01/08/09 - 08/08/09 : Gigs Cymdeithas, Steddfod Bala 2009

[Hedd Gwynfor]

Rhys Llwyd wedi gwneud map gret o ardal y steddfod gan ddefnyddio Google maps, ar gael yma - http://cymdeithas.org/2009/08/01/manyli ... 9.html#map

[CORRACH]

Rhys Llwyd wedi gwneud map gret o ardal y steddfod gan ddefnyddio Google maps, ar gael yma - http://cymdeithas.org/2009/08/01/manyli ... 9.html#map

gwych ydi'r map.
a fydd unrhyw fath o lwybr cerdded o Faes Huw i'r dre/maes Eisteddfod? Mae'r ffordd mynd i fod braidd yn brysur (a pheryg) i gerdded arni . . .

[Hedd Gwynfor]

Rhys Llwyd wedi gwneud map gret o ardal y steddfod gan ddefnyddio Google maps, ar gael yma - http://cymdeithas.org/2009/08/01/manyli ... 9.html#map

gwych ydi'r map.
a fydd unrhyw fath o lwybr cerdded o Faes Huw i'r dre/maes Eisteddfod? Mae'r ffordd mynd i fod braidd yn brysur (a pheryg) i gerdded arni . . .

O'r hyn dwi'n deall, y llinell las sy'n mynd trwy'r cae rhwng 'Maes Huw' a maes y steddfod yw'r llwybr troed. Bydd yr Eisteddfod yn trefnu wedyn (dwi'n cymryd) fod llwybr saff o faes yr Eisteddfod/Maes Ieuenctid i ganol y dre.

[Hedd Gwynfor]

Dafydd Iwan yn dod yn ôl at ei Wreiddiau

Mae Cymdeithas yr Iaith wedi trefnu wythnos lawn o weithgarwch gyda'r nos ar gyfer Eisteddfod Genedlaethol y Bala. Ond fe fydd y tair noson gyntaf (gynhelir ym Maes Tafod wrth ymyl y Ganolfan Hamdden), tra'n apelio at bawb yn sicr o apelio yn arbennig at yr Eisteddfodwyr hynny sy'n cofio'r Blew a 'Maes B' yn Eisteddfod Genedlaethol y Bala 1967.

Fe gafodd Dafydd Iwan ganu yn y Pafiliwn mewn cyngerdd gyda'r nos yn yr Eisteddfod honno ac roedd hynny'n chwyldroadol ar y pryd a 'Chân yr Ysgol' yn dal yn gymharol newydd Fe fydd yn bleser cael croesawu Dafydd yn ôl i Eisteddfod y Bala eleni. Ef fydd y prif atyniad ar nos Sadwrn cyntaf yr Ŵyl, ac mae hynny yn gwbwl briodol gan fod gwreiddiau Dafydd yn Llanuwchllyn.

Ddeugain mlynedd union yn ôl yn Eisteddfod Genedlaethol y Fflint 1969 ac yntau yn Gadeirydd Cymdeithas yr Iaith Gymraeg ar y pryd, roedd Dafydd Iwan yng nghanol un o stormydd gwleidyddol mwyaf ei fywyd gan ei fod ar flaen y gad yn yr ymgyrch peintio arwyddion ac yn arwain yr ymgyrch yn erbyn yr Arwisgo. Mae rhywun yn gobeithio y caiff Eisteddfod dawelach yn y Bala eleni. Yn ei gefnogi ar y noson mae Lowri Evans a Candelas a'r compare fydd Dilwyn Morgan.

Meic Stevens, hen ffefryn arall, fydd y prif atyniad nos Sul. Pan oedd o yn canu efo'r Bara Menyn y daeth y gân 'Mynd i'r Bala mewn Cwch Banana' yn enwog am y tro cyntaf. Bydd Heather Jones, un arall o driawd y Bara Menyn yn canu ar y noson hefyd. Cymysgedd o gerddoriaeth werin fodern a churiadau electronig ceir gan y band arall fydd yn chwarae ar y nos Sul, sef Brigyn.

