Exams Cymraeg

[Geth Jôs]

Jest fi 'di o, neu ydi arholiadau Cymraeg Llenyddiaeth a Barddoniaeth yn rhy anodd i bobl i'w gneud? Dw i'n meddwl mai prawf er mwyn y bobl sy'n gallu cofio'r mwyafswm o ffeithiau a gallu sgwennu gyflymaf ydyn nhw. Beth bynnag, oherwydd fy anwybodaeth a fy niffyg sgwennu'n sydyn dw i newydd gal U mewn arholiad o'r fath. Os oes genddyf fywyd y tu allan i lenyddiaeth Cymraeg pam y mae disgwyl i mi aros yn fy nhy yn y nos a'r penwythnosau yn stydio ffeithiau di-bwrpas a dysgu atebion arholiad fatha ryw ffycin parot?
Peth arall. Pa wahaniaeth y mae o'n mynd i wneud i fy ngyrfa os ydw i'n gallu ryseitio ffeithiau am lyfrau a dyfynnu cerddi os mai technegydd sain ydw i am fod? Rhywun fy ateb i cyn i fi chwalu i fod yn slwts ar y wal!

[Fflamingo gwyrdd]

Ma'n ddrwg gen i glywed am hynna, was. D'io ddim yn dwad yn rhwydd i bawb 'sdi. Wnes ti fwynhau gwneud y gwaith? (A'i dy ddewis di oedd sefyll yr arholiad, ynteu TGAU gorfodol oedd o?)

[dawncyfarwydd]

Dwi'n cytuno â'r rhan fwya o bwyntia rwyt ti'n eu codi, ond rydw i yn un sydd eisio mynd ymlaen i weithio mewn rhywbeth yn ymwneud â llenyddiaeth Gymraeg felly mae yna dipyn o wahaniaeth hefyd!! Ac yn wahanol i ti, prin yw fy mywyd i y tu allan i lenyddiaeth Gymraeg
Ar y cyfan, dwi'n hoff iawn o'r maes llafur barddoniaeth, mae'n rhaid i mi ddweud. Oni bai am rai eithriadau (hynny ydy - Glas, Er Cof am Kelly a Y Coed) dwi'n meddwl ei fod o yn cynnig trosolwg ddigon effeithiol o'r farddoniaeth - yr unig bethau sydd ar goll ydy rhywbeth eitha cynnar (er enghraifft un o'r cywyddau hawsaf, rhywbeth fel Marwnad Siôn y Glyn, un o gerddi mwya'r iaith) a rhywbeth gan fardd mwyaf yr iaith erioed yn fy marn i, sef Emyr Lewis. Sa rhywbeth gan Twm Morys yn help hefyd, gan ei fod o yn un sy'n tanio brwdfrydedd mewn barddoniaeth ym mhlant yr oed yma.
Nid y maes llafur ydy'r broblem, felly, ond y dull arholi.
Yn rhan gyntaf yr arholiad llên, fe gewch chi gwestiynau ar rai o'r pymtheg cerdd a ddysgwyd gennych ar eich cof am ddwy flynedd cyn yr un awr honno. Dydy'r pymtheg cerdd i gyd byth yn cael eu defnyddio - ac mae hynny'n wirion yn fy marn i, am resymau addysgol wrth gwrs, er ei bod yn beth da bod plant yn cael trosolwg ar rai o'n cerddi gorau, heb orfod eu defnyddio byth mewn arholiad. Dydy awr ddim yn ddigon i drin y cwestiynau hyn yn gall o gwbl, ac fel y dywedodd Gethin y cwbl ydy'r arholiadau ydy prawf ar ein gallu i gofio geiriau ac i sgrifennu'n gyflym. Nid dyma'r ffordd i arholi'n plant ar brif beth ein diwylliant. Fasa waeth iddyn nhw roi prawf IQ neu rywbeth i ni. Dydw i ddim yn credu bod cwrs heb fod wedi'i anelu ar ddim ond arholiadau yn gwneud cyfiawnder â neb, a phrin ydy'r pethau yr ydw i o unrhyw iws ynddyn nhw ond Cymraeg felly dwi'n poeni llawer am y ffaith mod i yn gofidio'n arw os ydy'r arholiad penodol yma yn mynd i wneud unrhyw gyfiawnder â fi neu neb arall.
Yn fy marn i, er tegwch â phawb, dylid anghofio am arholiadau mewn llenyddiaeth Gymraeg a gweithio'r cwrs i gyd drwy gyfrwng traethodau a gwaith cwrs. Wedyn, gellid canolbwyntio ar wir ddealltwriaeth y disgybl o'r cerddi, gan y gall canlyniad mewn arholiad fod yn gamarweiniol iawn. Dydy hi ddim yn deg ar athrawon, chwaith, i orfod bwydo ffeithiau cyfleus-i-arholiad i ddysgyblion. Byddai'n llawer iawn gwell pe gallen nhw ganolbwyntio ar ddysgu'r cerddi i ni mewn modd sy'n hybu ein dealltwriaeth ni ohonynt nid fel pethau gogyfer ag arholiad ond fel pethau sy'n rhan allweddol o'n diwylliant ni.
Felly, traethodau ac nid arholiadau, plis!!!

