Geiriau Saesneg y mae'r Cymry ond NID y Saeson yn eu defyddi

[ceribethlem]

Rw i wedi clywed rhai o'r Gogledd yn arfer y gair 'josgyn' sef gwladwr gor-wledig, rhywbeth fel 'hick' a 'hillbilly' yr Americanwyr, neu 'bumpkin' y Saeson. Dw i erioed wedi clywed neb yn dweud y gair yma yn Saesneg, ond yn Chamber's English Dictionary dywedir 'joskin - a clown, a yokel', gair o iaith lladron (thieves' cant.)

Hambon yn un arall ar gyfer josg, bydde ti ddim yn clywed rhywun o Loegr yn diffinio rhywun fel "hambone".

Un o hoff dermau fi, oedd yn cael ei ddefnyddio yn Ne-Orllewin Cymru pan oeddwn i yn ysgol yw "Daps", am trainers.

[Y Fampir Hip Hop]

Un o hoff dermau fi, oedd yn cael ei ddefnyddio yn Ne-Orllewin Cymru pan oeddwn i yn ysgol yw "Daps", am trainers

Daps i fi yw'r sgitshe afiach odd rhai plant yn gwisgo i fynd i'r gym, y slip-ons duon na. Odd byth pâr 'da fi, diolch byth.
Ond ma daps yn meddwl trainers yn cyffredin hefyd, wele Magic Daps ei hunan.

[sian]

Un o hoff dermau fi, oedd yn cael ei ddefnyddio yn Ne-Orllewin Cymru pan oeddwn i yn ysgol yw "Daps", am trainers

Daps i fi yw'r sgitshe afiach odd rhai plant yn gwisgo i fynd i'r gym,

Ie, a fi, a rhyw bishyn o lastig siap U yn y ffrynt.
Amser gêms o'dd un o'r plant mawr yn dod mas â sach fowr ohonyn nhw a phawb yn twmblo am bâr o'dd yn ffito. Ych!

[dafydd]

Ie, a fi, a rhyw bishyn o lastig siap U yn y ffrynt.

'Plimsolls' yn saesneg (ar ôl enw'r cwmni dwi'n meddwl). Rhai gwyn oedd 'da fi, ond erbyn hyn mae nhw ar gael mewn coch a glas

[Llwyd y Mynydd]

larwm

Morning Chronicle Wed, 30 May 1827.
‘Have I not heard great ordnance in the field,/ and Heaven’s artillery thunder in the skies?/ Have I not, in a pitched battle, heard / Loud 'larums, neighing steeds, and trumpets clang?’

Geiriadur Collins 1986:
alarum. Archaic, especially a call to arms.

Hefyd yn ôl y geiriadur hwn yr oedd yn gyfarwyddyd llwyfan yn yr unfed ganrif ar bymtheg, yn anad dim yn yr ymadrodd "alarums and excursions" pan fyddai rhaid i'r actorion gadw reiat yn y ddrama.

Amrywiad ar y gair alarm.

[bartiddu]

"Ma' rhaid i fi fynd ma' hast arna'i!" .. dim yn amal yn clywed sais yn dweud "I must go with great haste!"

[Y Fampir Hip Hop]

"Ma' rhaid i fi fynd ma' hast arna'i!" .. dim yn amal yn clywed sais yn dweud "I must go with great haste!"

Nawr fi'n styried bod hast yn gair saesneg yn wreiddiol, a fi'n defnyddio e pob dydd!
R'un peth a want - "Ma 'da fi want am bwyd", fel rhyw sais yn dweud "I have a want for food"

[Llopan]

O'n i'n meddwl mai o 'chwant' odd 'want' yn dod...ond gallen i fod yn anghywir cofia!

[blanced_oren]

Yr enghraifft mwya amlwg i fi ydy 'teidi!', sef 'gwych' neu 'da', nid 'taclus'.

[sian]

O'n i'n meddwl mai o 'chwant' odd 'want' yn dod...ond gallen i fod yn anghywir cofia!

Na, ti'n hollol iawn.
Mae "want" neu "whant" fel swn i'n gweud yn dod o "chwant" ac mae "chwant" + "whans" yn y Gernyweg, "c'hoant" yn y Llydaweg, a "saint" neu "sant" yn y Wyddeleg yn dod o "suant-" yn y Gelteg (yn ôl GPC).

Dw i ddim yn gwbod a oes cysylltiad â "want" yn Saesneg - mae'n swnio'n debyg bod 'na.