, bydd y sefyllfa yn gwaethygu yn Irac a'r rhwygiadau yn mynd yn fwy.

Mae gweld pobl yn y Gorllewin yn ymfalchio yn ei farwolaeth hefyd yn afiach.

Byddai cynnal achos teg yn rhyngwladol, a rhoi dedfryd o garchar am oes wedi bod yn ddedfryd symbolaidd llawer cryfach i ddangos fod Irac yn newid, a bod rhaid i'r trais ddod i ben. Dial gan y buddugwyr yn unig oedd yr achos yma.

Roedd Saddam yn ddyn afiach, ac roedd ei reolaeth yn Irac yn afiach, ond mae'n ymddangos fod y sefyllfa yno wedi gwaethygu i bobl Irac ers y rhyfel.

gan **Y Celt Cymraeg** » Sad 30 Rhag 2006 12:23 pm

[quote="Dial gan y buddugwyr yn unig oedd yr achos yma." quote]

Cyfiawnder 'sa rai yn ei alw fo...

gan **huwcyn1982** » Sad 30 Rhag 2006 12:54 pm

Am ddau ddegawd a hanner mi oedd grwpiau megis amnest rhyngwladol, human rights watch ac eraill yn galw am Saddam Hussein i gael ei gosbi am droseddau hawliau dynol, tra roedd Prydain, America ac eraill yn cefnogi'r dyn yn ariannol ac yn filwrol.

Tra roedd Saddam mewn pŵer, roedd miloedd ar filoedd yn cael achos llys diffygiol, ac yn cael ei lladd gan y wladwriaeth.

Trwy gefnogi'r achos llys hwn yn Iraq, mae Prydain a gwledydd eraill y glymblaid wedi dangos diystyried llwyr am gyfraith ryngwladol a chonfensiynau Genefa, ac wedi ymddwyn mewn modd buasai Saddam ei hun wedi bod yn gefnogol ohoni os nad ef oedd ar brawf.

Does byth esgus am ddefnyddio'r gosb eithaf.

Mi ddylai fod Saddam wedi cael achos llys o flaen llys rhyngwladol, ac aros yn y carchar am weddill ei oes.

gan **Ari Brenin Cymru** » Sad 30 Rhag 2006 1:14 pm

Dwi'n dueddol i gytuno gyda Hedd a Huwcyn1982. Pa well yda ni na Saddam ei hun wrth ddefnyddio'r un dulliau ag ef fel cosb? Yn bersonol dwi'n credu y buasai wedi bod yn well iddo dreulio gweddill ei oes yn y carchar gan ddioddef yno, mewn ffordd mae Saddam wedi cael 'get away' drwy gael marwolaeth cyflym.

Sut fedra ni gefnogi'r gosb eithaf os oeddem ni yn erbyn ffordd o weithredu Saddam? Yr oll mae hyn yn ddangos ydy fod dim wedi newid yn Iraq yn ffordd mae nhw'n gweithredu ers i Saddam golli ei bwerau.

gan **Hogyn o Rachub** » Sad 30 Rhag 2006 1:25 pm

Tueddol ydw i i gytuno efo Hedd a Huwcyn. Waeth pa mor ffiaidd o ddyn oedd Saddam mae'n ragrithiol hynod bod pobl sy'n erbyn y gosb eithaf yn cefnogi hyn (fel Tony annwyl...)

Ond mae rhywbeth dyfnach iawn yma. Rhoddwyd y gosb eithaf iddo am lofruddio 183 o Gwrdiaid nol yn yr 80au (pryd y cefnogem ef), heb fentro son am unrhyw droseddau eraill a wnaed. Os felly, oni ddylai Blair a Bush cael y gosb eithaf hefyd wedi i filoedd ar filoedd ar filoedd o bobl farw yn Irac dros y blynyddoedd ddiwethaf (bosib mwy na ddaru Saddam ladd dros gyfnod o ugain mlynedd a mwy)?

Ac mae'n gwneud yr holl son am y WMDs edrych yn ffwy ffals a gwag nac erioed.
'Sgwn i sut oedd Bush Snr a Magi yn teimlo am hyn; hwythau'n gefnogol i'w deyrnasaeth o Irac yn yr 80au, a Magi mor drist o weld Pinochet yn marw ychydig nol?

Y mwy dw i'n meddwl am y peth y salaf dw i'n deimlo: er nad ydw i o gwbl yn anhapus gweld cefn ar Saddam.

gan **Sili** » Sad 30 Rhag 2006 1:32 pm

Hedd Gwynfor a ddywedodd:Barbaraidd a ffiaidd. Dangos nad oes unrhywbeth wedi newid yn Irac ers cyfnod Saddam yn rheoli. Mae'r sefyllfa yr un mor afiach heddiw yn Irac ac yr oedd hi yng nghyfnod Saddam. Mae trais yn hybu trais, bydd y sefyllfa yn gwaethygu yn Irac a'r rhwygiadau yn mynd yn fwy.

Mae gweld pobl yn y Gorllewin yn ymfalchio yn ei farwolaeth hefyd yn afiach.

Wedi taro'r hoelen ar ei phen.

Yn anffodus, dwi'm yn meddwl y byddai'r opsiwn o'i gadw mewn carchar hyd ei oes yn ymarferol gan na fyddai pobl Irac wedi goddef hyn. Ond yn bersonnol mae'r busnas "llygaid am lygaid" ma'n hollol afiach.

gan **Mabon.Llyr** » Sad 30 Rhag 2006 2:40 pm

Sili a ddywedodd:
Hedd Gwynfor a ddywedodd:Barbaraidd a ffiaidd. Dangos nad oes unrhywbeth wedi newid yn Irac ers cyfnod Saddam yn rheoli. Mae'r sefyllfa yr un mor afiach heddiw yn Irac ac yr oedd hi yng nghyfnod Saddam. Mae trais yn hybu trais, bydd y sefyllfa yn gwaethygu yn Irac a'r rhwygiadau yn mynd yn fwy.

Mae gweld pobl yn y Gorllewin yn ymfalchio yn ei farwolaeth hefyd yn afiach.

Wedi taro'r hoelen ar ei phen.

Yn anffodus, dwi'm yn meddwl y byddai'r opsiwn o'i gadw mewn carchar hyd ei oes yn ymarferol gan na fyddai pobl Irac wedi goddef hyn. Ond yn bersonnol mae'r busnas "llygaid am lygaid" ma'n hollol afiach.

Dyma'n union syt dwin teimlo. Ond fel dwedodd Sili, fyddai pobl Irac yn fwy anhapus byth pe bai heb ei ladd. :rolio:

Saddam Hussein wedi cael ei grogi

Saddam Hussein wedi cael ei grogi

Pwy sydd ar-lein