Bygythiad i'r iaith Wyddeleg?

[Mali]

:? sori am y rants uchod. ma'n neud fi'n drist, ma jyst y peth pwysica yn y mywyd i, a ma'n marw de, a ma'r mwyafrif o bobol yn gadal o fynd...wyshhhh fel ryw dderyn

Leusa,
Finna hefyd yn teimlo'n drist pan dwi'n gweld Cymry Cymraeg eu hiaith yn siarad efo'i gilydd yn Saesneg.Ac os ydi hyn yn dechrau yn yr ysgol.....wel, parhau wneith o, gan fod hi'n anodd iawn iddynt newid o un Iaith i'r llall.
Paid digaloni, a dal dy dir.
'Mae'r Iaith Gymraeg yn fyw!'
Mali.

[owen]

Mae modd bellach ichi ddysgu Gwyddeleg drwy gyfrwng y Gymraeg a hynny ar lein. Ewch i http://www.e-addysg.com/cymraeg/gwyddeleg.php

Bain triail as/Rho gynnig arni.

Pob hwyl,

Owen

[sanddef]

Ydi'r Wyddeleg yn colli'r frwydr, neu a oes gobaith?

Pan aethon ni drosodd i gyfarfod cyhoeddus cynllunio yn y Gaeltacht Connemara y llynedd, roedd hi'n edrych yn syfrdanol o wael. Efo criw o weithredwyr dros y Wyddeleg yn ein tywys, methiant bu'r ymdrech i gael hyd o dafarn yn An Spideal (sydd i fod yn y Fior Gaeltacht) ar y nos Sadwrn lle roedd yr awyrgylch yn Wyddeleg.

Arglwydd mawr! o'n i'n byw mewn bwthyn ger An Spideal am fis yn 1992 a wnes i ymweld a thafarn yno lle roedd pawb yn siarad Gwyddeleg.Cadarnle i'r iaith oedd y pentre pryd 'ny.
Dw i'n credu bod y Wyddeleg yn wynebu'r un broblem ag erioed,sef nad ydy hunaniaeth pobl Iwerddon yn perthyn iddi.Mae ganddynt weriniaeth a mor o ddwr rhyngddynt a phawb arall

[Cawslyd]

Be di ochr y llywodraeth yn 'Werddon ar y mater ac yn gyffredinol?

[sanddef]

Be di ochr y llywodraeth yn 'Werddon ar y mater ac yn gyffredinol?

Wel,mae'r Wyddeleg yn iaith swyddogol sydd rhaid ei dysgu yn yr ysgol a rhaid pasio arholiad ynddi i gael swydd swyddogol (gan gynnwys bod yn heddwas,o leia yn fy nyddiau fi yn y Werddon).Mae 'na dwf ymhlith siaradwyr Saesneg i ddysgu Gwyddeleg ond nid ydy hynny yn effeithio ar y sefyllfa dan sylw,sef cymunedau Gwyddeleg eu hiaith (dim ond 35000 o bobl),sydd yn gymunedau bychan cefn gwlad a phell oddi wrth ei gilydd.

[S.W.]

Datblygiad digon positif ar y cyfan i'r iaith Wyddeleg yn Iwerddon.

http://news.bbc.co.uk/welsh/hi/newsid_4 ... 575647.stm

[Tyrthwr]

statws shmatws. mae'r frwydr ar ben.

ta/ se/ cri/ochnaithe cheana fe/in!

mae wedi bennu yn barod!

mae'r rhain (/) yn hyll, ond yn golygu acenion.

Tyrthwr

[Alun Abertawe]

Fel pobl ifanc y wlad hon, sydd yn wlad geltaidd, mae'n siwr fod yna rhywbeth y gallwn ni ei wneud i fod yn gefnogol i'r Wyddeleg a'r Aeleg. Ry'n ni'n lwcus fod gyda ni iaith i'w siarad - allwn ni wneud rhywbeth does bosib! Nerth mewn rhifau?!!!

[Hogyn o Rachub]

Fel pobl ifanc y wlad hon, sydd yn wlad geltaidd, mae'n siwr fod yna rhywbeth y gallwn ni ei wneud i fod yn gefnogol i'r Wyddeleg a'r Aeleg. Ry'n ni'n lwcus fod gyda ni iaith i'w siarad - allwn ni wneud rhywbeth does bosib! Nerth mewn rhifau?!!!

Beth well y medrwn wneud ond dangos esiampl?

Oes 'na rhyw fath o Gymdeithas Yr Iaith Wyddeleg, tybed?

Dydi statws ddim yn achub iaith - rydym ni'n gwybod hynny yng Nghymru, a dydi deddfau iaith, mewn gwirionedd, ddim am achub y Gymraeg ar lawr gwlad. Ond mae deddfau eiddo Iwerddon efallai'n cynnig gobaith faith i'r Wyddeleg, a dyna be ddylem ni fynd ar ei hol yng Nghymru.

[AFFync]

Mae mam yn Gwyddel ac fe es i i'r ysgol yn Dulyn am flwyddyn. Gallai cyfri i 10, deud 'mae o'n hen. mae o'n ifanc' a'r un mae pawb yn gwybod "Pogue Ma Hone".

Fe aeth cyfnither i Gaelscoil (ysgol Gwyddelig) ond dwi byth yn clywed hi'n siarad yr iaith. Mae ei teuly yn Galway yn siarad dipin dwi'n meddwl.