Fflamingo - Oes, mae'n rhaid i ni sefyll yr arholiadau hyn (a diolch am hynny), ond mewn mocs y cafodd GJ ei U. Ynglyn â mwynhau y gwaith, dwi'n credu y byddai plant yn gwerthfawrogi'r cerddi yn llawer gwell pe bai strwythur y cwrs yn wahanol. A chael gwared ar y shitbethau aflan a enwais, wrth gwrs.

[Fflamingo gwyrdd]

Oes, mae'n rhaid i ni sefyll yr arholiadau hyn (a diolch am hynny), ond mewn mocs y cafodd GJ ei U. Ynglyn â mwynhau y gwaith, dwi'n credu y byddai plant yn gwerthfawrogi'r cerddi yn llawer gwell pe bai strwythur y cwrs yn wahanol. A chael gwared ar y shitbethau aflan a enwais, wrth gwrs.

Dyna'n union pam o'n i'n holi. Pebai GJ wedi DEWIS (h.y. unrhyw arholiad arall yn DILYN TGAU) sefyll yr arholiad, byddai'r mater yn wahanol...efallai.

[seren]

dwi'n cytuno'n llwyr. mae o'n gymaint o wast amser ein bod ni'n treulio blwyddyn yn dysgu ac astudio 15 o gerddi a'r cyfan sydd na yn y diwedd ydi prawf sydd yn awr o hyd ar ol yr holl waith. Ac ar ddiwedd y dydd dydi'r awr yna ddim yn ein profi ni ar y diwedd, mond yr rheini sy'n gallu sgwennu gyflymaf sy'n llwyddo - a dwi ddim yn un o rheini!!!!

[Geth Jôs]

mae'n braf cael rhywun yn cytuno efo fi. geiriau allweddol y drafodaeth yma i fi ydy "mocs" a "gorfodol". dwim yn un am sathru ar draed neb, oni bai eu bod nhw'n rhai mawr iawn, ond oherwydd y blydi exams cachu 'ma go brin yr a'i ymlaen i wneud lefel A yn y pwnc. dwim yn cytuno efo dy feddyliau di ar y maes llafur chwaith, dawncyfarwydd. dw i'n credu y dyliai Cymraeg Llenyddol a Barddonol fod yn bynciau dewisiol a cael pwnc Cymraeg-bob-dydd a fyddai'n dysgu ni i 'sgwennu e-bostia a mynegi barn ar maes-e

[Fflamingo gwyrdd]

Nes i ddim mwy o arholiadau Cymraeg ar ôl fy NHGAU (oes rhaid treiglo talfyriadau fel TGAU?!!), nid achos mod i ddim wedi mwynhau ei wneud o, ond achos mod i wedi dewis dilyn gyrfa wyddonol. Er hyn, dwi'n ystyried fy hun fel rhywun sy'n gallu gwerthfawrogi a mwynhau llenyddiaeth Gymraeg. Oni fyddai'n syniad gwych cael gwersi "Gwerthfawrogi Llenyddiaeth", lle y gellid trafod, dehongli a chael ein/eich cyflwyno i ddarnau/cerddi/llyfrau na fyddech yn dod ar eu traws fel arall? Efallai yn OGYSTAL a gwersi TGAU llenyddiaeth?

