Deall yr Unol Daleithiau

gan **Dili Minllyn** » Maw 03 Ebr 2007 9:04 am

Bu llawer o sôn o dro i dro am wrth-Americaniaeth rhai ar y Maes – term digon diystyr i ddisgrifio’r rhai sy’n gwrthwynebu polisi tramor yr Unol Daleithiau oddi ar yr Ail Ryfel Byd.

O’m rhan i, tipyn o Americagarwr ydwi, gan werthfawrogi diwylliant amrywiol y wlad a’i thraddodiadau gwleidyddol amlochrog – llawer mwy amlochrog nag y byddai rhywun yn meddwl o edrych ar cowbois sy’n cynrychioli’r wlad ar y llwyfan ryngwladol ar hyn o bryd.

Gan ein bod ni i gyd yn byw o hyd yng nghysgod ein cymydog mawr grymus, gwell i ni geisio deall beth sy’n ei gyrru hi ymlaen fel gwlad. Gaf i ofyn, felly, am eich cynigion chi am ffynonellau gwybodaeth da – llyfrau, ffilmiau, cylchgronau, gwefannau – ynghylch yr Americanwyr?

Dwi wrth ar hyn o bryd, er enghraifft, efo llyfr John Coski The Confederate Battle Flag: America’s Most Embattled Emblem sy’n olrhain hanes ystyr ac arwyddocâd baner groes letraws Taleithiau’r De, o’r Rhyfel Cartref hyd heddiw, via’r Dixiecrats a’r mudiad hawliau sifil.

gan **Huw T** » Gwe 06 Ebr 2007 1:04 pm

Pwnc diddorol. Dwi ddim yn siwr pa 'ffynhonellau' allai gynnig i ti ddarllen, ond fe allai gynnig yr hyn dwi di bigo lan drwy siarad mewn peth dyfnder gyda 3 American ar fy nghwrs eleni. Un peth a'm tarodd fi yn syth yw'r dylanwad sydd gan y lluoedd arfog ar gymdeithas America. Yn syml, os nad oes gan eich teulu gyfoeth, neu os nad oes gobaith cael ysgoloriaeth chwaraeon, yna ymuno ar lluoedd arfog yw'r unig ffordd o gael addysg coleg. Roedd e'n agoriad llygad i fi gael gweld i'r fath raddau mae'r syniad (a'r realiti) o 'superpower' yn cael ei gynnal gan y military industrial complex anferth yma, sy'n bwydo ei hun, i raddau ar Americanwyr ifanc sydd heb lawer o ddewis am fywyd gwell ond ymuno a'r complex.

Ac yn anffodus, nid y 'cowbois' presennol sydd a'r bai i gyd. Allwch chi weld datblygiad y system yma gael ei gweld yn sicr yn nyddiau Trumann ac Eisenhower (er mai llawer iawn o'r bai yn disgyn ar Reagan a'i gwnaeth yn amhsoibl i godi trethi). Mae'n ddiddorol gweld cymaint o wahaniaeth sydd rhwng yr UDA a'r UE hefyd ar gymaint o safbwyntiau cymdeithasol. Vive l'EU weda i!

gan **rooney** » Sad 09 Meh 2007 2:17 am

Mae'r chwith yn casau enillwyr. Ac wneith y chwith byth faddau am i America barhau tra mae Marxism yn cael ei daflu allan i'r bin sbwriel. Ac mae America hefo belt beibl cadarn. Dyma pam mae'r chwith yn casau America. Rydw i wrth fy modd hefo America a diolch i Dduw mae nhw yw superpower y byd.

gan **Macsen** » Sad 09 Meh 2007 10:40 am

America yw un o'r gwledydd gwychaf yn y byd (ar ol gwledydd Prydain ac Iwerddon wrth gwrs!), ond nid da lle gellir gwell...

Mae nhw'n siwr o ddenu mwy o feirniadaeth am eu bod nhw mor bwerus. Pan bo China yr un mor bwerus bydd pobol yn cwyno lot mwy amdanyn nhw.

Dwi'm yn meddwl bod neb ar y Maes yn teimlo loes am ddiwedd Marxism chwaith, dyn ni gyd yn rhy ifanc i gofio fo cyn i popeth fynd o'i le!

gan **Mici** » Sad 09 Meh 2007 11:07 am

Y scneario gorau fyddai dim un gwlad efo arfau niwclear. Ond barn U.D.A ydi mae yn iawn i ni gael nhw a ein ffrindiau Prydain a Israel ond dim y bobol drwg eraill.

Yr ymyryd di-ddiwedd mewn gwledydd democrataidd yn De a Latin America. Ydi hyn yn gyfiawn? Be os fysa gwlad fel Sweden, India neu Iran :ofn:

ddim yn hoff o lywodraeth U.D.A ydi o felly yn iawn i'r gwledydd yma ansefydlogi'r wlad?.

