Y ffordd gorau i gael gwared o Saddam?

[pogon_szczec]

Mae pawb yn erbyn Saddam. Ond roedd y mwyafrif yn erbyn y rhyfel.

Felly dwi eisiau gofyn sut oedd y dull gorau i gael gwared ohono os oedd rhyfel yn 'anfoesol'?

[Sioni Size]

Sut mae cael gwared o oglau cachu dafad oddi ar dy esgid? Sefyll mewn cachu cath.

Cofia ddweud os nad wyt ti'n deall bwrdwn y neges a mi esboniaf i ti.

[RET79]

Cwestiwn rhagorol pogon. Digon hawdd yw bod yn gritical o'r modd gafodd pethau ei wneud ond mae cynnig modd gwell yn lawer mwy anodd.

[SbecsPeledrX]

da iawn pogon. Bigoted crap ond bigoted crap doniol!

[Gwahanglwyf Dros Grist]

Hei, mae gen i syniad! Beth am beidio a helpu unben-ffycwits fel Saddam i rym yn y lle cyntaf? Nawr dyna i chi syniad arloesol RetUDAPogonDU!

[Newt Gingrich]

:lol: da iawn pogon. Bigoted crap ond bigoted crap doniol!

Medda'r meistr

[Dylan]

Buaswn i'n dweud mai'r rheswm pennaf am ddyfodiad pobl fel Saddam ydi'r modd gafodd gwledydd megis Irác eu creu. Meddyliwch am y peth - be' ddiawl ydi Irác? Llinellau mympwyol, wedi eu llunio ar-hap gan bobl eraill, heb unrhyw ystyriaeth o gwbl am ddemograffiaeth y boblogaeth. Gwlad hollol artiffisial ydi Irác. Gwaetha'r modd, mae'n debyg mai'r unig ffordd i gael y wlad i uno ydi gyda dwrn caled.

Ond mae braidd yn hwyr i gywiro hynny rwan. O wel.

[Sioni Size]

Hollol. Mae Irac yn ganlyniad i rannu tir arabaidd gan Ffrainc a Lloegr er mwyn osgoi rhyfeloedd rhwng y Ffrancwyr a'r Saeson imperialaidd.

Ac ystyried fod yna amcangyfrif fod rhwng 1.5 a 2 filiwn (we have no interest in the number of dead - Colin Powell) o Iraciaid wedi marw yn yr 'ymgyrch i gael gwared a Saddam'.

Ac ystyried mai'r CIA oedd yn gyfrifol am ei osod yn y lle cyntaf i ddisodli llywodraeth etholedig sosialaidd ac felly, hefo Saddam, yn rhannu'r cyfrifoldeb am y bobl laddwyd dan ei law ef.

Ac ystyried nag oedd Saddam yn fygythiad i neb tra oedd Hans Blix a'r UN yn cael cario ymlaen a'u gwaith, DDIM YN FYGYTHIAD I NEB, tan i America a Phrydain eu gorchymyn oddi yno er mwyn dechrau'r rhyfel.

Pam fod cael gwared ar Saddam yn gymaint o flaenoriaeth?
Achos ei fod yn ddyn drwg drwg iawn ynde Ret a Newt. Ewch yn ol at eich tois blantos, rydych yn hynod ddiflas, undonog, hiliol a dwl. FAINT O BOBL FYDDECH YN CYFIAWNHAU MARW ER MWYN Y DIBEN 'HOLLBWYSIG' HWN?

[Cardi Bach]

A Pogon, felly y ffordd gorau o gael dy ffordd dy hunan yw trais!!! Fi'n deall nawr!
Up the IRA!
Up the FWA!
Up ETA!
Up FARC!
Up Al Qaida!
up yr Hizballah!
up yr Islamic Jihad!
up yr Ansar al-Islam!
up y Mujahidin!

ayb


dwy ochor o'r un geiniog y'n nhw pogon.
Ma rhain uchod, ac eraill, am orfodi eu ewyllys ar bobl trwy drais. Ti ddim yn cytuno a'u daliadau, ond mae sawl un yn.
Mae'n llywodraethau ni am orfodi eu ewyllys ar bobl trwy drais. Ti yn eu cefnogi, ond mae eraill ddim.

Meddyla, gall yn gywir yr un drafodaeth fod yn mynd ymlaen ar negesfwrdd Arabaidd ym Mhalesteina. Rhywun yn gofyn: Beth yw'r ffordd gorau o gael gwared ar Ariel Sharon?
i) deuseb. ii) negeseuon ar we-fan al-shamara (neu be bynnag); iii) protest yn Ramallah. iv) defnyddio grym milwrol.

beth yw'r gwahaniaeth?
Dim. a dim trais yw'r ateb. Nid yn Irac nag ym Mhalesteina, nag yng Ngogledd Iwerddon, nag yn erbyn unrhyw un wyt ti'n anghytuno a'u daliadau gwleidyddol/crefyddol ayb.

Wyt ti'n ddall i hyn?

[Boris]

Dim. a dim trais yw'r ateb. Nid yn Irac nag ym Mhalesteina, nag yng Ngogledd Iwerddon, nag yn erbyn unrhyw un wyt ti'n anghytuno a'u daliadau gwleidyddol/crefyddol ayb.

Wyt ti'n ddall i hyn?

Chdi sy'n ddall. Dyma'r datganiad mwyaf simplistic a thwp eto o fewn maes e. Mae yna gyfiawnhad i drais weithiau. Roedd yna gyfiawnhad i'r Ail Ryfel Byd, roedd cyfiawnhad clir i weithredu yn Bosnia er mwyn amddiffyn y mwslemiaid ac i'm meddwl i roedd cyfiawnhad dros ryfel yn erbyn Irac.

Mae gweithredu yn foesol yn gywir. Peidio gweithredu weithiau sy'n anfoesol.

Dwi'n parchu heddychwyr, ond dwi ddim yn cytuno gyda nhw, yn enwedig pan mae nhw'n cyflwyno dadl mewn ffordd sarhaus ac hunan gyfiawn.