Fel hyn, gall y rhai sydd EISIAU cymhwyster weithio tuag ato; y rhai sydd DDIM o anghenrhaid eisiau'r cymhwyster, neu'n sdryglo i gyrraedd y nôd, ond â diddordeb yn y pwnc; a'r rhai sydd a diddordeb yn y pwnc ond a'u bryd ar yrfa wyddonol, i gyd fwynhau cyfoedd llenyddol ein gwlad...

Ydw i'n byw mewn byd o rosod cochion?...ta be'?!

[Geth Jôs]

na

[Sgotwr]

GJ- Cwestiwn bach sydyn.

Oes gan yr edefyn yma neu dy farn di rhywbeth i wneud hefo bo chdi wedi cael U yn yr arholiad ac hefyd dy fod di'n gorfod mynd i fewn amser cinio fory ar ôl gwneud yn weael iawn...iawn... yn y prawf ystafell ddirgel?

O ia w t yn cofio hyn
yoU are Usles a how do yoU do?

[dawncyfarwydd]

Hisht. Ti heb ddarllen dim o'r negeseuon yn dwyt? Fe sylwi di fy moid i yn cytuno â GJ er mai'r Gymraeg dy'r pwnc rydw i orau ynddo.

Dwi'n credu bod hyn yn codi pwyntiau ar wahân i Gymraeg hefyd, mae'n codi pwyntiau ynglyn â phyncaiau gorfodol. Mae TGAU gwyddoniaeth yn cyfri am ddwy radd TGAU, ac mae fy sefyllfa wyddonol i yr un fath ag un Gymraeg GJ, mwy neu lai. Ond yn fy marn i mae hi'n gywilyddus bod cymaint o gwrs sy'n mynd i ddylanwadu ar fy nyfodol i yn cyfri am ddwy radd, beth bynnag am un. Dwi'n casàu gwyddoniaeth â chas perffaith, yn fy marn i does na'r un pwnc mwy diffaith. Yr unig bobl sy'n mynd i elwa o'i wneud o ydy gwyddonwyr. A faint ohonon ni nad ydan ni'n mynd i ddefnyddio gwyddoniaeth o gwbl yn ystod ein bywydau? Mwyafrif helaeth, yn sicr. Ond mae'r gwaith diddiben a chachlyd rydan ni yn ei wneud rwan yn mynd i gyfrannu llwyth at sut mae'n tystysgrifau ni yn mynd i edrych yn y diwedd. Dydy gwyddoniaeth a fi jest ddim yn dygymod â'n gilydd, felly ddylai'r pwnc ddim cael ei stweffio lawr fy ngwddw i.

Dwi yn sicr yn cytuno â syniadau'r fflamingo am wersi gwerthfawrogi llenyddiaeth, ond dydw i ddim yn ei weld o'n gweithio os nad ydy o yn mynd i effeithio ar raddau pobl - fydd pobl jest ddim isio gwbod. Ond mae hi'n braf gweld llenyddiaeth yn ysgogi tipyn o ddadlau iach yn y gwersi Cymraeg: rydan ni newydd wneud 'Etifeddiaeth' gan Gerallt rwan a, gan ei bod ni yn mynychu Ysgol Pwllheli roedd y 'gwerth cynnydd yw gwarth cenedl' yn ysgogi trafodaeth am warth Daydd Iwan ac yn y blaen. Yn yr un modd, roedd 'Cymru Fydd', Saunders, yn codi cwestiynau am genedlaetholdeb a'n dyfodol ni fel criw o Gymry. Llenyddiaeth yn codi cwestiynau a dadleuon ac yn ysgogi plant i feddwl am eu cenedligrwydd - dyna i chi wych!