Ieithoedd ych

gan **Hogyn o Rachub** » Sul 14 Rhag 2003 7:11 pm

Oes 'na ryw iaith nad ydach chi'n gallu dioddef eu clywed? Dw i'n siwr fod 'na ddigon o bobl yn y byd 'sa'n dweud hynny am Cymraeg :winc:

, ond beth am weddill o ieithoedd bach rhyfedd y byd?

Dw i'm yn licio Daeneg. Sdim cytseiniaid ac mae'n swnio fel bo gan rhywun geg llawn o doffi. Dw i'n meddwl bod Saesnaeg yn reit boring, 'fyd.

Bedachinfeddwl?

gan **fisyngyrruadre** » Llun 15 Rhag 2003 9:05 am

Mae'n dibynnu ar eich cefndir, 'swn i'n deud. Os chi wedi clywed lot o ieithoedd arall ers blyneddoedd, 'swn i'n dychmygu bo chi'n debyg i gael barn niwtral at eu synau nhw. Dwi'n meddwl bod o'n rong - anfoesol hyd yn oed? - i neud jociau am ieithoedd lleiafrifol, tho - os chi'n deud fod Blablablabeg wedi marw yn ystod y 14th century, ac yn deud rhywbeth fel 'Does ganddi hi dim geiriau am 'television' neu 'computer'', chi'n awgrymu bod y pobl sy'n siarad yr iaith yn dwp, ond ydych?

gan **Mr Gasyth** » Llun 15 Rhag 2003 10:29 am

Sori ond ma Almaeneg yn iaith hyll. Saesneg hefyd i raddau.

gan **Iago2** » Maw 16 Rhag 2003 12:40 am

Ma' grando ar ganeuon Schubert , Brahms ag ati yn profi nad yw Alameneg yn iaith "hyll", ac ma'r Saesneg yn nwylo Britten ( B. Britten cyfansoddwr) yn dangos yn eglur nad yw Saesneg yn hyll! So dder!
Ond i fod o ddifri - ma' dysgu am ieithoedd erill yn cyfoethogi eich gwybodaeth o'ch iaith ych hun.

gan **Leusa** » Maw 16 Rhag 2003 10:02 am

Helo, cerddoriaeth oedd Schubert a Brahms yn gyfansoddi, dim geiriau. Ond 'dw i'n cytuno, does na'm ieithoedd hyll.

gan **Iago2** » Maw 16 Rhag 2003 12:14 pm

Ond fe wyddost mae'n debyg fod Schubert a Brahms (ymysg eraill o gyfansoddwyr y 4edd ganfrif ar bymtheg) yn nodedig am eu lieder - a'r caneuon hynny hyd heddiw yn dangos mor dlws i'r glust yw'r Almaeneg.
Dim ieithoedd hyll? Fe glywais i Sbaeneg gogledd Sbaen yn arabaidd iawn ei naws a rhaid cyfadda yn eitha ...wel be ddweda i ..... hyll.

gan **Hogyn o Rachub** » Maw 16 Rhag 2003 12:43 pm

O aye, gyda llaw pan ddudish i 'ieithoded bach eraill' oeddwn i'm yn golygu jyst ieithoedd bach neu leiafrifol. Dw i jyst yn deud bach gormod.

gan **Leusa** » Maw 16 Rhag 2003 11:30 pm

Ond fe wyddost mae'n debyg fod Schubert a Brahms (ymysg eraill o gyfansoddwyr y 4edd ganfrif ar bymtheg) yn nodedig am eu lieder - a'r caneuon hynny hyd heddiw yn dangos mor dlws i'r glust yw'r Almaeneg.

Fel y sbrechgwsan? iiiiw!!

gan **Iago2** » Sad 20 Rhag 2003 10:23 pm

Nid yn union sprechgesang, nage - cyfyngaf fy sylw i gyfansoddwyr rhwng cyfnod Schubert i Wagner. Ail ysgol Fienna = trydydd dosbarth!!

gan **bids** » Gwe 02 Ion 2004 11:57 am

ma almaeneg yn bert! wir! ond os ych chi'n trio'i hynganu hi yn dweud 'ch' fel yn gymrag, dyw hi ddim yn bert. ma'r 'ch' lot meddalach na'n 'ch' ni fel arfer. ond mae hefyd yn dibynnu ar y dafodieth. ma'r swiss yn tueddu i ynganu pethe lot caletach, er enghraifft. grandewch ar rywun yn darllen 'u barddonieth garu nhw... hyfryd! ma almaeneg yn gallu swno mor hardd. onest!

Ieithoedd ych

Ieithoedd ych

Pwy sydd ar-lein