Etholiad America 2008

[Cwlcymro]

Ma Macsen yn iawn, dydio'm yn ddiwadd y byd i Guiliani na McCain. Dwi'm yn gweld Guiliani yn dal arni rhy hir ddo, rhwng McCain a Romney dwi'n gweld petha'n mynd. Os ydi McCain yn colli yn NH mi fydd o mewn bach o drwbwl, mi ellith Guiliani fyw ta Florida heb enill.

[Macsen]

Erthygl ddiddorol ar Obama fan hyn. Be sy'n fy nharo i yw mai fo yw'r unig un ar y funud sy'n edrych yn 'presidential'.

Dwi'n credu taw Obama v Giuliani fyddai'r ras mwya' diddorol am y ty gwyn. Fyddai Giuliani yn meiddio defnyddio trics budur 'enw mwslim wedi i addysgu mewn ysgol mwslemaidd' yn erbyn Obama pam fod ganddo fo hen ddigon o sgerbydau yn ei orffennol i'r Democratiaid daflu nol ato (tri ysgariad, licio gwisgo fyny fel merch, ayyb)? Ac nesa i Giuliani a fuodd dim mwy na Maer, dyw 'diffyg profiad' Obama ddim yn edrych mor wael a hynny. Fe fyddai ymgyrch y ddau mor simsan a'i gilydd, Obama yn pwysleisio ei bersenoliaeth a'n gobeithio bod pobol eisiau 'newid' a 'gobaith' (heb sylwi bod dim llawer o obaith iddo newid llawer o ddim mewn gwirionedd), a Giuliani yn parablu ymlaen am 9/11 a gadael i hun yn agored i ymosodiad 'swift boat vet style' gan ddynion tan.

Wnes i ddweud uchod na fyddwn i'n synnu pe bai John Edwards yn mynd a hi. Dw i'n diwygio hynny ar ol gweld cyn lleied o sylw gath o gan y cyfryngau bore 'ma ar ol dod yn ail. Roedd ei ymgyrch yn seiliedig ar ennill Iowa, mae'n debyg. Fe wneith o fel dirprwy i bwy bynnag sy'n ennill, fel tro dwytha.

Ond McCain i'r republicans, o hyd.

[dewi_o]

Dim o gwbwl. Wnaeth Giuliani a McCain anwybyddu Iowa, lle mae nhw'n reit amhoblogaidd, a canolbwyntio ar ennill cefnogaeth mewn talaethiau lle mae gyda nhw fwy o gefnogaeth (Florida i Giuliani, New Hampshire in McCain).

Y gweriniaethwr sydd wedi ei frifo mwya gan Iowa ydi Mitt Romney, oedd wedi palu tua £10 miliwn mewn i'r dalaith.

Pwyntiau da ond mae'n rhaid i McCain wneud yn well yn New Hampshire a dwi dal i gredu bod i drosodd nawr i Giuliani, dydy ei ymgyrch ef yn edrych yn ddi-fflach, anodd ei weld yn cael unrhyw momentwm i'w ymgyrch.

[rooney]

A fydden nhw'n meiddio ethol Mike Huckabee, dyn sy'n gwneud i Bush edrych fel anffyddiwr ac arbenigwr ar bolisi dramor?

Fe all Huckabee ddisgwyl parhad o'r anoddefgarwch a'r casineb gan y ffwndamentalwyr anffyddiol a'r cyfryngau seciwlar ac mae Bush wedi ei gael. Beth yw'r ots? Da yw gweld nad yw pobl Iowa ac America yn ddigon ffol i gymryd sylw o'r pobl yma, ac yn cymryd i ystyried pwysigrwydd sail moesoldeb eu arweinwyr.

[Nanog]

Fe hoffwn i weld Ron Paul yn gwneud yn dda.

[Mali]

Ah..Hillary Clinton .
Mae'n hen bryd i ni gael merch yn Arlywydd America!

[Nanog]

Ah..Hillary Clinton .
Mae'n hen bryd i ni gael merch yn Arlywydd America!

Hey, ti'n meddwl gwneith hi cystal job a Maggie?

[Hen Rech Flin]

Ah..Hillary Clinton .
Mae'n hen bryd i ni gael merch yn Arlywydd America!

Ond onid ydy'n hen bryd cael arlywydd du megis Obama, neu arlywydd o leiafrif crefyddol megis Mitt Romney (y Mormon) hefyd?

Y gwir yw bod Clinton, Obama a Romney yn perthyn i ddosbarth gwleidyddol yr UDA a pharhad o'r hen gyfundrefn mae'r tri yn eu cynnig.

Yn rhyfedd iawn, er ei fod yn cael ei ddarlunio fel un o'r Southern Baptist Religious Right yr ymgeisydd mwyaf unigryw yw Mike Huckabee. Dyn sydd yn rhedeg ei ymgyrch ar gyllid isel iawn (yn ôl safonau'r UDA). Dyn o'r dosbarth gweithiol sydd yn apelio i'r dosbarth gweithiol efo polisïau i wella bywyd y dosbarth gweithiol. Boi bydda, oni bai am ei agwedd adweithiol ar faterion moesol rhywiol Cristionogol, yn cael ei ystyried ar y chwith eithafol Americanaidd.

Oni bai am ei grefydd Huckabee ydy'r ymgeisydd sydd yn cynnig cynrychiolaeth o'r newydd i'r sawl sydd ddim yn cael eu cynrychioli yn deg ar hyn o bryd, heb amheuaeth.

Wedi dweud hynny, byddwn i ddim yn dymuno gweld ei ethol. Mae o'n ymddangos mor anwadal ei farn ar gymaint o bynciau mi fyddai'n cael ei fanipiwleiddio yn fwy didrugaredd gan y gyfundrefn yn Washington na chafodd y twpsyn Bush jr erioed.

[Dylan]

A fydden nhw'n meiddio ethol Mike Huckabee, dyn sy'n gwneud i Bush edrych fel anffyddiwr ac arbenigwr ar bolisi dramor?

Fe all Huckabee ddisgwyl parhad o'r anoddefgarwch a'r casineb gan y ffwndamentalwyr anffyddiol a'r cyfryngau seciwlar ac mae Bush wedi ei gael. Beth yw'r ots? Da yw gweld nad yw pobl Iowa ac America yn ddigon ffol i gymryd sylw o'r pobl yma, ac yn cymryd i ystyried pwysigrwydd sail moesoldeb eu arweinwyr.

oes gen ti unrhyw syniad o gwbl be 'di polisiau economaidd yr Huckster?

[Rhys Llwyd]

A fydden nhw'n meiddio ethol Mike Huckabee, dyn sy'n gwneud i Bush edrych fel anffyddiwr ac arbenigwr ar bolisi dramor?

Fe all Huckabee ddisgwyl parhad o'r anoddefgarwch a'r casineb gan y ffwndamentalwyr anffyddiol a'r cyfryngau seciwlar ac mae Bush wedi ei gael. Beth yw'r ots? Da yw gweld nad yw pobl Iowa ac America yn ddigon ffol i gymryd sylw o'r pobl yma, ac yn cymryd i ystyried pwysigrwydd sail moesoldeb eu arweinwyr.

oes gen ti unrhyw syniad o gwbl be 'di polisiau economaidd yr Huckster?

Oes gen ti unrhyw syniad o gwbl be 'di barn economaidd Rooney?