Ydy pawb yn gweld hiwmor yr arwydd?

[Pryderi]

Mae arwydd ar dir Ystad Mostyn ger Llandudno yn darllen:

"DYFODFA UNIG

ACCESS ONLY"

[ceribethlem]

MAe 'na grwp cyfieithi gwael ar Facebook, mae'n werth rhoi rhai o'r lluniau ar hwnnw.
Y cyfieithiad gwaethaf gwelwyd gan unrhyw aelod o'r grwp hwnnw oedd:

Morlo Mawr Owain Glyndwr = Owain Glyndwrs Great Seal

[Hen Rech Flin]

Mae yna ddwy ddadl yma.

Yr un gyntaf yw'r un am yr angen am beiriant cyfieithu safonol ar y we. Peth sy'n cael ei gwrthod gan y sefydliad rhag i'r peiriant cael ei ddefnyddio yn lle cyfieithwyr go iawn. Dyma ddadl sydd wedi ei golli!

Mae pob enghraifft o Scymraeg , bron, yn deillio o'r peiriant cyfieithu gyda chorpws annigonol o eiriau ac ymadroddion Cymraeg i'w cynnal. Hoffi neu beidio mae'r peiriant yn cael ei ddefnyddio, does dim modd atal ei ddefnydd. Mae'n hanfodol bod corpws yr iaith sy'n ei fwydo yn llawer mwy trwyadl er mwyn cael canlyniadau mwy derbyniol na'r cachu mae'n cynhyrchu ar hyn o bryd.

Er gwaethaf pob dadl sydd wedi ei gyflwyno yn erbyn creu peiriant cyfieithu i / o'r Gymraeg, mae'n rhaid cydnabod bod y fath dadleuon wedi eu colli bellach.

Yn achos yr arwydd arbennig yr edefyn yma rwyf am fentro dweud nad cynnyrch peiriant mohono, nid cynnyrch unigolyn di Gymraeg efo Geiriadur Collins chwaith. Rwy'n credu mai cyfieithydd proffesiynol Cymraeg sy'n gyfrifol. Cyfieithydd sy'n gweithio o dan reolau hurt.

Yn ôl yr hyn y deallwyf, does gan yr un cyfieithydd “proffesiynol” hawl i ddefnyddio trwydded lenyddol wrth gyfieithu, eu dyletswydd yw cyfieithu gair am air. Digon teg efo dogfennau cymhleth cyfreithiol. Ond ffolineb hurt parthed arwyddion ffordd bachog.

Y gwir yw nad yw'r arwydd Saesneg yn gwneud fawr o sens yn y gwreiddiol. Yr unig ffordd i ddarllen yr arwydd, yn ramadegol gywir, yn y gwreiddiol, yw ei hystyried fe gorchymyn:

Halier y parth ymaith!

Yr hyn sydd yn y Saesneg yw llaw fer “bachog” am This is an area from whence cars parked illegally may be removed and taken to the police pound.

Yr hyn sydd ei angen yn y Gymraeg yw llaw fer fachog i gyfleu'r un ystyr yn y Gymraeg Parth Cipio Ceir Cywilyddus er enghraifft. Ond mae'n debyg bod Llywodraeth Cymru a'r Cynghorau Sir yn gweld cyfleu neges yn warth ar "safon" cyfieithu, y safon llythrennol biwrocrataidd y maent yn eu dymuno!

[sian]

Mae yna ddwy ddadl yma.

Yr un gyntaf yw'r un am yr angen am beiriant cyfieithu safonol ar y we. Peth sy'n cael ei gwrthod gan y sefydliad rhag i'r peiriant cael ei ddefnyddio yn lle cyfieithwyr go iawn.

Ddim hyd y gwn i.

Yn ôl yr hyn y deallwyf, does gan yr un cyfieithydd “proffesiynol” hawl i ddefnyddio trwydded lenyddol wrth gyfieithu, eu dyletswydd yw cyfieithu gair am air. Digon teg efo dogfennau cymhleth cyfreithiol. Ond ffolineb hurt parthed arwyddion ffordd bachog.

Eh? Lle clywaist ti hyn?

