Geiriadur Sbaeneg - Cymraeg

[Hedd Gwynfor]

A oes yna eiriadur Sbaeneg-Cymraeg Cymraeg-Sbaeneg yn bodoli ar hyn o bryd?

Dwi'n ymwybodol fod Canolfan Astudiaethau Addysg Prifysgol Cymru, Aberystwyth wedi cyhoeddi geiriaduron Cymraeg - Ffrangeg / Ffrangeg - Cymraeg a Cymraeg - Almaeneg / Almaeneg - Cymraeg, ond heb glywed unrhyw son am eiriadur Sbaeneg-Cymraeg. Rhywyn yn gwybod os yw geiriadur o'r fath wrthi'n cael ei greu? Oes grantiau ar gael i greu geiriadur o'r fath?

Cyfaill i mi wedi cychwyn creu geiriadur Sbaeneg-Cymraeg swmpus, ac mae'n waith safonol tu hwnt chwarae teg, gyda brawddeg yn esbonio cyd-destun y gair ar gyfer pob cofnod.

Diolch am unrhyw wybodaeth.

[Socsan]

Does gen i ddim syniad os oes na un yn bodoli

[ianjamesjohnson]

Dwi'n siwr roedd rhywbeth ar gael yn y Wladfa am rhesymau amlwg, ond dwi ddim yn gwybod faint mor hen bydd y llyfrau neu os oes unrhyw ffordd prynu nhw (dwin siwr byddan nhw'n mas o brint erbyn hyn).

Dwi'n gwybod roedd ychydig o bobl yna llynedd yn ysgrifennu geiriadur newydd dros dysgwyr Cymraeg ond dwi ddim yn gwybod os maen nhw wedi cyhoeddi fe neu faint o fanylion/maint/nifer o eiriau fydd yn cael eu cynnwys neu faint mor addas bydd y cyfrol i bobl o Gymru'n dysgu Sbaeneg.