Defnydd 'o' yn lle 'am

[Kez]

Yng Ngeiradur yr Academi, mae Bruce Griffiths yn dweud y dylid defnyddio o yn lle am yn y teip hyn o gystrawen:

He’s big for his age - mae’n fawr o’i oed (not am ei oed)
For November it’s fine weather – mae hi’n braf o fis Tachwedd (not am fis Tachwedd)
He speaks Welsh very well for an Englishman - mae’n siarad Cymraeg yn dda iawn o Sais (not am Sais)

Wi’n gallu derbyn y cyfieithiad cyntaf am fy mod i wedi dod ar ei draws e o’r blaen, ond mae’r ddau arall yn swno’n od ifi. Byddwn i’n ffafrio am yn y tair enghraifft, ond mae hwnna’n anghywir yn ôl y Geiriadur. A all rhywun egluro wrtho i pam?

[asuka]

rwy moyn gwybod yr ateb hefyd. rwy 'di sylwi ar hyn'na yn bruce o'r blaen, yr o = "o ystyried bo fe/hi yn X" yma - a 'sdim sôn amdano yn gramadeg y gymraeg peter wynn thomas nac yn gramadeg cymraeg david thorne 'chwaith hyd y galla' i weld.

[Hazel]

Yn ôl Heini Gruffudd a Gareth KIng (Oxford dictionary) mae o = "in favor of". Rydw i'n blaid darganoli. I am in favor of devolution. Pwy sy o blaid y cynnig. Who is in favor of the motion?

Dywedodd hynny, dw i ddim yn deall y geiriau Cymraeg gwahanol am "for" ta beth. Dw i'n meddwl mod fi'n gywir ond dw i'n anghywir bob tro.