Actor/Actress, Comedian/Comedienne

[Mr Gasyth]

Be di'rarfer diweddar o alw merched sy'n actio yn 'actor' yn lle 'actress' a merched sy'n gomediwyr yn 'comedian' yn lle 'comedienne'? Ma'n swnio'n hurt bost.

Mewn oe span fo termau benwyaidd neu 'gender neutral' yn cael eu dyfeisio ar gyfer swyddi arferai fod yn wrywaidd yn unig,pam fod y teitlau benwyaidd hynny sydd wedi bodoli erioed yn cael eu osgoi?

[nicdafis]

Sa i'n cofio clywed "comedienne" ers dyddiau Marti Caine. Ydy pobl dal yn ei ddefynddio?

Mae "actress" yn debyg i aros yn hirach, yn rhannol oherwydd y ffordd mae Hollywood yn gweithio, ond dw i ddim yn gweld pam ei fod yn broblem i ddefnyddio'r un gair i sôn am bobl sy'n actio.

Ond dyna'r tuedd yn Saesneg ers sbel - pryn iawn byddi di'n clywed "poetess" na "authoress" y dyddiau 'ma, a pheth da hefyd, dwedwn i. Mae hyd yn oed y siop drin gwallt wedi cael gwared â'r "manageress" erbyn hyn. Ar y llaw arall, nid yw cyfeirio at ddyn sy'n gweithio fel nyrs fel "male nurse" yn dderbyniol chwaith, sy hefyd yn beth da. Mae diffinio pobl wrth eu gwaith yn un peth, mae eu diffinio wrth beth sy yn eu pans wrth iddynt weithio yn rhywbeth arall.

Mae'r trafodaeth am hyn ar Wikipedia yn ddifyr.

[Chickenfoot]

Actor/Actress - dw i'm yn gwybod beth sydd mor offensive am "actores". yn ddweud yn rywle mai rywbeth o amser Elisabeth I yw'r term "actress", a mai "actors" oedd teitl pawb cynt. Dw i'm yn siwr os oedd merched yn actio cyn amser y Tuduriaid, ddo, felly efalla fy mod i wedi breuddwydio'r holl beth.

[Cardi Bach]

am nad oes rhyw penodol yn cael ei gyfeirio ato wrth ddweud 'actor' - mae'n sexless.

[Duw]

Beth yw'r broblem gyda dweud actores? Dwi gyda Chickenfoot fan'na. Mae'r PC ballocks yma wedi mynd digon pell. Os o'n i'n dweud, "Blydi hel, welest di'r actor ar y bocs nithwr? Bwre'n i dwll newydd ynddo!" - bydde hwn yn awgrymu bo'r person yn foi a finne'n foi sy'n hoffi bois (nid bo unrhyw beth yn bod ar hwnna). Ydy'r pwyslais ar 'ynddo' ar y diwedd yn gywir os o'n i'n cyfeirio at ferch oherwydd bod actor yn air gwrywaidd yn y Gymraeg. Dwi reli wedi drysu nawr!

Mae Saesneg yn ceisio ag osgoi geiriau sy'n disgrifo swyddi sy'n eu disgrifio fel menywod. Pam? Nawr mae menywod yn gorfod cymryd yr enw gwrywaidd - i mi mae hwn mwy o slap yn y chops. Nid oes hawl gan fenyw i gadw'r enw benywaidd?

Neu ydym yn son am dermau unisex ballocks fel 'Pennaeth' yn lle Prifathro neu Brifathrawes. Os oeddwn yn dweud y Pennaeth Mr. Jones - bydden yn gwybod yn syth taw low swinger ydoedd a taw fflatcoc oedd y Pennaeth Ms. Evans.

Meddyliwch be chi mo'yn - PC ballocks PC ballocks PC ballocks....

[Mr Gasyth]

A ydym am gael gwared ar 'athrawesau' felly? Ai athrawon ydi pawb wan?

[Duw]

Ffyc mi, dwi'n gweld lle bo hwn yn mynd nawr. Darllennais lyfrau Hyperion gan Dan SImmons yn ddiweddar ac roedd yn cyfeirio at bawb yn y llyfr fel M. John Evans a M. Mary Lewis. Roedd yr 'M' yn sefyll am deitl unisex, felly ni fyddai modd dweud os oeddech yn ddyn neu'n fenyw. A dyma fi'n meddwl taw rhyw fath o bastardeiddiad 'Monsieur' ydoedd(!).

Bydd yn rhaid sicrhau ein bod yn galw pob plentyn yn Ceri, Tony, Kelly a thebyg. Mae rhaid i ni stampio ar unrhyw beth sy'n awgrymu rhyw y person. PC PC PC PC PC - schnell!

[nicdafis]

Godwin mewn saith, llongyfarchiadau.

Mae 'na wahaniaeth rhwng menyw yn dweud ei bod yn well 'da hi cael ei hadnabod fel "actor" yn hytrach nag "actress", a gwladwriaeth ffasgaidd yn dweud wrthot beth ti'n cael dweud. Does dim cyfraith sy'n dweud dy fod di ddim yn cael defynddio pa bynnag gair ti moyn wrth sôn am bobl sy'n actio, am wn i. Does neb (eto, am wn i) yn awgrymu banio'r gair "actress", heb sôn am "actores" Cymraeg, dim ond bod rhai actorion benywaidd yn hapusach cael eu hadnabod gan y gair "actor". Os ti wir ddim yn licio hynny, wel, does dim rhaid i ti fynd i'w ffilmiau nhw, sbo. Wneith hynny ddangos pwy yw'r bos!

Dyw hyn ddim yn beth newydd gyda llaw - ar hap, dyma erthygl o 2002 lle mae Bindya Solanki o Eastenders yn sôn am ei hunan fel "actor".

[nicdafis]

A ydym am gael gwared ar 'athrawesau' felly? Ai athrawon ydi pawb wan?

Dydy'r Gymraeg a'r Saesneg ddim yr un peth. Mae bob iaith yn newid, ond ddim ar yr un cyflymder, ac o bosib, ddim yn yr un cyfeiriad. Byddai sôn am "schoolmaster" a "-mistress" yn swnio yn od iawn yn Saesneg heddiw, ond dim ond ers i mi adael yr ysgol ydy'r termau "headmaster" a "headmistress" wedi darfod; "headteacher" yw'r term priodol erbyn hyn. Nid felly yn y Gymraeg.

Wedi dweud hynny, dw i ddim yn cofio defynddio'r lluosog "athrawesau" erioed. Yr unig sefyllfa dw i'n gallu meddwl amdano ble byddai hynny yn addas, yw 'swn i'n trafod rhywbeth sy'n effeithio ar ferched sy'n dysgu ond ddim dynion. Mae 'na siwr o fod sefyllfaoedd lle mae cael gair bach handi fel 'na yn ddefynddiol, ond dw i ddim wedi bod mewn un ohonyn nhw.

[Cardi Bach]

Mymryn o or-ymateb fan hyn o'r hyn a ddarlleanaf.
Fel y mae Nic yn ddwued, does yna ddim deddf na rheol sydd yn gorfodi pobl i ddefnyddio un term yn fwy na'r llall, yn yr un modd nad oes yna ddeddf yn dweud fod pob menyw bellach yn Ms. yn hytrach na Miss neu Mrs. Dewis personol yw e, ac mewn cymdeithas war dylid parchu dewis yr unigolyn hwnnw neu honno.