Pump am y penwythnos - 5/10/07

[Mihangel Macintosh]

1) Ydi perchen ar eiddo yn hawl naturiol?

2) Ydi’r unigolyn yn bwysicach na’r gymuned?

3) A ddylai’r offer i gynhyrchu nwyddau fod yn eiddo i’r gweithwyr yntai’r gymuned?

4) Be mae datganoli yn golygu i ti?

5) Pryd fyddwn ni yn wirioneddol rhydd?

[Jon Bon Jela]

1) Ydi perchen ar eiddo yn hawl naturiol?
"Imagine no possessions..."

2) Ydi’r unigolyn yn bwysicach na’r gymuned?
Gwendid yr unigolyn yw'r gymuned/cymdeithas.

3) A ddylai’r offer i gynhyrchu nwyddau fod yn eiddo i’r gweithwyr yntai’r gymuned?
Mae'n dibynnu pa nwyddau y'i cynhyrchir, siwr iawn...

4) Be mae datganoli yn golygu i ti?
Rhaglenni unochrog, lletchwith ac amhroffesiynol gan ryw ynfytyn o academydd sy'n ceisio cyfiawnhau traethawd PhD israddol fel sail i gyfres teledu.

5) Pryd fyddwn ni yn wirioneddol rhydd?
Pan allwn ddiffinio ein hunain fel unigolion a pheidio dibynnu ar wleidyddiaeth i gyfiawnhau ein Cymreictod. (Os mai Cymreictod yw'r mater dan sylw)

[krustysnaks]

1) Ydi perchen ar eiddo yn hawl naturiol?
Ydi, cyn belled dy fod di'n barod i'w rannu.

2) Ydi’r unigolyn yn bwysicach na’r gymuned?
Dibynnu pwy yw'r unigolyn.

3) A ddylai’r offer i gynhyrchu nwyddau fod yn eiddo i’r gweithwyr yntai’r gymuned?
Fe ddylai'r offer fod yn eiddo i'r rhai sydd wedi buddsoddi'r cyfalaf i'w prynu, h.y 'run o'r ddau.

4) Be mae datganoli yn golygu i ti?
Bus pass a nofio am ddim pan fyddai'n ymddeol! Mewn gwirionedd, lefel gyhoeddus o falchder ychwanegol a rhywle sy'n cynnig swydd bosib mewn blynyddoedd i ddod.

5) Pryd fyddwn ni yn wirioneddol rhydd?
Pan fydd gen ti ddigon o gyfalaf i fanteisio ar ryddid y farchnad.

[Jeni Wine]

1) Ydi perchen ar eiddo yn hawl naturiol?
Na

2) Ydi’r unigolyn yn bwysicach na’r gymuned?
Na.

3) A ddylai’r offer i gynhyrchu nwyddau fod yn eiddo i’r gweithwyr yntai’r gymuned?
Y gymuned

4) Be mae datganoli yn golygu i ti?
Mwy o gyhoeddusrwydd i'r cysyniad o Gymru fel endid ar wahan i Loegar ac fel cam yn nes tuag at hunanlywodraeth.

5) Pryd fyddwn ni yn wirioneddol rhydd?
Pan fyddwn ni'n rhoi'r gorau i ddiffinio'n hunain yng nghyd-destun gwlad arall.

[Hogyn o Rachub]

1) Ydi perchen ar eiddo yn hawl naturiol?
Eiddo, bosib, ond nid tir yn benodol, yn fy marn i.

2) Ydi’r unigolyn yn bwysicach na’r gymuned?
Nac ydi, dw i ddim yn credu.

3) A ddylai’r offer i gynhyrchu nwyddau fod yn eiddo i’r gweithwyr yntai’r gymuned?
Y gymuned, fe hoffwn i feddwl, ond ddigwyddith hynny fyth ac mae o briadd yn anymarferol.

4) Be mae datganoli yn golygu i ti?
Cam ar y ffordd i'r Gymru Rydd, a'r cyfle i mi gael bod yn rhan o ddemocratiaeth y gallaf i hawlio fel fy nemocratiaeth fy hun

5) Pryd fyddwn ni yn wirioneddol rhydd?
Dibynnu ar y cyd-destun, tydi? Does neb yn rhydd yn ystyr 'penrhyddid', ond diolch i Dduw am hynny.
O ran Cymru fe fydd pan nad oes gan senedd Llundain unrhyw fath o rym drosom o gwbl.

[Jon Bon Jela]

Chi'n meddwl allwn ni gadw gwleidyddiaeth mas o Bump am y Penwythnos? Rhywbeth hwylus a diniwed yw hi i fod, nid ryw drafodaeth ddofn.

[ceribethlem]

Chi'n meddwl allwn ni gadw gwleidyddiaeth mas o Bump am y Penwythnos? Rhywbeth hwylus a diniwed yw hi i fod, nid ryw drafodaeth ddofn.

Pam atebais ti felly?

[Jaff-Bach]

1) Ydi perchen ar eiddo yn hawl naturiol?
yndi, hollol naturiol

2) Ydi’r unigolyn yn bwysicach na’r gymuned?
hyn i gyd yn dibynu ar y cyd-destun

3) A ddylai’r offer i gynhyrchu nwyddau fod yn eiddo i’r gweithwyr yntai’r gymuned?
hmmm ar ol meddwl am y peth dwi am ddeud y gymuned, cwestiyna annodd wsos yma!

4) Be mae datganoli yn golygu i ti?
symud i ffwrdd o fod o dan reolaeth tuag at ryddid

5) Pryd fyddwn ni yn wirioneddol rhydd?
oesna ffasiwn beth a bod yn wirioneddol rhydd? oh yeh, ateb gyda cwestiwn

[Madrwyddygryf]

1) Ydi perchen ar eiddo yn hawl naturiol?
Ydi

2) Ydi’r unigolyn yn bwysicach na’r gymuned?
Ydi

3) A ddylai’r offer i gynhyrchu nwyddau fod yn eiddo i’r gweithwyr yntai’r gymuned? na

4) Be mae datganoli yn golygu i ti? Bod mwy o penderfyniadau yn cael eu penderfynu yn lleol ac torri lawr a'r 'centralism'.

5) Pryd fyddwn ni yn wirioneddol rhydd?
Wel beth yw natur o fod yn rhydd ?

[Chip]

1) Ydi perchen ar eiddo yn hawl naturiol?
na, mae perchen ar eiddo dim ond yn bodoli yn ein meddwl.

2) Ydi’r unigolyn yn bwysicach na’r gymuned?
na

3) A ddylai’r offer i gynhyrchu nwyddau fod yn eiddo i’r gweithwyr yntai’r gymuned?
dwi ddim yn deall bwysigrwydd neu reality y cwestiwn. ydy hyn yn siarad am ffatri? os felly mae'r gymuned, (leol oleuaf) yn tueddu fod yn weithwyr yno. sori os dwi di gweld y cwestiwn yn ffordd rong.

4) Be mae datganoli yn golygu i ti?
dim llawer

5) Pryd fyddwn ni yn wirioneddol rhydd?
pan bo ni di marw.