Gaeleg yr Alban - Trend tebyg i'r Gymraeg?

gan **Clebryn** » Sad 15 Hyd 2005 8:58 pm

Dwi ar hyn o bryd ar daith gyfnewid i Ganada.

Mae'r bobol leol o hyd yn gofyn am yr ystadegau ynglyn a'r nifer o Siaradwyr Cymraeg, Gaeleg, Gwyddeleg a'r ieithoedd Celtaidd eraill.

Ma rhyw 500 000 ohono ni yn siarad Cymraeg, os ydyn ni i gredu ystadegau'r Cynulliad.

Ma rhyw 60 000 yn siarad Gaeleg.

Faint o bobl sy'n siarad Gwyddeleg, Cernyweg, Manx ayyb?
A yw'r ieithoedd yma yn cael eu cydnabod o gwbwl fel ieithoedd swyddogol?

Diolch

gan **Tegwared ap Seion** » Sad 15 Hyd 2005 11:26 pm

Mae'r Wyddeleg* yn cael ei chydnabod fel iaith "swyddogol" yn Ewrop dwi'n meddwl?

*a plis na, dwi ddim isho darlith am be dwi fod i alw'r iaith. :winc:

ond geith rhywun ddeutha fi os leciwch chi.

gan **Emrys Weil** » Sul 08 Ion 2006 8:29 pm

Mae erthygl ddiddorol yma am addysg Aeleg yn Ynysoedd y Gorllewin, a phenderfyniad y Cyngor Sir i wyrdroi sefyllfa lle mae rhaid i rieni optio mewn i addysg Aeleg i un lle mae rhaid optio allan.

gan **S.W.** » Llun 09 Ion 2006 11:18 am

Mae'n nhw'n sylweddoli mwy a mwy yn yr Alban erbyn hyn bod angen iddynt gwneud lot mwy gyda'r Gaeleg nag y maent yn barod. Un datblygiad da iawn yn fy marn i mewn un tref yn y Ucheldiroedd Gorllewinol ydy eu bod yn symud yr uned Gaeleg allan o'r ysgol Gatholig lleol a'i rhoi fel uned mewn ysgol newydd fydd ddim yn grefyddol. Er nad yw hyn yn agos at fod cystal ag agor ysgol Gaeleg penodol mae'n golygu bod potensial i mwy o bobl gael mynediad at addysg drwy gyfrwng y Gaeleg.

Mae na hefyd mwy a mwy o arwyddion dwyieithog yn codi ar y strydoedd, ar y swyddfeydd post a hefyd dwi wedi gweld Tescos a Co-Op gyda arwyddion croeso yn y Galeg. Camau bychain iawn ond camau allweddol hefyd.

gan **Hogyn o Rachub** » Llun 09 Ion 2006 11:48 am

Clebryn a ddywedodd:Faint o bobl sy'n siarad Gwyddeleg, Cernyweg, Manx ayyb?
A yw'r ieithoedd yma yn cael eu cydnabod o gwbwl fel ieithoedd swyddogol?

Diolch

Yn swyddogol mae 'na bell dros filiwn o siaradwyr i'r Wyddeleg - ond mae'r ffigwr yna'n gamarweiniol tu hwnt. Os ti'n son am siaradwyr rhugl, dyddiol prin fod y ffigwr yn 30,000, mewn difri.

Mae o bosib tua 3,000 o bobl efo dealltwriaeth o'r Gernyweg. Ond mae 'na dri 'cangen' a mae dadlau cyson ynglyn a chywirdeb pob un yn atal y cynnydd rhag gyrraedd ei lawn botensial. Mae gan Cernyweg statws swyddogol.

O ran y Fanaweg, efallai bod ambell i gant yn ei medru ond ychydig o ddegau sy'n ei ddefnyddio o gwbl.

gan **Cawslyd** » Llun 09 Ion 2006 10:13 pm

Gwybodaeth am nifer sy'n siarad y ieithoedd lleiafrifol.

Gaeleg yr Alban - Trend tebyg i'r Gymraeg?

Gaeleg yr Alban - Trend tebyg i'r Gymraeg?

Pwy sydd ar-lein