O'i gymharu a'r ddau uchod, nid yw Geraint Løvgreen ond glaslanc, ond mae o o bosib wedi canu yn amlach ar lwyfannau'r Gymdeithas yn yr Eisteddfod Genedlaethol nac odid unrhyw artist arall a mawr fydd croeso Pabell Tafod iddo ar y Lun. Yn cefnogi Geraint bydd Mattoidz, Gwyneth Glyn, Gwilym Morus a Pala, band ifanc o ardal y Bala.

Ar ôl gigio'n galed am dair noson efallai na fydd gan y pyntars hŷn egni ar ôl am weddill yr wythnos ac y byddan nhw yn ildio eu lle i genhedlaeth iau. Ond does ond gobeithio na fydd ganddyn nhw ychydig o wynt yn weddill i ddod i Ffair y Bala ar y dydd Sadwrn olaf pan fydd deuddeg a mwy o artistiaid yn canu o ddeuddeg o'r gloch y prynhawn hyd at un o'r gloch y bore. Rhywsut mae rhywun yn synhwyro na fyddwn ni am weld Eisteddfod Genedlaethol y Bala yn dod i ben!

[Leusa]

Mae na lwybr troed diogel i'r dref o Lanfor.

Dwi ar ddallt na fydd 'na showers yn 'Maes Huw'. Dyna i chi gachu hwch. Ond y ffordd ma'r tywydd yn dal ati rwan, cwbwl fydd angen neud 'di sefyll yn yr awyr agored efo shampw ar eich pen a fydd popeth yn iawn.

Map neu beidio, dwi dal methu gweithio allan lle ar wyneb y ddaear fydd gigs cymdeithas...

[Wilfred]

Mae na lwybr troed diogel i'r dref o Lanfor.

Dwi ar ddallt na fydd 'na showers yn 'Maes Huw'. Dyna i chi gachu hwch. Ond y ffordd ma'r tywydd yn dal ati rwan, cwbwl fydd angen neud 'di sefyll yn yr awyr agored efo shampw ar eich pen a fydd popeth yn iawn.

Map neu beidio, dwi dal methu gweithio allan lle ar wyneb y ddaear fydd gigs cymdeithas...

Ar y cau drws nesa' i'r ganolfan hamdden. Dros y ffordd i lle ti'n troi am y clwb golff.

[dil]

ma bala yn fach felly fyswn im yn poeni gormod.mae o rhwng y dre ar llyn.ma fane yn le agos iawn i bob dim.
ac mar ganolfan chwareon reit wrth ymyl lle mane bwll nofio.
mynd i nofio yn bore de a cawod a sona wedyn.be gei din well.

[Hedd Gwynfor]

Ar y cau drws nesa' i'r ganolfan hamdden. Dros y ffordd i lle ti'n troi am y clwb golff.

Ie, sbot on Dewi. O gyfeiriad Llanuwchllyn mae gyda ti Llyn Tegid > Canolfan Hamdden > Cae Gigs y Gymdeithas. mae yn y cae reit arol y Ganolfan hamdden ar yr ochr dde. Bydd yn amlwg o heddiw ymlaen gan fod y babell (a baner gobeithio) yn mynd lan!

[Hedd Gwynfor]

Rhai lluniau o Maes Tafod - Pabell Gigs y Gymdeithas: http://www.flickr.com/photos/hedd/

[Hedd Gwynfor]

Cofiwch am noson 'Cwch Banana' gyda Meic Stevens, Brigyn a Heather Jones ym Mhabell Tafod ger Canolfan Hamdden y Bala nos fory (Sul). Hwn fydd unig ymddangosiad Meic Stevens yn yr Eisteddfod.

Sul 2 Awst
Noson Cwch Banana
7yh-1yb, £9
Meic Stevens
Brigyn
Heather Jones

Mae modd prynu tocyn o Uned Cymdeithas yr Iaith ar faes yr Eisteddfod neu ar y drws.