Agor yr ysgol uwchradd Aeleg gyntaf

[Rhys]

Stori am
Agor ysgol uwchradd Aeleg ar wefan y BBC

Bòrd na GàidhligBwrdd yr Iaith Aeleg

Geiriadur Gaeleg-Saesneg i ddysgwyr

Clí - Mudiad hwrwyddo ac ymgyrchu dros hawliau siardwyr Gaeleg

[S.W.]

GWYCH!

Mae hyn yn cam gwych yn y cyfeiriad cywir i amddiffyn dirywiad brawychus yr iaith Aeleg.

Mae fy nghariad i'n dod o Ucheldiroedd Gorllewinol yr Alban ac o bryd iw gilydd byddaf yn clywed yr iaith yn cael ei siarad yn y dref - yn bennaf gan bobl oddi ar yr ynysoedd. Dwi wedi bod wedi gwyl ddiwyllianol Gaeleg blwyddyn diwethaf hefyd a byddai'n bechod i hyn gael ei golli.

Dwi gyda tâp a llyfr i geisio dysgu'r iaith. Mae siawns y byddaf yn symud i'r ardal yn y dyfodol agos a byddaf yn dymuno dysgu'r iaith a'i basio ymlaen i eraill. Yn iaith eithaf anodd iw ddysgu!

[Dylan]

Newyddion rhagorol. Diddorol mai yng Nglasgow mae o. Siwr gen i bod yr Ynysoedd Gorllewinol yn dioddef yr un broblem allfudo â'r Fro Gymraeg. 'Dw i'n synnu nad oes ysgol uwchradd Aeleg ar yr ynysoedd (er, 'dw i'n dallt bod rhai ysgolion cynradd sy'n dysgu trwy gyfrwng yr iaith yno)

mae rhywun yn pryderu ei bod braidd yn hwyr serch hynny

[S.W.]

Dydy o ddim drosodd nes i'r ddynes tew ganu Dylan!

Mae yna nifer o ysgolion gynradd yn yr Alban sydd a unedau Gaeleg ynddynt sydd yn gam cywir ond ddim yn ddigonol o bell ffordd.

Mae'r ynysoedd yn dioddef rhywbeth tebyg i'r ardaloedd gwledig yma yng Nghymru gyda nifer yn symud i Glasgow a Caeredin i fyw a gweithio. Mae nifer o bobl yn Glasgow hefyd wedi sylweddoli pwysigrwydd Gaeleg a felly'n mynd ati iw ddysgu.

Byddwn in deud bod y sefyllfa gyda amddiffyn yr iaith fel roedd hi yng Nghymru yn y 1960au/70au efallai gyda'r ewyllus yno, ond dim llawer mwy.

[Hogyn o Rachub]

Mae'n newyddion calonogol iawn! Er rhaid dweud mai yn Ynysoedd y Gorllewin y dylid bod, ac yn anffodus rhaid mi gytuno â Dylan ei bod efallai cryn dipyn yn rhy hwyr i'r iaith Aeleg. Gobeithiaf fy mod i'n anghywir, tra bo anadl mae gobaith!

[S.W.]

Roedd y glaw yng Nglasgow am ysgol Aeleg felly mae hi'n dda iawn bod y penderfyniad wedi ei wneud i agor ysgol yn y ddinas, gyda llawer mwy o boblogaeth byddai cyfle yma i'r iaith gynyddu'n sylweddol. Byddwn yn gobeithio y byddai ysgol uwchradd Aeleg yn agor yn fuan yn yr ynysoedd Gorllewinol ac yn rhannau helaeth o'r Alban gan ddefnyddio Glasgow fel rhyw fath o gatalydd.

Byddai'n anodd yn y Dwyrain i'r Aeleg gymryd gafael gan bod nifer fawr yn gweld yr iaith 'Scots' sydd hefyd yn marw allan fel yr iaith gwir i'r ardal honno.

[gwyddeles]

Falch clywed bod ysgol uwchradd Aeleg yn agor. I unrhyw un sy ishe dysgu Gaeleg, mae cwrs ymlaen yn mis Awst ar ynys Skye - cwrs wythnos yw e a chi'n cael y gwersi a'r llety am ddim. Chi jest yn gorfod talu am fynd yno a bwyta ayyb. Mae'n rhywbeth sy wedi cael ei greu er mwyn hybu'r iaith, so cerwch yno i ddysgu iaith Geltaidd arall!

[Cawslyd]

Mae hyn yn profi pa mor fanteisiol yw cael senedd i'r Alban - mae nhw'n cael gwneud deddfau i gefnogi'r Aeleg.

Ond rhaid nodi bod tocynnau bws am ddim i'r henoed yng Nghymru yn bwysicach nag unrhyw iaith.

[Emrys Weil]

Mae'n hen bryd i rywbeth ddigwydd.

Mae yna ysgolion ar yr ynysoedd sy'n dysgu trwy'r Aeleg, ond fel y deallaf nid yw'r cwricwlwm cyfan ar gael yno drwy gyfrwng yr ieithoedd hynny.

Mae yna o hyd tua 60,000 o siaradwyr Gaeleg, ac mae hynny'n obeithiol iawn o gymharu ag ambell i iaith fel Sorbeg, neu rai o'r ieithoedd Saami. Mae yna hefyd bobol ymroddgar sy'n gweithio'n galed dros yr iaith.