maes-e.com

sian a ddywedodd:Actifyddion

Ych a fi.

Mae yna ddau air gwarthus sy'n cael eu defnyddio yn y Gymraeg, un yn y Gogledd, a'r lall yn y De.
Fflio yn lle hedfan yn y Gogledd.
Danjerus yn lle peryglus yn y De.

Ych a pych, y ddau ohonynt.

ceribethlem a ddywedodd:Danjerus yn lle peryglus yn y De.

Dantsherus 'an!

Fi'n eitha hoff o dantsherus 'yn hunan.

sian a ddywedodd:Fi'n eitha hoff o dantsherus 'yn hunan.

Finne 'fyd. Gwed 'thai, be ti'n neud heno?

Iesu Nicky Grist a ddywedodd: Gwed 'thai, be ti'n neud heno?

Paco. A weda i un peth tho ti - fi'n ddantsherus pan fi'n paco - gwae neb sy'n dod ar y nhraws i.

Y peth 'da "dantsherus" yw - dyna'r unig air sy 'da ni. Alli di ddim disgwl i bobol Pencader ddachre gweud "peryglus" - swn i ddim yn meddwl bod e wedi bod yn eu geirfa nhw erioed. Fi'n siwr bod golwg ddantsherus ar Hen Wr Pencader pan dorrodd e ar draws Harri'r Ail Frenin Lloegr yn 1163.

O ddifri - sgwn i beth oedd pobl y gorllewin yn gweud cyn "benthyg" dantsherus - mae e'n dipyn o lond ceg - ac yn fwy anodd i'w ddweud na "peryglus" felly mae'n siwr bod rheswm da gyda nhw dros newid! Mae dantsherus mor wahanol ei swn i dangerous fel nad yw e'n swnio fel benthyciad bellach.

sian a ddywedodd:Dw i newydd gael Bwletin Ymgyrchu gan Blaid Cymru sy'n dechrau fel hyn:

"Diolch i holl actifyddion Plaid Cymru o gwmpas y wlad am ddod allan i gefnogi’r arweinydd ar ei daith gerdded."

Actifyddion???!!!

O'n i'n meddwl bod 'actifyddion' wedi cael ei gladdu'n barchus ond mae Golwg360 wedi bachu ynddo nawr.

Gol: Wel, tawn i'n smecs, yn yr amser ro'n i'n postio hwnna, mae 'na rywun wedi'i newid i "ymgyrchydd" - da iawn Golwg360

Jingl ar Radio cymru yn son am 'Trafeilio'...wel, i fi, ma hwnna jest yn nonsens. Dyw e ddim fel'se fod "y werin" yn gweud fod "teithio" yn air anealladwy, academaidd, nagyn ni'n ei ddefnyddio bob dydd, diolch yn fowr!
fflemin moses.

Ond mae 'trafeilio' yn air poblogaidd sy wedi cael ei ddefnyddio ers blynyddoedd maith. Ar y sail honno efallai y gellid dadlau bod 'trafeilio' erbyn hyn yn air Cymraeg 'go iawn'?

Fi'n credu bod "trafeili" yn yr un dosbarth â "dantsherus" - maen nhw wedi magu eu cymeriad eu hunain yn y Gymraeg - dim jest yn air Saesneg wedi'i bloncio mewn brawddeg Gymraeg.
Swn i byth yn gweud "teithio" yn bersonol wrth siarad yn naturiol.
Mae'r Briws yn rhoi "trafaelio" a "trafeilio".
A be ti am neud â'r hen gân werin

"Trafeiliais y byd, ei led a'i hyd,
Pan oeddwn yn ifanc a ffôl.
Bydd glaswellt dros fy llwybrau i gyd
Pan ddelwyf i Gymru 'nôl." ?