Cyflafan yn Virginia

[Boibrychan]

Cyflafan ar gampws coleg yn Virginia sydd wedi lladd mwy na dwbwl y bobl lladdwyd yn Columbine ac sydd y fwyaf gwaedlyd yn hanes yr UDA.

Heb weld y stori yng nghymraeg eto a does dim llawer ar y bbc ar hyn o bryd ond triwch CNN am y diweddaraf.

Hynod drist, sioc fawr ond eto mae gan Virginia rhai o'r rheolau drylliau mwyaf rhyddfrydig felly roedd y posibilrwydd yn llawer mwy tebyg mewn ffordd.

Dim ond un person saethodd pawb ond mae'r wybodaeth yn gymylog ar y funud!

[/url]

[Mali]

Bywydau ifanc efo gymaint o'u blaenau ......digwyddiad trist iawn .

[huwwaters]

Bai llywodraeth y talaith, a'r holl rai sydd am gael "the right to bear arms" yn ôl y cyfansoddiad. Y lleia o ddrylliau sydd mewn cylchrediad, ac o ganlyniad yn rhan annatod o ddiwylliant lleol, y llai tebyg mae pethau fel hyn am ddigwydd.

[Dili Minllyn]

Diddorol fel y mae'r Ail Welliant i Gyfansoddiad yr Unol Daleithiau'n cael ei ddyfynnu'n anghyflawn fel arfer. O'i weld yn ei gyfanrwydd, dyw e ddim yn rhyw siartr i gadw gwn at ba ddiben bynnag:

A well regulated militia being necessary to the security of a free State, the right of the People to keep and bear arms shall not be infringed.

[Gwahanglwyf Dros Grist]

Druan â'r eirth. Dyle nhw gael cadw'u breichiau.

[docito]

Ma'n rhaid dweud ma rheolaeth arfau yw'r un pwnc yr ydym ni yn yr ynysoedd brydeinig yn bihafio mwyaf hunan gyfiawn.
Ma'n amlwg bod yna broblem dirfawr gyda gynnau yn yr Amerig. Ond pob tro ma yna gyflafan ma'r ymateb o fan hyn wastad yr un peth..... Ma'n rhoi rhyw gadarnhad i ni o pa mor dwp yw americannwyr a mor wareiddiefig i ni fel cenedl. Rwy'n dechre blino ar pawb yn neidio ar y Michael Mooreesque bandwagon ac yn sgrechian mai bai americanwyr yw e ayb.

Mae yna broblem enfawr gyda arfau yn yr UDA. Yn anffodus does neb wir yn cynnig atebion. Y gwirionedd yw bod y CYFANSODDIAD yn dweud bod hawl gan pobl amddiffyn ei hunaun. Ma'n anhebygol iawn bod y cyfansoddiad am newid oherwydd bod americanwyr ar y cyfan yn ei ffeindio hi'n annodd i edrych yn wrthrychol ar y sefyllfa .

Edrychwch ar ddinasoedd prydain. Ma dynion yn cario gynnau/cyllyll/cwn peryglus, oherwydd eu bod yn teimlo bygythiad o eraill heb sylweddoli bod gwneud hyn ond yn cynnyddu'r broblem. Ym mrydain ma' yna ymgais i geisio addysgu pobl o'r peryg o hyn heb edrych yn hollol hunangyfiawn.

Yn America... Beth yw'r ateb? Addysgu'r gendlaeth newydd mewn ffordd llai bygythiol na chwaith mor hunangyfiawn a beth ma pobl yn neud dyddie hyn.

[Dili Minllyn]

Y gwirionedd yw bod y CYFANSODDIAD yn dweud bod hawl gan pobl amddiffyn ei hunaun. Ma'n anhebygol iawn bod y cyfansoddiad am newid oherwydd bod americanwyr ar y cyfan yn ei ffeindio hi'n annodd i edrych yn wrthrychol ar y sefyllfa.

Fel nodais i uchod, mae'r Cyfansoddiad yn cael ei ddehongli a'i ddyfynnu'n ddethol iawn. Lluniwyd yr Ail Welliant i warantu hawl Americanwyr i ymffurfio'n warchodluoedd arfog i amddiffyn eu gwlad rhag byddin Ymerodraeth Prydain.

Druan â'r eirth. Dyle nhw gael cadw'u breichiau.

The right of the people to keep and arm bears - nawr 'te, byddai honno'n ddeddf werth ei chael.

[Madrwyddygryf]

Dwi'n meddwl bod o'n digon hawdd i feio a'r NRA ac lobi arfau yn America ond mae'r diwylliat arfau yn rhan anatod o diwylliant Americanaidd. Mae na lot o ramant hefyd wedi gysylltu rhwng arfau ac hanes America, o'r Minute Men i'r Cowbois.

Sdim ond raid mynd ar wefannau fel Youtube i weld. Fel hwn
[ Sylwad:where exactly do u live c******cker? im guessing britain(where guns have been banned from civilians)] , neu hwn ac hwn.

Dwi'm yn gweld sut gallai beth digwyddodd ddoe newid unrhyw beth i ddeud y gwir. Roedd yna Americanwr ar y radio yn dweud dylsai myfyrwyr yn y prifysgol wedi cael y hawl i cario gwn.

Penderfyniad nhw ydio yn y diwedd ac os di nhw yn gallu delio gyda rhwyun yn cerdded mewn ysgol gyda gwn ac saethu plant yn farw, wel eu dewis nhw ydio.

[Jon Bon Jela]

Mae yna grwp ar Facebook i'r rhai sydd eisiau cyfrannu unrhyw negeseuon er cof am y rhai a fu farw.

[ffwrchamotobeics]

Dramau Cho Seung-Hui i'w gweld fan hyn