Geiriau Cwm Gwendraeth

gan **Jams** » Gwe 16 Medi 2005 8:29 am

cyfrinair a ddywedodd:O'n i arfer byw yng Nghwmgors, ag o'n clywed "whilia" drwy'r amser. Credu bod e'n mynd mor bell â Phontarddulais a Felindre fyd - felly, nid mond yn Nyffryn Aman.

Digon gwir - ma whilia yn cael ei defnyddio yn Felindre a'r Bont yn aml. "Odd e yn whilia a'i hunan!" Fi'n siwr bod y gair yn cael ei defnyddio yn rhanne o Gwm Gwendraeth efyd

Os rhywun arall yn defnyddio'r gair 'ronc' ? Meddwl cryf yn ystyr - "odd acen gogleddol ronc arno fe!"

gan **crwtyn** » Gwe 16 Medi 2005 11:53 am

Dw i'n defnyddio 'rhonc' yn gysylltiedig mwy gyda phobl, fel 'ceidwadwr rhonc' ac wrth gwrs yn bennaf 'Sais rhonc'. Mae'r ystyr yw 'through and through', 'staunch'. Ond ie mae yn siwtio rhywbeth fel acen rhywun 'fyd.

Pwy sy'n defnyddio'r rhain:

Speng/spengan; whimlyd; sbratian; cetyn?

gan **bartiddu** » Gwe 16 Medi 2005 12:04 pm

Gad dy speng nawr grwtyn :winc:

gan **sian** » Gwe 16 Medi 2005 12:50 pm

"sbeng" a "cetyn" (tamed bach o amser) ym Mhencader - heb glywed y lleill.

gan **gronw** » Gwe 16 Medi 2005 6:00 pm

crwtyn a ddywedodd:Dw i'n defnyddio 'rhonc' yn gysylltiedig mwy gyda phobl, fel 'ceidwadwr rhonc' ac wrth gwrs yn bennaf 'Sais rhonc'. Mae'r ystyr yw 'through and through', 'staunch'. Ond ie mae yn siwtio rhywbeth fel acen rhywun 'fyd.

cytuno, ond yn fy meddwl i mae connotations mwy negyddol i 'rhonc' na jyst 'staunch' sy'n gallu bod yn beth da neu'n beth gwael. ar y cyfan, mae rhonc yn cael ei gadw i bethe negyddol fel saeson a cheidwadwyr :winc:

gan **Bleddyn Bilsen** » Llun 19 Medi 2005 10:57 am

sian a ddywedodd:"sbeng" a "cetyn" (tamed bach o amser) ym Mhencader - heb glywed y lleill.

Wedi clywed Grav yn defnyddio cetyn amryw o weithiau e.e. 'cetyn eiliad' (ei gyfieithiad o split-second siwr o fod) a 'cetyn bas'.

gan **Bleddyn Bilsen** » Llun 19 Medi 2005 11:01 am

gronw a ddywedodd:
crwtyn a ddywedodd:Dw i'n defnyddio 'rhonc' yn gysylltiedig mwy gyda phobl, fel 'ceidwadwr rhonc' ac wrth gwrs yn bennaf 'Sais rhonc'. Mae'r ystyr yw 'through and through', 'staunch'. Ond ie mae yn siwtio rhywbeth fel acen rhywun 'fyd.

cytuno, ond yn fy meddwl i mae connotations mwy negyddol i 'rhonc' na jyst 'staunch' sy'n gallu bod yn beth da neu'n beth gwael. ar y cyfan, mae rhonc yn cael ei gadw i bethe negyddol fel saeson a cheidwadwyr

Cytuno. Yr unig esiamplau o rhonc dwi wedi clywed yw 'sais rhonc' a 'tory rhonc'. Dwi rioed wedi clywed son am 'Gymro rhonc' - dim ond pethau gwael sydd yn rhonc mae'n debyg.

gan **Lowri** » Llun 19 Medi 2005 1:56 pm

Fel person sy'n byw yng Nghwm Gwendraeth, ma shibec yn air sydd wedi cael ei ddefnyddio yn yr ardal ers blynydde!! Ma menyw sy'n byw ar yn pwys ni (80+oed) yn defnyddio'r gair.

Chi'n gwbod beth yw ystyr shwblachad?

gan **Iesu Nicky Grist** » Llun 19 Medi 2005 3:54 pm

Wy'n defnyddio "rhonc", "bigitan"(gat dy figits 'an), "toc o fara", a "gat dy lap" (sai lico lapan - ma'n atgoffa fi o fwni binc) a "cetyn". Wedi clywed "shibec" ond so'n gluste'i ddigon mowr i iwso'r gair. :winc:

Glywes i biwt o air yn ddiweddar 'da bachan o Gwm Gwendraeth - shimpyl / shimpil? (ffaaaac ol o idea 'da fi fel ma'i sillafu fe - ond ma'n golygu rhywbeth tebyg i llipa (wel...?) )

gan **Dwlwen** » Llun 19 Medi 2005 4:01 pm

Iesu Nicky Grist a ddywedodd:Glywes i biwt o air yn ddiweddar 'da bachan o Gwm Gwendraeth - shimpyl / shimpil? (ffaaaac ol o idea 'da fi fel ma'i sillafu fe - ond ma'n golygu rhywbeth tebyg i llipa (wel...?) )

Gat dy lap y crwtyn shimpil hanner pan. (Nid ti Iesu.) Brawddeg hyfryd o abiws n'est-ce pas?

O.N. Pwy arall sy'n defnyddio 'carad' yn yr un ystyr a 'cwtch'?

Geiriau Cwm Gwendraeth

Pwy sydd ar-lein