Ydi America'n troi'n wladwriaeth dotalitaraidd?

[Emrys Weil]

Erthygl ysgytiol gan Naomi Wolf yn y Guardian heddiw:

yma

Yr ymateb cyntaf oedd - ti'n gor-ddeud, Naomi, heb gymharu tebyg at ei debyg, ond mae rhywbeth yn y paragraffau olaf, ac yn arbennig yn y modd mae'n ymdrin a hawliau newydd yr Arlywydd sy'n argyhoeddi.

Dim ond mater o amser yw hi cyn bydd y dyn neu ddynes iawn (neu, yn hytrach, rong) yn cam-ddefnyddio'r pwerau...

[huwwaters]

Daeth hyn yn amlwg i mi gyda George W. Bush yn ymestyn ei bwer gyda 'veto' dros bleidleisiau yn nhai'r Cyngres.

[Foel Gornach]

Mae'r erthygl yn un wirioneddol frawychus.

Nid dinasyddion yr UDA yn unig sy'n mynd i gael eu heffeithio gan y symud hwn at dotalitariaeth. Gan fod grym economaidd a diwylliannol y wladwriaeth honno yn ymestyn ar draws y byd, ac yn dylanwadu ar y ffordd y mae pobl yng Nghymru fach yn meddwl hefyd, mae perygl mawr i bob un.

Rhaid i ni fod yn barod i wrthsefyll y grym imperialaidd hwn. Mae cenedlaetholdeb Cymreig yn rhan o'r arfogaeth i wneud hynny!

[huwwaters]

Mae'r erthygl yn un wirioneddol frawychus.

Nid dinasyddion yr UDA yn unig sy'n mynd i gael eu heffeithio gan y symud hwn at dotalitariaeth. Gan fod grym economaidd a diwylliannol y wladwriaeth honno yn ymestyn ar draws y byd, ac yn dylanwadu ar y ffordd y mae pobl yng Nghymru fach yn meddwl hefyd, mae perygl mawr i bob un.

Rhaid i ni fod yn barod i wrthsefyll y grym imperialaidd hwn. Mae cenedlaetholdeb Cymreig yn rhan o'r arfogaeth i wneud hynny!

Dwi'n meddwl bod angen i'r Undeb Ewropeaidd neud mwy i ddenu pobol at fod the defnyddio'r Ewro yn lle'r Doler fel cyfrwng marchnata.

Triodd Yr Ariannin newid at y Doler. Llardie llwyr. Bellach mae'r Doler wedi cyrraedd $2 am £1. Dwi'n meddwl fod angen ceisio cael pobl i fuddsoddi mewn pres sefydlog y mae nifer o wledydd yn ei ddefnyddio, er mwyn leihau unrhyw symudiad negyddol y gall yr UDA ei wneud ar y byd.

[Iesu Nicky Grist]

Pwy droi'n dotalitaraidd? America greodd totalitariaeth.

[Nanog]

Ydy nhw wedi dechre creu 'mangreoedd' fyd?

[Dafydd Iwanynyglaw]

Ond eto, Ms Wolf, mae'r gyfundrefn gyfansoddiadol yr ydych chi'n cwyno does neb yn gwybod ddigon amdano wedi golygu fod y Democratiaid wedi dod i rym yn y Gyngres Dachwedd ddiwetha, wedi dechrau proses o ddadansoddi a dad-wneud rhai o'r dewisiadau a wnaethpwyd gan lywodraeth cyntaf Bush, wedi gweld yr un a noddwyd gan Bush i'r C.U. adael y swydd gan y byddai'n gwybod na fyddai'n cael ei gymeradwyo, wedi gweld gadawiad Rumsfeld o dan gwmwl, ac wedi gweld llu o'r Neo-Cons yn llithro allan drwy ddrws cefn y Ty Gwyn gan fod pethau ar chwal.

Mae pawb yn gwybod na fuasai Bush efo gobaith petai efo'r gallu i sefyll am etholaeth eto - hynny yw, mae'r cyfundrefn yn gweithio - ac mae'r ffaith nad oes na'r un enw credadwy ymysg y Gweriniaethwyr ar hyn o bryd ar gyfer 2008 yn dweud llawer. Er fod Bush wedi ceisio arwain (neu yn hytrach wedi adael ei hun i gael ei arwain gan eraill, clyfrach), rwan y mae'r gyfundrefn yn galluogi i ddeddfwyr America symud yn erbyn ei wallau mewyaf amlwg. Dyna sut mae democratiaeth cynryhchioledig yn gweithio, wyddoch chi?

Bosib fod na bwynt i'r erthylg yma yn 2004, ond rwan? Son am fod a'r bys ar y pyls, mwn.