Blogs/gwefannau Gwyddeleg

[Siffrwd Helyg]

Dwi ar hyn o bryd yn astudio (!) Gwyddeleg yn y Brifysgol... Wyndro on i os oes unrhyw un yn gwybod am wefanau da yn y Wyddeleg? Dwi wedi edrych, ond heb ddod o hyd i ddim rili. Be am flogs? Unrhyw un yn ymwybodol o rai yn yr iaith? Eto, dwi wedi edrych ond heb ddod o hyd i ddim. Mae'n rhaid bod rhywbeth mas 'na!

Diolch am eich hamster prin

[Rhys]

Ddim wedi gweld rhai yn Wyddeleg yn unig, ond os ei di ar y blog gwych hwn: http://www.sluggerotoole.com/ ac unai dilyn y doleni at flogiau a safleodd eraill neu edrych yn is adran 'Gaelige' ar y dde, mae'n siwr y doi ar draws rhywbeth. Mae'r perchennog y blo Mick Fealty yn postio mewn Gwyddeleg weithiau, beth am anfon e-bost ato.

Hefyd gelli di holi rhywun ar y bwrdd trafod isod, beth am roi rhyw grynhodeb o flogiau Cymraeg iddynt!
http://www.daltai.com/discus/messages/board-topics.html

[Rhys]

Ddim yn yr iaith Wyddeleg ac efallai dwi'n euog o wyro oddi ar y testun, ond ar wefan http://www.politics.ie mae ffwrwm ac mae trafodaeth am gynnig i 'foderneiddio'r' iaith Wyddeleg i'w wneud yn haws i'w ddysgu ac i apelio'n fwy at ddysgwyr . Ta beth, beth sy'n ddiddorol am y'r edefyn hwn y'r ymadrodd "ramming it down our throat" , er mae'r ymateb yn gadarnhaol. Hefyd ceir un seiat Gwyddelig o fewn y fforwm, rhywbeth sy'n dod yn fwy fwy cyffredin dwi'n meddwl ar wefannau Cymreig (Gwlad Rugby e.e.) a rhai eraill yn yr Iwerddon a'r Alban. Testun astudiaeth efallai?

[nicdafis]

Ond dydy gwefannau dwyieithog ddim yn gweithio, rili, nadyn nhw? Yn fy mhrofiad i, lle bynnag mae dewis o'r iaith mae <i>pawb</i> yn siarad, a'r iaith mae <i>lleiafrif</i> yn ei siarad, mae ochr yn lleiafrif yn troi yn geto hunan-ymwybodol.

Sori, oddi ar y pwnc braidd, ond yr unig ffordd bydd Gwyddeleg yn ffynnu ar y we yw os bydd criw o siaradwyr Gwyddeleg yn dechrau gwefannau uniaith Gwyddeleg.

Dyw e ddim yn annodd, a does dim byd yn eu stopio nhw, ond apathy a falle diffyg gwybodaeth.

Os nag oes blog Gwyddeleg yn bodoli nawr, pam nag wyt ti'n dechrau un, Siffrwd? Does dim ffordd gwell o wella dy sgiliau mewn iaith newydd (dw i'n siarad o brofiad )

[Siffrwd Helyg]

Os nag oes blog Gwyddeleg yn bodoli nawr, pam nag wyt ti'n dechrau un, Siffrwd? Does dim ffordd gwell o wella dy sgiliau mewn iaith newydd (dw i'n siarad o brofiad )

Dwi ddim hanner digon da eto! (wir!) Ond ydy mae'n syniad yn bendant unwaith bydd fy sgiliau ieithyddol yn cynyddu ychydig!!

Diolch am y gwefannau Rhys. Heb gael cyfle i edrych yn fanwl eto ond mi wnai!

[Aran]

Ond dydy gwefannau dwyieithog ddim yn gweithio, rili, nadyn nhw? Yn fy mhrofiad i, lle bynnag mae dewis o'r iaith mae <i>pawb</i> yn siarad, a'r iaith mae <i>lleiafrif</i> yn ei siarad, mae ochr yn lleiafrif yn troi yn geto hunan-ymwybodol.

Cytuno'n llwyr. Roedd yn waith hir gwenieithog dygn i gael Gwlad i roi seiat Cymraeg i mewn, a phrin iawn ydy'r defnydd ohono...

[Nia y Gog]

Os nag oes blog Gwyddeleg yn bodoli nawr, pam nag wyt ti'n dechrau un, Siffrwd? Does dim ffordd gwell o wella dy sgiliau mewn iaith newydd (dw i'n siarad o brofiad )

Dwi ddim hanner digon da eto! (wir!) Ond ydy mae'n syniad yn bendant unwaith bydd fy sgiliau ieithyddol yn cynyddu ychydig!!

Fydd raid i ni'n dwy perswadio Ian Hughes i gychwyn un Cynnig helpu bob hyn a hyn (!)

[Rhys]

Dwn i'm os chi'n dal i chwilio, ond dwi wedi dod ar draws hwn, sy'n hanner hanner Gwyddelig a Saesneg. Dwi wedi holi'r boi os oes blogiau Gwyddelig eraill.

[dafydd]

Wnes i weithio ar wefan Bord na Gaeilge unwaith. Mae gwefan presennol y bwrdd (Foras na Gaeilge erbyn hyn) yn cynnwys cyfeiriadur o wefannau Gwyddeleg (falle ddim gymaint o rhai cymunedol neu gan unigolion) ond mae yna lot o gysylltiadau diddorol i'w canfod yna.