lane

gan **sian** » Iau 11 Medi 2008 10:31 am

Oes rhywun o'r de ddwyrain yma?

Beth y'ch chi'n galw "lane" rhwng dau dŷ mewn stryd neu yn rhedeg y tu ôl i stryd o dai?
Mae "lôn" yn swnio'n rhy wledig. Beth am "llwybr"? neu a oes gair arbennig yn y de ddwyrain?

Diolch

gan **sian** » Iau 11 Medi 2008 10:47 am

Newydd holi'r cwsmer pa mor llydan yw'r "lanes" ac a oes ceir yn gallu mynd ar eu hyd a chael yr ateb - "The lane is a single lane and cars can travel along them."

gan **Llefenni** » Iau 11 Medi 2008 11:24 am

Allt?

Rhy ogleddol falle

gan **Lorn** » Iau 11 Medi 2008 11:33 am

Llwybr?

Fel arall lôn amwni.

Allt di hill

gan **Llefenni** » Iau 11 Medi 2008 11:37 am

Dim o reidrwydd - allt oedd genna ni yn rhedeg o'r ty i' adeiladau fferm... Corris welwch chi, sbeshal

gan **Lorn** » Iau 11 Medi 2008 11:41 am

Sbeshal yn wir! :winc:

Ond swn i dal i ddadlau bydde rhanfwyaf o Ogleddwyr yn dweud na Hill ydy Allt, a bydde'r rhanfwyaf o Deheuwyr just meddwl "Huh?"

gan **Manon** » Iau 11 Medi 2008 12:19 pm

Llefenni a ddywedodd:Dim o reidrwydd - allt oedd genna ni yn rhedeg o'r ty i' adeiladau fferm... Corris welwch chi, sbeshal

Ma' pob pentra' ochr Gwynedd o Mach yn sbeshal, sdi :winc:

gan **sian** » Iau 11 Medi 2008 1:11 pm

Lorn a ddywedodd:Sbeshal yn wir!

Ond swn i dal i ddadlau bydde rhanfwyaf o Ogleddwyr yn dweud na Hill ydy Allt, a bydde'r rhanfwyaf o Deheuwyr just meddwl "Huh?"

neu "Coedwig? Rhwng dau dŷ? :ofn:

"

Beth bynnag, ro'n i wedi meddwl am "ale" (GPC: rhodfa, llwybr, heol gul) ac fe wnaeth bachgen o Ferthyr gynnig "gwli" (GPC: llwybr cul neu fynedfa, yn enwedig rhwng dau adeilad) ond roedden ni'n meddwl na fydden nhw'n ddigon llydan i fynd â char. Felly, lôn pia hi mae'n siwr.

Diolch Llefenni - wyddwn i ddim am y defnydd yna o "allt". Shwt mae dweud yr "a"? "æ" Powys?

gan **y mab afradlon** » Iau 11 Medi 2008 1:41 pm

Gwli sy'n mynd rhynt y tai, (weten i byth "llwybr") er falle taw jest er cerdded yw hynny. Falle lon, ond mae tuedd i fi feddwl am lon fel heol fach yng nghefngwlad.

gan **sian** » Iau 11 Medi 2008 1:53 pm

y mab afradlon a ddywedodd:Gwli sy'n mynd rhynt y tai, (weten i byth "llwybr") er falle taw jest er cerdded yw hynny. Falle lon, ond mae tuedd i fi feddwl am lon fel heol fach yng nghefngwlad.

Ie, swn i ddim yn meddwl bod gwli'n ddigon llydan i fynd â char. Yn rhyfedd, mae Geiriadur Prifysgol Cymru'n dweud mai "ar lafar ym Morgannwg a Cheredigion" y mae "gwli" - sgwn i shwt neidiodd e dros Sir Gaerfyrddin?!

Ie, hewl yng nghefn gwlad - yn aml a phorfa'n tyfu lawr ei chanol hi yw "lôn" i fi hefyd.

lane

lane

Re: lane

Re: lane

Re: lane

Re: lane

Re: lane

Re: lane

Re: lane

Re: lane

Re: lane

Pwy sydd ar-lein