Geiriau Saesneg y mae'r Cymry ond NID y Saeson yn eu defyddi

[Mr Gasyth]

Da iawn, Mr Gasyth!

Da iawn Sian am ateb mor chwim - cynt na estyn am y geiriadur fy hun (tase gen i un!)

[sian]

Mae "so long" yn un arall - bosib ei fod yn cael ei ddefnyddio yn Saesneg ond, yn sicr, ddim gan Saeson.
Lle maen nhw'n ddweud e? Cwm Gwendraeth fi'n gwbod ond a yw'n e'n ehangach na hynny?
Beth yw'r tarddiad?

[Y Fampir Hip Hop]

Wetwn i bod 'so long' yn estyn ar draws de Cymru, yn sicr mor bell a Aberdar a'r Rhondda. Na beth ma pobol rownd ffor' hyn yn gweud am 'goodbye', neu 'da bo' rhai weithie.
Fi'n gweud e yn aml iawn - rhy aml, yn enwedig nawr fi'n gwitho ar llinell ffon y DVLA a gweud e i pobol sy'n byw tifas o Gymru.
O wel, ar ol fi setlo mewn, wedon nhw byddau'n mynd i'r adran Gymraeg. Teidi.

[Llwyd y Mynydd]

Clywais i "so long" yn gyffredinol yn y Tymbl a Cross Hands yn y 70au. Ond 'slong' oedd gyda nhw.

Roedd Geiriadur y Brifysgol wedi cyrraedd Rhan XXV (Gwahaniaethad-Gweisgionllyd) yr adeg hynny, ac yr oeddwn yn meddwl pan ddeuai troad y ganrif, adeg byddai'r Geiriadur wedi cyrraedd y llythyren S, y gwelwn i darddiad diddorol tu hwnt i'r gair, a'i gytrasau yn y Gernyweg, y Llydaweg, y Wyddeleg, ag o bosibl enghraifft o ryw arysgrifiad o Gâl. Efallai rhywbeth tebyg i "Slán" y Gwyddelod oedd y gair hwnnw. Ond sylweddolais i flwyddyn neu ddwy ar ol ei glywed gyda nhw taw "so long" y Sais oedd mewn gwirionedd.

[dawncyfarwydd]

So long, honey babe,
where I'm bound I can't tell;
goodbye's too good a word, babe,
so I'll just say 'fare thee well'
Bob Dylan - Don't think twice, I'm alright

[Miffi]

"awe!" ydyn nhw'n deud "away!" yn saesneg?!

tra'n neud fy hun yn barod i fynd allan yn ddiweddar, nes i ddeud "i'm making myself ready"

[sian]

Mae'n bryd atgyfodi hwn.

Mae "shimpil" yn Gymraeg yn amlwg yn fenthyciad o "simple" ond mae'r ystyr yn wahanol.
I mi mae "shimpil" yn golygu anhwylus, sâl neu ddarn o waith di-raen.
Un waith glywais i rywun o Sir Benfro yn defnyddio "shimpil" i olygu tamed bach yn dwp fel yn "Simple Simon" yn Saesneg.

Gol: Newydd sylwi mod i wedi sôn am hyn o'r blaen - a finnau'n meddwl mai newydd sylwi o'n i! Sdim ots, mae'n ddigon difyr beth bynnag!

[Seonaidh/Sioni]

Shimpil? Mae na air yn yr Aeleg "simplidh", sy'n golygu syml/simple yn Saesneg, ond sy'n cael ei ynganu fel "shimpli".

Awe (away) - dw i heb ddeall ystyr hynny'n union (?"I'm making mesel ready"?), ond mae pobl G-Ddn Lloegr a phobl yr Alban wastad yn deud "Howway", "Ha'way" ac ati, ac yn hen iaith y Geordies ceir "hadaway an shite" am (fwy neu lai) "bondigrybwyll", "rwtsh" ac ati.

So long - mae'n bosib mai term Americanaidd ydi hyn, ond dwi wedi clywed hefyd fod o'n dod yn wreiddiol o'r Arabeg "Salaam" (Ebraeg "shalom") sy'n golygu "heddwch". Oes na neb sy'n deud "Cyhyd!" am hyn...

[Llyr Gwyn]

Gafodd rhywun dwi'n ei nabod edrychiad go ryfedd pan ddeudodd hi am rywun oedd yn dipyn o gymeriad - 'he's a bit of a case you know'.

[osian]

Pan oni'n gweithio mewn siop ffrwytha yn Abersoch, mi oedd y ddynas odd bia'r siop yn dysgu Cymraeg ac mi glywish i hi yn disgrifio rhywun: "she's a case".
dwnim os mai dylanwad pobl erill ta be odd hyn, ond nath o'n nharo i'n ddoniol.