Cwestiwn dwl

[Gwenci Ddrwg]

Ocê dwi di bod yn darllen sdyff yma ers sbel ond mae 'na rhwbeth sy'n rhoi i mi broblemau. Ddysges i y ffordd o ddeud "I see him" (er engraifft), fel "dwi'n ei weld". Sut bynnag mae bron pawb yma'n ymddangos i ddeud "dwi'n gweld fo" neu rhywbeth mwy tebyg i ramadeg Saesneg, dwi'm yn cofio'n union. Yn syml iawn, be di'r gorau? Be ddwedech chi am hyn? 'Sai hwn yn ddefnyddiol iawn i wybod, diolch!

[sian]

Dim mor ddwl.
Mae'n amrywio o'r ffurfiol iawn "Yr wyf yn ei weld" i'r anffurfiol "Dw i'n ei weld o" i'r hyn fyse gramadegwyr yn ei alw yn ansafonol "Dwi'n gweld fo".
Pan ddechreuodd pobl ddweud hyn - tua 30 mlynedd yn ôl efallai? - roedd e'n swnio fel siarad babi - ond erbyn hyn mae'r babis wedi tyfu ac mae'r ymadrodd wedi tyfu gyda nhw. Mae'n perthyn i "cot fi", "bag fi" etc. Mae'n siwr bod llawer o bobl sy'n sgrifennu "dw i'n gweld fo" mewn lle anffurfiol fel hyn yn ysgrifennu rhywbeth mwy ffurfiol mewn traethawd yn yr ysgol neu'r coleg.

[Gwenci Ddrwg]

OK diolch am egluro pethau!