Yr hyn sydd ei angen yn y Gymraeg yw llaw fer fachog i gyfleu'r un ystyr yn y Gymraeg Parth Cipio Ceir Cywilyddus er enghraifft.

Treia di ffitio hynna ar arwydd! (Byse "Parth Cipio Ceir" yn iawn - ond wedyn, mae cipio yn gallu golygu ennill, gwibio heibio, ymbil yn daer neu cyfarth - beth pe bai rhywun yn camddeall hynny? Gall cyfieithydd ddim fod yn gyfrifol am feddyliau budron ei ddarllenwyr!)

Ond mae'n debyg bod Llywodraeth Cymru a'r Cynghorau Sir yn gweld cyfleu neges yn warth ar "safon" cyfieithu, y safon llythrennol biwrocrataidd y maent yn eu dymuno!

Rwtsh!

[mabymynydd]

Mae yna ddwy ddadl yma.

Yr hyn sydd ei angen yn y Gymraeg yw llaw fer fachog i gyfleu'r un ystyr yn y Gymraeg Parth Cipio Ceir Cywilyddus er enghraifft.

Treia di ffitio hynna ar arwydd! (Byse "Parth Cipio Ceir" yn iawn - ond wedyn, mae cipio yn gallu golygu ennill, gwibio heibio, ymbil yn daer neu cyfarth - beth pe bai rhywun yn camddeall hynny? Gall cyfieithydd ddim fod yn gyfrifol am feddyliau budron ei ddarllenwyr!)

Ond mae'r ystyr arall yn blydi amlwg! Rwy wedi dysgu'r iaith. Gwelais i'r ystyr arall yn syth. Doedd dim rhaid esbonio!.

Doeddyn i ddim yn gallu credu fod rhywun sy'n siarad yr iaith yn rhugl wedi cyfeithu'r arwyddion. Dyna'r rhweswm fy mod i wedi gofyn y cwestiwn. Roeddwn i'n meddwl bod y gair yn wahanol yn y gogledd efallai.

Mae'r arwyddion yn eithaf bach. Mae'n bosib creu mwy o le arnyn i esbonio pethau yn well.
Y broblem yw diffig parch at yr iaith. Dwy'r iaith ddim yn ddigon pwysig. Mae'n glir i fi.

Gyda scymraeg mae sawl ffordd o wneud gwallau. Ambell waith mae'n enghraift o "You done Welsh in school. I wants you to translate this bit of English by here". Ambell waith mae''r cyfeithydd yn gwneud pethau yn berfaith ac mae'r argraffwyr yn creu problemau. Mae llawer o engrhaifftiau o gwmpas Castell Nedd sydd ar fy "photostream" ar Flickr.com
"railffordd" a "Macrhnad".

Mae'r scymraeg mwyaf doniol yn dod mas o Intertran sy' beriant "cyfieithu" Mae'n ddifrifol am "Cyclists Dismount" = "Llid y bledren dymchwelyd" A "Mon to Sat 9:00 - 6:00" = " Mon i eisteddedig" A dweud y gwir ryw''n credu y byddai Intertran yn angyfreithlon yma achos maen nhw'n gwerthu pethau ac yn camarwain pobl. Mae'r gyfraith wedi newid yn ddiweddar.

Mae newyddion da. Mae grwp o bobl yn creu periant newdydd. Dyw e ddim yn barod eto ond mae'n well nag Intertran.
Mae'n amhosib gwneud pethau yn berfaith. e.e y brawddegau saesneg " Time flies like an arrow". "Fruit flies like a banana"
Ond yn anffodus mae pobl yn mynnu defnyddio peiriant ac mae bron ynrhyw beth yn well nag Intertran.

