Yw'r Gymraeg yn Neisach Iaith na'r Saesneg?

[Macsen]

Fel hyn ydw i'n ei gweld hi!

Mae'n anodd gwneud i Saesneg swnio'n ddrwg, ond mae 'na rywbeth oer a hysb amdano fel nad yw'n cyraedd yr uchelfannau.

Mae'r Gymraeg yn swnio'n hollol ofnadwy pan ei fod yn cael ei ddefnyddio mewn ffordd clogyrnaidd, ond yn swnio'n well na' Saesneg ar ei gorau.

[Mali]

Mae'n well gen i glywed y Gymraeg na'r Saesneg , ac am y rheswm hyn mae'r iaith Gymraeg yn 'neisiach' i mi. Ond mae pob iaith yn arbennig siawns
Be ti'n feddwl wrth 'clogyrnaidd'

[Mali]

Mae'r Gymraeg (ac wrth hwn, dwi'n meddwl Cymraeg cywir, rhygl h.y. Nid Cymraeg llawn loads o geiriau o English) yn harddach na'r Saesneg yn hawdd - ar lefel siarad bob dydd, mae'r Gymraeg yn harddach - wrth gwrs ma na wahanol acenion ayyb ond ma hyd yn oed acen Caerdydd (yn siarad Cymraeg cywir) yn swnio'n well na lot o acenion Saesneg. (ww, ma hwn yn od- dwi'n mynd yn erbyn popeth ma pobl yn dysgu i mi yma! ydw, dwi'n credu fod rhai acenion yn 'well' na'i gilydd

gethin_aj

Defnyddiwr Efydd

 

Negeseuon: 106

Ymunwyd: Sad 07 Mai 2005 4:49 pm

Lleoliad: Caerdydd

• Gwefan

Brig

[Hogyn o Rachub]

Mae'n anodd gwneud i Saesneg swnio'n ddrwg, ond mae 'na rywbeth oer a hysb amdano fel nad yw'n cyraedd yr uchelfannau.

Mae'r Gymraeg yn swnio'n hollol ofnadwy pan ei fod yn cael ei ddefnyddio mewn ffordd clogyrnaidd, ond yn swnio'n well na' Saesneg ar ei gorau.

Dw i'n meddwl bod ysgrifennu Saesneg da, ar ei orau, yn wirioneddol wych; nid oes gan y Gymraeg scope cyn ehanged a'r Saesneg gyda llawer o eiriau ac mae'n anodd efelychu ehangder y Saesneg yn y ffordd yna. Ar y llaw arall, dw i'm credu'r un iot fod barddoniaeth Saesneg cystal ac un Cymraeg. Mae 'na rhywbeth am farddoniaeth Cymraeg sy'n gweddu'n hiaith yn gyffredinol.

Ar lafar mae'r Gymraeg yn hyfrytach o ychydig, dw i'n teimlo. Mae'n sicr yn mwy diddorol. Mae Saesneg yn iaith eithaf fflat ar y cyfan, ac anodd iawn byddai dadlau efo hynny dw i'n meddwl. Er, ar lafar mae pethau fel tafodiaith ac acen (yn benodol) yn gallu dod i mewn iddi. Dw i'n caru acen Gernyweg, ond gas gennai Sgows a Geordie. Ar yr un lefel dw i wrth fy modd gyda acen caled y Cofi ac neu acen ardal Castell Newydd Emlyn, tra bo acen Crymych yn mynd dan fy nghroen.

Er hynny, iaith gyffredinol addasach yw'r Gymraeg. Hynny yw, y mae pethau drwg (gwrach, mellt, cythraul, ffiaidd) gyda geiriau eithaf hyll iddyn nhw, tra bod pethau da (tylwyth teg, hardd, golau, prydferth) gyda rhai o'r geiriau addfwynach sy'n bodoli mewn unrhyw iaith.

[Dylan]

Cwestiwn od

mae'n hollol oddrychol felly anodd ateb. Mae pob iaith yn gwneud y job y mae ei siaradwyr am iddi ei gwneud.

[caws_llyffant]

Mae be wyt ti'n dweud fel pwns ystumog i mi , Macsen , achos dwi'n gwybod ym mod i'n siarad y Gymraeg mewn ffordd clogyrnaidd . Fues i o Gymru fel babi , ac ar wahan i'r gwyliau a chwech mlynedd mewn ysgol breswyl Saesneg iawn , dydw i BYTH wedi byw yn Nghymru .

Dwi'n siarad fel ydw i achos mae o'n anodd iawn i wneud yn well pan wyt ti dim ond wedi siarad y Gymraeg hefo dy dad yn Affrica ac yn yr ynysoedd y M

[Mali]

Cwyd dy galon caws llyffant ....Iaith y Nefoedd yw Iaith y Nefoedd, beth bynnag am yr acen , a'r gair 'clogyrnaidd' oedd yn ddiarth i mi tan ddoe.
Os faswn i'n clywed y Gymraeg yn cael ei siarad ar y stryd neu mewn siop yma , fasa 'na ddim llawer o ots o gwbwl gen i pa acen fasa fo gan faswn i mor falch o glywed rhywun yn siarad Cymraeg.
Gyda llaw , mi ddois i ar draws merch o Lanrwst gynt yn gweithio mewn un o siopau'r dref . 'Roedd hi'n cyfadde ei hun nad oedd ei Chymraeg hi'n dda iawn ......ond 'roedd gwrando arni'n siarad fy mamiaith yn swynol iawn i mi

[Dewi- Wir Frenin Cymru]

ydi, geiriau fwy hwylus i'w ddweud hefyd.........ddim yn gallu meddwl am engrheiffiau chwaith- ymenydd wedi'i ffrio heddiw.
fyddai nol

[Macsen]

Cwestiwn od

mae'n hollol oddrychol felly anodd ateb.

Mae pob trafodaeth ar y Maes yn hollol oddrychol

[caws_llyffant]

Diolch yn fawr iawn , Mali . Ond mae Macsen yn iawn hefyd . A does gen i ddim esgus , achos dydw i ddim yn ddwl . Dwi'n siarad Saesneg , Ffrangeg , Sbaeneg , Potuguese , dipyn o Dahiteg , a dwi'n dallt Catalan a Eidaleg yn iawn . Dwi'n dalentog hefo iethoedd , ond dydw i ddim wedi poeni am ddysgu'r Gymraeg yn iawn . A wedyn dwi'n crio , a siarad am hiraeth ? Twt lol . Roedd Sian Eirian yn iawn hefyd felly .

Fel Dewi , fydda'i n'