Lle mae Llydaweg?

[gronw]

Dwi'n mynd i Lydaw ar fy ngwylie yn fuan iawn, i Cernac yn y De.

Oes rhywun yn gwybod a oes siaradwyr Llydaweg yn yr ardal yna? Ble fyddai'r lle gore i chwilio amdanyn nhw?

Dwi'n gwbod nad oes llawer o Lydaweg i'w glywed ar y stryd, ac ychydig iawn o Lydaweg dwi'n ei siarad beth bynnag, ond byddai'n drist iawn peidio clywed dim o gwbl.

[Rhydfryd II]

Yn ngorllewin Llydaw ma dy siawns orau di o glywed yr iaith, ond mae na hefyd dipyn o siaradwyr yn y de. Mi es i ogledd Llydaw ychydig flynyddoedd yn ol a nes i'm sylwi ar y iaith yn cael ei siarad o gwbl.

[Cawslyd]

Dwi newydd fod yn Llydaw ar fy ngwyliau, a ni glywais prin dim Llydaweg yn cael ei siarad yno. Er hynny wrth ddiolch (Trugarez) a ffarwelio (Kenavo) mi gefais i ymateb yn y Llydaweg. Dwi'n gwybod am Grepieriau Llydaweg yn Huelgoad (sydd yn reit bell o Karnag) ac yn Rosko (sydd hyd yn oed pellach). O gwmpas Kemper (yn ol y son) mae'r iaith yn cael ei siarad fwyaf ac ar y penrhyn sydd i'r gorllewin o Kemper.

[gronw]

Chlywes i ddim Llydaweg yn Karnag o gwbl, er i fi drio gwrando amdani. Mi fues i'n gwrando ar hen bobl yn y strydoedd, ac fe fues i mewn marchnad Lydewig iawn am hir, ond glywes i ddim ond Ffrangeg (a Saesneg Birmingham).

Mi holodd yn ffrind i rywun lle oedden ni'n aros, ac fe ddwedodd hi nad oedd fawr neb yn y rhanbarth yn siarad Llydaweg, ond fod rhai plant yn dechrau mynd i ysgolion Llydaweg. Mae mwy o Lydaweg i'r Gogledd Orllewin mae'n debyg.

Fe ges i'n siomi gyn lleied o'r iaith oedd i'w gweld (a dim i'w chlywed). Mae'n debyg fod tua miliwn o bobl yn medru'r iaith, ond bod y rhan fwyaf yn credu mai Ffrangeg yw'r dyfodol.

Yr unig beth gododd fy nghalon i oedd ychydig o graffiti Llydaweg gwych oedd yn dweud pethe fel "nid Ffrainc yw fan hyn" a "Llydaw = cenedl" a "Llydaweg yn Llydaw!".

[sanddef]

wnes i ymweld a Llydaw dwywaith yn y nawdegau,gan grwydro o gwmpas yr holl wlad a chwilio am siaradwyr Brezhoneg;yn anffodus mae mwyafrif siaradwyr yr iaith yn siarad dim ond efo eu teuluoedd/ceraint eu hun(canlyniad o'r iaith yn cael ei gwawdio gan y Ffrancod),felly does dim modd ei chlywed ar lafar yn ei chadarnleoedd ei hun.Rhaid mynd i Rennes(eironig,gan nad ydy'r brifddinas yn fro Brezhoneg yn hanesyddol) i glywed yr iaith ar lafar,a hynny gan fyfyrwyr o'r brifysgol yno.gallan nhw dy gynorthwyo ymhellach ynglyn a lle i fynd.mae siaradwyr Llydaweg yn cwrdd a'i gilydd yn aml yn ystod gwyliau cerddorol/gwerinol.os ti'n mynd i Rennes,chwiliwch am dafarn wyddelig o'r enw "the claddagh ring"(os ydy'n dal i fodoli!)