[Pryderi]

Mae arwydd ar dir Ystad Mostyn ger Llandudno yn darllen:

"DYFODFA UNIG

ACCESS ONLY"

[Seonaidh/Sioni]

Wel, mae'n amlwg ynte. Ni ddylen nhw gyfieithu pethau i'r Gymraeg. Fel dywedodd Hen Rwtsh Flin (!), dydy cyfieithu gair am air ddim yn gwneud y tro o gwbl. Hefyd, fel yn yr hen ddywediad, efallai o Iwerddon, "Wel, tisho mynd i X? Taswn innau'n mynd i X, swn i ddim yn dechrau o'r fan 'ma", mae gan ieithoedd gwahanol ffyrdd gwahanol am fynegi pethau. Yr hyn sy'n gweithio mewn un iaith, efallai, dydy o ddim yn gweithio mewn iaith arall. Wrth gyfieithu, mae rhaid yn gyntaf ddeall (e.e.) dyhead yr arwydd, be sy eisiau ei gyfleu. Yna, anghofio am iaith wreiddiol yr arwydd a dyfeisio rhywbeth addas yn y Gymraeg.

Pe tai'r arwyddion yn uniaith Gymraeg i ddechrau, mae'n amlwg y byddai llawer o "Cringe-lish" i'w gweld wrth eu cyfieithu i'r Saesneg.

[Macsen]

Os ydi o'n gwneud i chi deimlo'n well bydd pawb sy'n myns i Beijing mis Awst yn dioddef o weld arwyddion Saesneg wedi eu cyfieithu gyda'r un gofal a tra-chywiredd.

[Hen Rech Flin]

Mae yna ddwy ddadl yma.

Yr un gyntaf yw'r un am yr angen am beiriant cyfieithu safonol ar y we. Peth sy'n cael ei gwrthod gan y sefydliad rhag i'r peiriant cael ei ddefnyddio yn lle cyfieithwyr go iawn.

Ddim hyd y gwn i.

Dyma'r rheswm a roddwyd i mi gan aelod o dîm Canolfan Bedwyr, mewn llythyr, pan godais y cwestiwn gyntaf tua phum mlynedd yn ôl. Os yw'r farn wedi newid bellach rwy'n ei groesawu - ond lle mae'r corpws Cymraeg ar gyfer peiriannau cyfieithu?

Yn ôl yr hyn y deallwyf, does gan yr un cyfieithydd “proffesiynol” hawl i ddefnyddio trwydded lenyddol wrth gyfieithu, eu dyletswydd yw cyfieithu gair am air. Digon teg efo dogfennau cymhleth cyfreithiol. Ond ffolineb hurt parthed arwyddion ffordd bachog.

Eh? Lle clywaist ti hyn?

Ar y Maes gan gyfieithydd!

Yr hyn sydd ei angen yn y Gymraeg yw llaw fer fachog i gyfleu'r un ystyr yn y Gymraeg Parth Cipio Ceir Cywilyddus er enghraifft.

Treia di ffitio hynna ar arwydd! (Byse "Parth Cipio Ceir" yn iawn - ond wedyn, mae cipio yn gallu golygu ennill, gwibio heibio, ymbil yn daer neu cyfarth - beth pe bai rhywun yn camddeall hynny? Gall cyfieithydd ddim fod yn gyfrifol am feddyliau budron ei ddarllenwyr!)

Nid cyfieithydd, na mab i gyfieithydd, ydwyf "enghraifft" annigonol i geisio egluro'r pwynt oedd y cynnig, nid ymgais ar well gyfieithiad.

Ond mae'n debyg bod Llywodraeth Cymru a'r Cynghorau Sir yn gweld cyfleu neges yn warth ar "safon" cyfieithu, y safon llythrennol biwrocrataidd y maent yn eu dymuno!

Rwtsh!

Mae'r prawf ar blas y pwdin!

Rwyt yn hynod amddiffynnol o'r arwydd yma Siân - a'i ti yw ei hawdur?

Fel mae Seonaidh yn dweud

Wel, mae'n amlwg ynte. Ni ddylen nhw gyfieithu pethau i'r Gymraeg.

Creu arwyddion Cymraeg bachog, er mwyn cyfleu syniad sydd ei angen, nid cyfieithu lle mae cyfieithu yn sicr o fethu!

[Hazel]

Wrth gyfieithu, mae rhaid yn gyntaf ddeall (e.e.) dyhead yr arwydd, be sy eisiau ei gyfleu. Yna, anghofio am iaith wreiddiol yr arwydd a dyfeisio rhywbeth addas yn y Gymraeg.

Mae'n gweithio i mi - os dw i'n cofio ei wneud hi.