Neith hyn ddim digwydd wrth gwrs oherwydd fod ganddynt ddim digon o gyfalaf=pwer felly fe gaiff U.D.A neud fel y mynnent am byth.

Siomedig iawn di barn rhai, mae pawb o'r maes o blaid mwy na un plaid mewn democratiaeth ond ddim o blaid mwy na un 'super-power' yn y byd sydd yn llawer bwysigach debyg :rolio:

gan **Rhobert Ap Wmffre** » Maw 10 Gor 2007 4:06 am

Pwnc ac ymatebion diddorol. Fel rhywun sy'n byw yn yr UDA, gallaf ddweud fy mod yn caru a chasáu llawer o bethau am yr wlad hon, ond byddwn yn feirniadol hefyd o Gymru a gwledydd eraill Prydain.

Dwi'n byw mewn cymuned yn yr Uwch Canol-Orllewin "Upper Midwest" sy'n hollol wahanol i'r delwedd nodweddiadol o America sy'n ymddangos yn y cyfryngau Prydeinig. Mil o filtiroedd pell ydyn ni o Efrod Newydd a Washington; dros 2000 milltir o Galiffornia. Mae'n gymuned tawel, lle does dim llawer o drosedd neu drais. Mae mwyafrif o bobl yn grefyddol ond nid ffwndamentalistaidd o gwbl. Petaech yn cael problemau, fel salwch difrifol, bydd eich cymdogion yn eich helpu chi. Ar faterion gwleidyddol, mae bron hanner y cymuned yn pleidleisio dros y Democratiaid, a hanner dros y Gweriniaethwyr. Mewn gwirionedd, mae "synnwr cyffredin" yn datrys y mwyafrif o bynciau llosg yn ein pentre.

Ond, beth bynnag, rhaid i fi gytuno bod problemau sylweddol yn bodoli yn yr wlad hon, yn enwedig ynglyn â thlodi, gofal iechyd fforddiadwy, a dylanwad milwriaeth ar hunaniaeth Americanaidd. Mae llawer o'n ffrindiau yn erbyn polisïau y lywodraeth Bush, a'r rhyfel yn Irac. I ddweud y gwir, dwi ddim yn clywed lot o sôn am y ryfel ar y stryd nawr; dwi'n credu bod pobl wedi blino ac yn teimlo mwy o dristwch na dicter am wleidyddiaeth.

Mae'r UDA yn wlad gymhleth iawn gyda'i chryferau a'i gwendidau. Yn anffodus dim ond y pethau gwaethaf yn cael eu gweld gan weddill y byd ar hyn o bryd. Ac mae sylwadau wrth-Americanaidd, yn erbyn y bobl Americanaidd, nid y lwyodraeth, yn gwneud i fi'n drist go iawn.

gan **ceribethlem** » Maw 10 Gor 2007 8:06 am

rooney a ddywedodd:Mae'r chwith yn casau enillwyr. Ac wneith y chwith byth faddau am i America barhau tra mae Marxism yn cael ei daflu allan i'r bin sbwriel. Ac mae America hefo belt beibl cadarn. Dyma pam mae'r chwith yn casau America. Rydw i wrth fy modd hefo America a diolch i Dduw mae nhw yw superpower y byd.

Er mawr syndod, Rooney'n siarad bolycs!
Fi'n credu bydde unrhyw un meddwl agored (chwith neu dde) yn credu fod manteision ac anfanteision i America. Mae'r damcaniaethau gwreiddiol tu ol sefydlu'r UDA yn rhai gwych, tra fod ei polisi tramor yn un sy'n mynegi pryder. Fi'n hoff iawn o'r syniad o'r "Great American Novel" a'r syniad fod pawb yn gallu ysgrifennu o leiaf un nofel, hefyd fi'n hoff iawn o gerddoriaeth o'r UDA, ac mae nifer o'm hoff fandiau wedi dod o'r UDA.
O ran y "bible belt", ai dyma'r rhai ffurfiodd y Klu Klux Klan? ac erlid pobl dduon? Digon o reswm i'w casau yn fy marn i.
Mae Bush yn un o'r "bible belt" ac yn honni fod yn Gristion, ac yn honni fod Duw wedi dweud wrtho i ymosod ar Irac, ac Affganistan. Celwydd noeth yw'r honiad yma. Mae neges Iesu yn un heddychlon, felly ni all Bush gweithredu ei neges, os mae'n ei wneud mewn ffordd treisiol.

gan **Rhobert Ap Wmffre** » Maw 10 Gor 2007 2:38 pm

Diolch Ceribethlehem, am dy sylwadau rhesymol ac agwedd teg tuag at yr UDA. Dwi'n cytuno bod yr egwyddorion a sefydlwyd yr wlad arnyn nhw'n ardderchog; mae'r Datganiad Annibyniaeth yn un o'r dogfennau mwyaf ysbrydoledig yn hanes y byd!

