Yw'r Gymraeg yn Neisach Iaith na'r Saesneg?

[sanddef]

Dyna gwestiwn od. Fel gofyn os ydi B fflat yn well nodyn nag E.

B flat yn well nag E??? Ti o ddifrif???

[Dafydd Iwanynyglaw]

Dwi mewn dau feddwl am y peth.

Ar un ochr, fel dywedodd Colin Newman, "E is where you play the blues", sy'n beth da. (Er, fel y mae pawb yn gwybod, mae Newman yn ein annog i osgoi E, yn ogystal a C a D, tra'n trafeilio o A i B, ond ta waeth).

Ac eto, nodyn gwyn ydi E, ac mae pawb yn gwybod nad oes rhythm gan nodau gwyn. Drwy fod yn nodyn du, mae B fflat o'r rheidrwydd yn fwy cwl.

Wrth gwrs, gellir osgoi'r broblem yn hollol drwy chwarae'r nodau E a B fflat gyda'i gilydd ar yr un pryd - drwy hyn fe geir swn debyg iawn i Dave Edwards yn ceisio canu dros felodi.

[y mab afradlon]

Mae 'ngwraig yn Saesnes sy wrthi'n dysgu Cymraeg. Pob hyn a hyn, ry'n ni'n dod at air nag wy'n gwybod y gair saesneg amdano. Ond galla'i esbonio'r emosiwn sy ynghlwm wrth y gair yn hawdd. (Ddoe, wedais i 'dirmyg', rhyw air dishgwl lawr ych trwyn, crychu talcen, bach o ebychiad falle...) Dyw hi ddim yn deall bod emosiynau ynghlwm wrth unryw eiriau - esboniadau oer technegol sy 'da hi ar eiriau pob tro.

Ydw i'n ffriic? Neu ydy'r iaith Gymraeg yn fwy emosiynol na'r Saesneg? Os felly, wrth gwrs ei bod hi'n well iaith na'r Saesneg, oherwydd ei bod hi'n gweddu i ni'r Cymry'n well.