Clywed arogl

[Mr Gasyth]

Mi ydw i wastad wedi deud 'clywed arogl' (neu 'clywed ogle' a deud y gwir) ond neithiwr mi dynodd rywyn sylw at hyn gan awgyrmu fy mod yn wallgo.

Oes rywyn arall yn deud hyn? Ydi o'n gywir?

Hefyd, ydw i'n iawn i feddwl fod posib clywed blas a thymheredd hefyd yn Gymraeg?

[sian]

Hollol dw-lali mae arna i ofn!

Na, ti sy'n iawn. Mae clywed yn cael ei ddefnyddio am y synhwyrau i gyd heblaw gweld yn y Gymraeg - ac yn y Wyddeleg dw i'n meddwl.
Pan o'n i'n fach, dw i'n cofio meddwl ei fod yn ddoniol pan wedodd fy nhad ei fod yn clywed pryfyn yn cerdded lan ei fraich.

[Macsen]

Dwi'n clywed swn ac ogla ond dim byd arall. Dyw fy synhwyrau clywed ddim mor ddatblygiedig a chi lot.

[sian]

Dwi'n clywed swn ac ogla ond dim byd arall. Dyw fy synhwyrau clywed ddim mor ddatblygiedig a chi lot.

Be ti'n feddwl o hyn 'te?

"guascu y benn yny glyw y uyssed yn ymanodi yny freichell drwy yr ascwrn" (13g)

a "Trimwy yw'r gogleis tra mawr gigleu (14g)

[Mr Gasyth]

Phew!

Dwi'm yn siwr faswn i'n clywed pryfyn yn cerdded fyny mraich, ond mi fyddai'n ei chlywed hi'n oer yn y gaeaf yn bendant.

Oes yna wahaniaeth tafodieithol yma felly, neu sut fod yr ymadrodd mor ddiarth i fy nghyfaill sydd wedi ei fagu ar aelwyd yr un mor Gymraeg a fy un i?

[sian]

Oes yna wahaniaeth tafodieithol yma felly?

Swn i ddim yn meddwl - os wyt ti o Glwyd, fi o Ddyfed a ffrind o Wynedd yn dweud fwy neu lai yr un peth - dw i ddim yn gwbod sut mae ymhellach i'r de.
Beryg i bethau fel hyn fynd i golli'n fuan.

Ar drywydd tebyg. O'n i mewn parti yn ddiweddar a phlentyn yn tynnu wyneb wrth gymryd ansh o rywbeth Indiaidd. Gofynnodd ei nain iddo "Oedd e'n boeth?" "Nac oedd" atebodd y bychan. "Sbeisi oedd e."

[Rhodri Nwdls]

Dwi'n gyfarwydd iawn a "clywed hi'n oer" ond dwi'm yn ei ddefnyddio fo'n naturiol.

Ma clywed ogla'n hollol naturiol i mi ddo. Hir oes i glywed ogleuon!

O ran poeth a sbeisi - ma na broblam fan hyn achos sut ti'n gwahaniaethu rhwng poeth tymheredd a phoeth sbeisi mewn sgwrs dros fwyd? Ma'r wynab yn gallu bod r'un peth os ti'n llosgi dy dafod neu os oes na hgomar o habanero yn llosgi twll yn dy wefl. Ein ateb ni am sbeisi oedd "poeth tafod" a jest "poeth" am dymheredd.

[Sian - alli di gyfieithu'r Kymraeg Kanol na? Sgen i'm clem be ma'n ddeud]

[sian]

O ran poeth a sbeisi - ma na broblam fan hyn achos sut ti'n gwahaniaethu rhwng poeth tymheredd a phoeth sbeisi mewn sgwrs dros fwyd? Ma'r wynab yn gallu bod r'un peth os ti'n llosgi dy dafod neu os oes na hgomar o habanero yn llosgi twll yn dy wefl. Ein ateb ni am sbeisi oedd "poeth tafod" a jest "poeth" am dymheredd.

Da! Mae'n haws yn y de. Twym a po'th.

[Sian - alli di gyfieithu'r Kymraeg Kanol na? Sgen i'm clem be ma'n ddeud]

O'n i'n gobeithio na fyse neb yn gofyn am hynna - dw i ddim yn siwr iawn chwaith.

"guascu y benn yny glyw y uyssed yn ymanodi yny freichell drwy yr ascwrn" (13g)
"gwasgu ei ben nes ei fod yn clywed (teimlo) ei fysedd yn suddo hyd ei freichell ( gwaelod ei fraich??) trwy'r asgwrn" - ai hanes Efnisien yn ymosod ar y Gwyddelod yn stori Branwen sydd yma?

a "Trimwy yw'r gogleis tra mawr gigleu (14g)
"Tair gwaith mwy yw'r goglais mawr iawn a glywai (deimlai)" - dw i'n meddwl.

Beth yw hanes y Kymro Kanol erbyn hyn?

[Hedd Gwynfor]

Da! Mae'n haws yn y de. Twym a po'th.

Dyna beth oeddwn i am ddweud. Pethe lot rhwyddach lawr 'ma yn y de!

[sian]

Un arall eitha tebyg - dw i'n cofio hen bobol yn gweud bod watsh yn "cer'ed" - o'n i'n licio'r syniad yna. Oes rhywun yn dal i'w ddweud e?
O ran hynny, ydi pobl yn dal i ddweud "cer'ed" am cerdded?
A "mynd ar ger'ed" am "mynd i waco"? Odyn nhw'n dal i ddweud mynd i waco?