gafodd, gath, gaeth, gas gæth

[sian]

Sori, wrth ddarllen post y Mab, sylwes ein bod ni'n defnyddio geirie eraill hefyd:

Geles
Gelest
Gelodd
Gelon
Geloch
Gelon

Dyma aelodau llwyth Rhosaman (rhwng Brynaman a Chwmllynfell), neu "Plant Mari" fel rydym yn eu galw. Edrych i mi ei fod yn "Cael" + diwedd arferol berfau.

Aha - dw i'n cofio rhai pobl yn dweud hynny.
Hefyd, pan o'n i yn yr ysgol - ysgol fach dwi'n meddwl, roedd rhai plant yn dweud:
Geuthes i
Geuthest ti ??
Geuthodd e
achos roedd
Geuthon ni
Geuthoch chi
Geuthon nhw yn rheolaidd.

Dw i'n ddim yn gwbod ydyn nhw'n dal i ddweud hynny ar ôl tyfu.

[Kez]

Sori, wrth ddarllen post y Mab, sylwes ein bod ni'n defnyddio geirie eraill hefyd:

Geles
Gelest
Gelodd
Gelon
Geloch
Gelon

Dyma aelodau llwyth Rhosaman (rhwng Brynaman a Chwmllynfell), neu "Plant Mari" fel rydym yn eu galw. Edrych i mi ei fod yn "Cael" + diwedd arferol berfau.

Wi eriod wedi dod ar draws y ffurfiau 'na, ond ma' ffurfiau eraill sy'n reit debyg ond ag ystyr wahanol iddyn nhw:

gelswn i
gelsat ti
gelsa fe
gelsan ni
gelsach chi
gelsan nhw

gelsa fe glowt tsa fe'n siarad a fi fel 'na - he'd get a clout if he talked to me like that.

[sian]

Kez, dw i'n gweld mai "gas" ti'n sgrifennu ar y blog. Shwt ti'n weud e "gas" (i odli gyda tas a mas) neu "gæs" (tebycach i "e" fel yn Aberdær)?

[Seonaidh/Sioni]

Yn ol Stephen J. Williams, cafodd, cadd, cafas, cas. Swn i'n credu y daeth "caeth" o'r ffurfiau "aeth", "gwnaeth" a "daeth" fel camgymeriad. Bydd y ffurfiau yn "cel-" (gel-) o beathau fel "gwneler", "delo", "elent" ac ati. Ond, camgymeriad neu beidio yn wreiddiol, mae'r ffurfiau yn bodoli rwan.

[sian]

Yn ol Stephen J. Williams, cafodd, cadd, cafas, cas. Swn i'n credu y daeth "caeth" o'r ffurfiau "aeth", "gwnaeth" a "daeth" fel camgymeriad.

Ie, ac mae llyfrau eraill yn rhoi "cath" ac un yn rhoi "cesodd" (Sir Benfro) hefyd.

Dyna dw i'n feddwl hefyd. Dw i'n deall pam y byddai pobl yn sgrifennu "caeth" - yn meddwl ei fod yn iawn - ond does gen i ddim cof i mi glywed neb yn dweud "caeth".

[Kez]

Kez, dw i'n gweld mai "gas" ti'n sgrifennu ar y blog. Shwt ti'n weud e "gas" (i odli gyda tas a mas) neu "gæth" (tebycach i "e" fel yn Aberdær)?

Erbyn hyn, 'gas' 'swn i'n ei weud fwya o bell ffordd - ma'r ynganiad 'e' yn cripo i mewn o bryd i'w gilydd ond fyswn i ddim yn meddwl ei fod e'n beth cyffredin.

[y mab afradlon]

Efallai y galli di esbonio gan dy fod ti'n ymwneud â dysgwyr - ai rhan o "Cymraeg Byw" yw e?
Aeth y ddadl ymlaen i sôn am jips wedyn - falle wna i ddachre edefyn arall am hynny.

Dysgu o'r llyfr 'Dosbarth nos' o'n i - Cafodd e / hi sy yn hwnnw wy'n credu.