"Scrambling"

[Ffigaro]

Oes yna air da am "Scrambling" yn y Gymraeg? Ar hynny, oes yna air da am Scrambling yn Saesneg?! Rwyf wastad wedi meddwl y term yn un dwl dros ben.

Os nad ydych yn gwybod am ba weithgaredd wyf yn sôn: http://en.wikipedia.org/wiki/Scrambling

Rwy wrthi'n ysgrifennu canllaw Mynydda ar gyfer Eryri yn y Gymraeg; "Sgramblo" yw'r gair dwi wedi bod yn ei ddefnyddio ond sai di ffindio hi mewn unrhyw geiriadur, a dwi'n gyndyn iawn i'w ddefnyddio gan ei fod A) yn derm sy'n swnio'n ddwl, B) yn Cymreigiad o derm Saesneg sy'n digon dwl i ddechrau. Gas gen i ddefnyddio termau Saesneg wedi'u Cymreigeiddio drwy'r amser ar gyfer gweithgareddau modern fel "Bacpacio" ac yn y blaen. Llwyddodd Ioan Bowen Rhys i ysgrifennu ei ganllaw "Dringo Mynyddoedd Cymru" heb ddyfeisio term (er iddo grybwyll y term yn Saesneg) ond prin ychydig o lwybrau sgramblo sydd yn ei lyfr fodd bynnag; rwy'n ceisio creu canllaw mwy cynhwysfawr.

Yr o'n i'n meddwl am ddyfeisio gair newydd, rhywbeth ar hyd linellau "Craig-lwyo", neu rhyw ddefnydd o'r gair "Craig".

Oes yna rywun â fwy o phrofiad ieithyddol na mi ac awgrym gwell?

[bartiddu]

Llethyra ?

[Dafad Wil M]

Yng Ngheiriadur yr Academi:

scramble

n. 1. (= climb, walk, motor-cycle race): sgrialfa (-âu, -eydd)

v. 1. v.i. (a) Av[iation], Motor Cy[cling] etc.: sgrialu, sgrafangu; to scramble up a hill, sgrialu/sgrafangu i ben bryn.

Mae "sgrialu" yn meddwl "rhuthro" neu "carlamu" ac hefyd yn cael ei ddefnyddio yn aml iawn heddiw am "skateboarding." Ond:

"Gweithgaredd cyffrous a llawn her, mae’r grŵp yn cydweithio i fordwyo drwy geunant wrth sgrialu a dringo"
http://www.nantyr.co.uk/activities-welsh.html

"Dim ond ychydig funudau o sgrialu nawr a byddwch yn cyrraedd y copa"
"Wedi dringo a sgrialu am sbel daw tri llyn..."
Awdurdod Parc Genedlaethol Eryri

Tipyn bach yn rhy hwyr, ella...

[Hazel]

O Y Geiriadur Mawr:

enw = ymgiprys, ysgarmes, ymdrech
berf = dringo, ymlusgo

Hefyd, wrth gwrs, "coginio wyau = sgramblo

[Ffigaro]

Diolch am yr ymatebion- "sgrialiu" piau hi felly.