Profion Cyfieithu sylfaenol am swyddi

[Y Fampir Hip Hop]

Shwmae de bwys, wy' di bod oddi ar y maes am sbel nawr, a nawr 'co fi'n dychwelyd gan bod ishe 'bach o help/cyngor arno fi.

Beth bynnag, ma cyfweliad 'da fi wythnos nesa' am swydd yn Caerdydd (well i fi pido a gweud ble, rhag ofan) sy' hefyd yn gofyn i fi cyflawni prawf Cyfieithu ar y diwrnod. Yn anffodus, ma' sgiliau cyfieithu fi yn 'itha ofnadw' i gwêd y gwir - i fi rhwybeth sy'n dod yn naturiol yw'r holl peth. Fi'n gwpod yn nêt hefyd alla'i ddim 'sgrifennu fel ydw i fan'yn yn dafodieth Cwmtawe.

Yn yr adran sy'n delio gyda caisie Cynllunio yw'r swydd - fi'n gwpod bod e'n lot i ofyn, ond os unrhyw aelod o'r maes gyda profiad o'r termau a geirie sy'n gael eu defnyddio yn y maes hon? Ne os ôs unrhyw awgrymiade gyda unrhywun beth sydd yn y fath profion?

Diolch yn fawr.

[sian]

Un peth y gallet ti ei wneud yw mynd i wefannau gwahanol gynghorau e.e. Gwynedd, a darllen tipyn o'r dogfennau sydd gyda nhw yn eu hadran gynllunio yno. Fyddai hynny'n rhoi syniad i ti o'r termau maen nhw'n eu defnyddio.

Hwyl fawr i ti yn y cyfweliad.

[Hogyn o Rachub]

Helo Fampir. Dwi'n cyfieithu eithaf lot o bethau cynllunio, a byddwn i'n cynghori i ti ddilyn cyngor Sian: mae 'na gryn dipyn o eirfa benodol sy'n ymwneud â chynllunio (yn enwedig os y byddi di'n gwneud lot i'r Arolygiaeth Gynllunio). Byddwn i hefyd yn awgrymu darllen y Rhestr Apeliadau Newydd i gael syniad o hyn - dylent ddod i'r amlwg drwy deipio Rhestr Apeliadau NEwydd ar Gwgl neu chwilio gwefan yr Arolygiaeth ei hun.

O'm mhrofiad i mae 'na gryn dipyn o enwau deddfau ac ati yn cael eu defnyddio mewn pethau cynllunio - ar gyfer y rhain defnyddia wefan TermCymru.

Gobeithio bod hynny'n help a phob hwyl i ti. Croeso i ti anfon NB os oes 'na rhywbeth penodol.

[sian]

Os ei di i http://www.planningportal.gov.uk/ a gwneud un o'r dewisiadau yn y brif ffenest, fe alli di ddewis cael y wybodaeth yn Gymraeg. Mae 'na eirfa hefyd - linc ar y chwith - sy'n ddefnyddiol iawn os wyt ti'n chwilio am eiriau penodol - neu jest i gael cip sydyn.

[Y Fampir Hip Hop]

Diolch yn fawr am rheina Hogyn a Sian. Bydd hwna'n helpu lot gyda'r geirfa perthnasol.
Fi'n siwr (neu gobeitho) bydd y prawf yn llawer mwy syml na fi'n erfyn e i fod, ond ydy rhywun yn gallu awgrymu unrhyw llyfre/gwefannau sy'n cynnig tips sylfaenol ynglyn a cyfieithu ei hunan?

[sian]

Fi'n siwr (neu gobeitho) bydd y prawf yn llawer mwy syml na fi'n erfyn e i fod, ond ydy rhywun yn gallu awgrymu unrhyw llyfre/gwefannau sy'n cynnig tips sylfaenol ynglyn a cyfieithu ei hunan?

Fi'n siwr bydd e!
Dw i ddim yn gwbod am tips am gyfieithu ond mae'r llyfr bach "Canllawiau Iaith a Chymorth Sillafu" gan J Elwyn Hughes yn un handi i'w gael bob amser.
Mae pethau bach fel gwbod y gwahaniaeth rhwng "ei" ac "eu" yn bwysig.
Un tip fyddai i ti feddwl am ystyr y frawddeg gyfan wrth gyfieithu.
Treia gael amser i edrych dros y cyfieithiad wedyn i wneud yn siwr ei fod yn darllen yn rhwydd.
Mae'n sbort!

[sian]

O ie, os nad wyt ti'n cael defnyddio geiriadur neu TermCymru yn y prawf, rho nodyn i ddweud y byddet ti'n checko'r termau technegol pe byddet ti'n gwneud y gwaith go iawn.