Coedwig / Fforest

[Dewin y gorllewin]

Dwi di sylwi fod y Comisiwn Coedwigaeth wedi dechrau defnyddio y gair 'Fforest' ar ei arwyddion, yn hytrach na 'Coedwig'. Pam felly? Beth yw eich barn am hyn? Dwi methu deall pam mae rhaid gwneud hyn - nid yw 'Coedwig' yn air anghyffredin nad yw pobl wedi clwyed o flaen? Na?

[Hogyn o Rachub]

Wel, tra bod 'fforest' yn air derbyniol, o be dwi'n ddallt, oni bai mae 'Fforest X' ydi enw rhywle, dw i'n meddwl bod o'n edrych yn od yn fwy na dim. Nid yn unig ydi 'coedwig' yn fwy Cymraeg ond mae'n fwy naturiol i ddefnyddio a darllen, dwi'n meddwl.

[Duw]

HR - cytuno. Er bo rhai'n defnyddio "fforest" fel rhan o'u tafodiaith, dwi meddwl bod ei ddefnydd fel gair swyddogol gan asiantaeth genedlaethol yn warthus. Ydy "fforest" yn air sy'n cael ei ddefnyddio'n gyffredinol trwy Gymru? Os ydy, falle bo pwynt, os na - pa bwynt? Dwi'n becso bo asiantaeth fel hwn yn gallu cael effaith ar Gymraeg plant os ydynt yn gwthio'r fath hwn o iaith mewn llefydd cyhoeddus. A fyddwn yn colli'n geiriau, dim ond i'w hamnewid a bastardiaethau?!

[Seonaidh/Sioni]

Yn y Saesneg, mae dwy air cyffredin am hyn, sef "forest" a "wood". Dwi'n credu fod "wood" yn golygu coedwig fechan ac bod "forest" yn golygu coedwig fawr, er nad oes llinell bendant rhwng y ddau gymaint o goedwig. Ac, wrth gwrs, fel mae Saesneg yn anifail dieithr, mae lleoedd fel "Sherwood Forest" sy'n cael y ddwy ffurf.

Beth am "Schwarzwald", "Le Foret Noir"? Yn Saesneg, dyna "The Black Forest", ac dwi'n amau i neb eich deall petasech bhi'n ei galw yn "The Black Wood". Yng Nghymru, mae casgliad o wydd ar lethrau Bannau Brycheiniog o'r enw "Fforest Fawr".

Efallai fod yr un yn wir am y Gymraeg ac sy yn y Saesneg, h.y. fod "fforest" yn golygu "coedwig fawr". Ond dydy hynny ddim yn egluro pam fod y Comisiwn Fforestaeth (wel, pam lai?) yn defnyddio "fforest" ymhobman. Efallai fod 'na ryw anhawster efo twristiaid yn gweld y gair "coedwig" - "Not going there Fred - full of earwigs" - ond dydw i ddim yn credu.

[Duw]

A wyt yn dweud mae mater o raddfa ydyw? Mae lle o'r enw Fforestfach i gael hefyd, a Threfforest a phentre o'r enw Fforest tu allan i Abertawe. Dim sarhad i unrhyw un sy'n byw yna, ond allai ddim gweld fel taw enwau Cymraeg yw'r rhain (bastardeiddio'r Saesneg?). A oes pobl yn defnyddio'r gair "fforest" yn gyson yn hytrach na mewn enwau llefydd?

[Mr Gasyth]

Coedwig fyddai'n ddeud bob tro a dwi ddim yn meddlw mai mater o raddfa ydi o. Coedwig Clogaenog, i fyny'r ffordd o'm cartref, ydi'r fwya yng Nghymru - chlywais i neb yn cyfeirio at Fforest Clocaenog erioed (er, Clocaenog Forest yn Saesneg wrth gwrs).