Mae pobl rhesymol yn cydnabod cymhlethrwydd yr UDA ac yn gwerthfawrogi diwylliant yr wlad. Mae hanes yr UDA yn lawn o ysgrifennwyr, gwyddonwyr, a phobl dysgedig sydd wedi gwneud cyfraniadau mawr i'r byd — ac arweinwyr gwleidyddol a chrefyddol hefyd sydd wedi ymgyrchu dros gyfartaledd a rhyddhad.

Dydw i ddim yn cytuno â phopeth a wnaeth yr UDA dros y canrifoedd diweddar a dydw i ddim yn hoff o filitariaeth bresennol yr wlad, ond dw i'n teimlo'n ddiolchgar am rai o ebyrth ei milwyr, yn enwedig yn ystod y Rhyfel Cartref a'r Ail Rhyfel Byd.

Yn anffodus, mae lleiafrif swnllyd o genedlaetholwyr* adain-dde wedi cael dylanwad anghyfartal ar wleidyddiaeth yr UDA yn y blynyddoed diweddar, ac wedi rhoi enw drwg i'r wlad.

Mae llawer o Americanwyr yn caru eu gwlad ac yn ymfalchio yn yr etifeddiaeth o ymgyrchu dros ddemocratiaeth sydd yn estyn o'r dyddiau cynnar hyd heddiw, ond mae llawer yn cydnabod diffygion a gwendidau eu gwlad hefyd. Dwi'n ystyried y bobl hynny fel y "gwladgarwyr" go iawn.

*Dwi eisiau gwahanu'r adain-dde Americanaidd o genedlaetholwyr gwledydd bychain sy'n ymgyrchu dros hunanlywodraeth.

gan **docito** » Maw 10 Gor 2007 3:19 pm

Sgwrs ddiddorol.
Ma'n rhaid I mi ddweud bod gwrth americaniaeth wedi bod yn bwnc sy' 'di fy niddori a mhoeni ers peth amser bellach.
Fe nes I sylwi ar y peth am y tro cynta pan yn teithio o amgylch y byd ac yn clywed mwlsyn ar ol mwlsyn yn ail adrodd dadleuon michael moore ac yn cwyno am Bush heb unrhyw sylfaen i'w dadl.
Mae'n amlwg bod America (fel pob gor-uwch bwer mewn hanes ) wedi gwneud camgymeriadau mawr gyda'i polisiau tramor ond mae'n rhaid cofio i'r wlad ddilyn polisi o ynysiaeth am flynyddoedd ac roedd cwyno mawr am hynny hefyd.
Ond y gwirionedd yw bod hi yn uffernnol o ffasiynnol i ymosod ar americannwyr yn y wlad hyn. Yn ddios dyw'r mwyafrif o'r boblogaeth ddim yn ymwybodol o lawer sy'n bodoli tu allan i'w milltir sgwar ond y gwir yw bod hyn yn wir am y mwyafrif o'r byd heb law o bosib am Ewrob (sydd efo hanes o drefedigaethu / rhyfela a diplomyddiaeth rhynwgladol ). Dw'in amau bod gan drigolion Islamabad neu Lagos llawer o gliw am yr hyn sydd yn digwydd yn Nebraska a visa versa.
Dyw'r cyfrynge ddim yn helpu gyda ffilime fel Borat a crap Michael Moore (fel dywedodd ffrind i fi.... Dyle pob americanwr weld y ffilime ond i unrhyw un tu allan i america ma nhw jyst yn cadarnhau eu rhagfarn)
Y broblem arall yw George Bush......
Nid George Bush ei hunan ond y ddelwedd sydd ganddo ef... Ac o ganlyniad y rhagfarn ar cyffredinoliaeth sy'n bodoli.
Dwin gwrthod derbyn bod arlywydd unrhyw wlad yn DWP.. Falle nad yw en athrylidd fel rhai o'i rhaglfeinwyr ond ma'r rhan fwya o'r feirniadaeth/tynnu coes yn digwydd ei annallu i siarad yn gyhoeddus. Yn enwedig pan bod defaid wedi arfer gyda clinton neu blair.
Ma'n sefyllfa trist pan bod pobl yn beio holl erchyllderau'r byd ar un dyn oherwydd ei fod yn ffasiynnol i edrych yn asgell chwith ddeallusol. Dwi byth yn clywed fy ffrindie yn gwaeddu 'twat' ar vladamir putin pan ma fe ar y teledu

gan **Positif80** » Maw 10 Gor 2007 3:30 pm

ceribethlem a ddywedodd:O ran y "bible belt", ai dyma'r rhai ffurfiodd y Klu Klux Klan? ac erlid pobl dduon?

KU Klux Klan! :crechwen:

Gyda llaw, dwi'n gwybod fod y KKK yn ffiaidd, ond pam fod gan y baddies yr enwau/unifforms gorau?