Ydi ac ydy

[Duw]

A oes rhywun mas 'na yn gallu esbonio'r gwahaniaeth? Dwi wastod wedi defnyddio ydy am bopeth, ond dwi wedi gweld ydi dros y lle i gyd ar seiadau maes-e. Am fy mywyd, galla i ddim a'i weithio fe mas. Ife peth Gog/Hwntw yw e?


[ymddiheuriadau os ydy hyn wedi'i drafod eisoes, stim modd gwneud chwiliad ar air 3 llythyren! 'Nes i wirio'n gyflym 'ed]

[sian]

Dw i'n meddwl bod rhai pobl yn ffafrio "ydy" am ei fod yn dangos mai o "ydyw" y mae'r gair wedi dod.
Ond mae'n well gan eraill "ydi" am ei fod yn agosach at y sain - dydi Gogleddwyr, mae'n debyg, ddim yn dweud "ydy"

Yn ôl Gramadeg y Gymraeg, Peter Wynn Thomas, "Amrywiad ar "ydy" yw "ydi", ffurf a arddelir yn fwyaf penodol gan rai gogleddwyr sydd yn gwythwynebu defnyddio <y> i gynrychioli [i] ddiweddol "ydi", sef eu ffurf lafar anffurfiol ar "ydyw". " - sy'n cadarnhau beth ddwedais i uchod os ydw i wedi deall yn iawn.

Mae rhai pobl yn mynd dros ben llestri braidd wrth ddadlau dros y naill neu'r llall - yn enwedig yn hwyr ar nos Wener.
Well gen i "ydi" am ei fod yn edrych yn daclusach ond fyswn i ddim yn mynd i berorasiwn am y peth.

[krustysnaks]

Well i rhywun guddio'r edefyn yma oddi wrth dawncyfarwydd cyn gynted â phosib...

[dawncyfarwydd]

Hehe - ddes i adra'n hwyr neithiwr a penderfynu yn fy noethineb arferol fynd i chwara tennis efo hwyaid a gneud drop-goals efo cŵn bach yn lle blino pawb efo fy ydy-bashing.

Ond ydi 'di'r boi o hyd.

[Jon Bon Jela]

Mae edefyn ar hwn wedi bod o'r blaen...

I fi, (a sa i'n gweud hyn jest achos 'mod i'n dod o'r de) 'ydy' sy'n gwneud y synnwyr oherwydd talfyriad yw o'r gair 'ydyw', felly mater o ollwng yr 'w' ydyw.

Dwi'm yn gweld llawer o resymeg tu ôl i 'ydi'

[sian]

Dwi'm yn gweld llawer o resymeg tu ôl i 'ydi'

Y sain yw'r rhesymeg. "Ydi" mae pawb yn ddweud. Heblaw hen bregethwyr o'r de sy'n treio swnio'n ogleddol.

[Kez]

Wi'm cweit yn deall y rhesymeg o ran dewis ysgrifennu ydi yn lle ydy - yn y gair 'ydyn' , ma'r 'y' a dwy sain wahanol - ond ifi heb weld neb yn sgrifennu ydin.

Wi'n credu taw arfer llenorion diweddar yw e - alla i ddim credu bod pawb sy'n ysgrifennu ydi yn ei wneud e am eu bod nhw'n ymwybodol o seineg ac orgraff yr iaith. Ma'n siwr taw efelychu ysgrifennwyr eraill y maen nhw

Byswn i byth yn gweud ydi neu ydy ond yw, er byswn i'n ysgrifennu ydy neu a ydyw mewn cwestiwn ac yn ei weud e fel odi - ond wn i'm pam chwaith

[Mr Gasyth]

Wi'm cweit yn deall y rhesymeg o ran dewis ysgrifennu ydi yn lle ydy - yn y gair 'ydyn' , ma'r 'y' a dwy sain wahanol - ond ifi heb weld neb yn sgrifennu ydin.

mae hyn achos mae 'ydun' ydi ynganiad 'ydyn' felly mae'r sillafiad yn cydfynd a'r sain. does dim rheswm felly i sgwennu 'ydin'. mae geiriau fel sydyn, cyflym, a hyfryd yn dilyn yr un patrwm.

[Kez]

Wi'm cweit yn deall y rhesymeg o ran dewis ysgrifennu ydi yn lle ydy - yn y gair 'ydyn' , ma'r 'y' a dwy sain wahanol - ond ifi heb weld neb yn sgrifennu ydin.

mae hyn achos mae 'ydun' ydi ynganiad 'ydyn' felly mae'r sillafiad yn cydfynd a'r sain. does dim rheswm felly i sgwennu 'ydin'. mae geiriau fel sydyn, cyflym, a hyfryd yn dilyn yr un patrwm.

Nid yn y de - mae dwy sain wahanol iddi; odin byswn i'n ei weud am ydyn. Wi'n siwr bod rhai yn y gogledd yn gweud yndan hefyd, ond bydd rhaid i rywun arall fy nghywiro i neu beido.

[Mr Gasyth]

Wi'm cweit yn deall y rhesymeg o ran dewis ysgrifennu ydi yn lle ydy - yn y gair 'ydyn' , ma'r 'y' a dwy sain wahanol - ond ifi heb weld neb yn sgrifennu ydin.

mae hyn achos mae 'ydun' ydi ynganiad 'ydyn' felly mae'r sillafiad yn cydfynd a'r sain. does dim rheswm felly i sgwennu 'ydin'. mae geiriau fel sydyn, cyflym, a hyfryd yn dilyn yr un patrwm.

Nid yn y de - mae dwy sain wahanol iddi; odin byswn i'n ei weud am ydyn. Wi'n siwr bod rhai yn y gogledd yn gweud yndan hefyd, ond bydd rhaid i rywun arall fy nghywiro i neu beido.

wel ia, yn amlwg am y gogledd dwi'n son, dyna pam fod gogleddwyr yn dueddol o sgwennu ydi. yn y de, does dim gwahaniaeth gan y byddai 'ydy', 'ydi' a hyd yn oed 'ydu' i gyd yn cael eu ynganu run fath.

mae yndan yn wahanol i ydyn. yndan ydi'r person cynta lluosog tra mai ydyn ydi'r trydydd person lluosog:

y(n)dw, wyt, y(n)di, y(n)dan, y(n)dach, y(n)dyn.