Actor/Actress, Comedian/Comedienne

[Mr Gasyth]

Wedi dweud hynny, dw i ddim yn cofio defynddio'r lluosog "athrawesau" erioed. Yr unig sefyllfa dw i'n gallu meddwl amdano ble byddai hynny yn addas, yw 'swn i'n trafod rhywbeth sy'n effeithio ar ferched sy'n dysgu ond ddim dynion. Mae 'na siwr o fod sefyllfaoedd lle mae cael gair bach handi fel 'na yn ddefynddiol, ond dw i ddim wedi bod mewn un ohonyn nhw.

Wel, yn yr ysgol fach, dwy athrawes oedd a dim un athro. Yn yr ysgol fach felly, roedd ganddom ni athrawesau.

[Duw]

Dwi wedi gweld athrawesau ar ddrws tai bach y merched yn yr ysgol.

[sian]

Cofio clywed dwy hen wraig yn siarad yng nghyngerdd yr ysgol. "Pwy yw honna?" "O hi yw'r dîtsheres newy".

Dw i ddim yn licio "Y Barchedig" am weinidogion benywaidd ac mae "barddones" wedi hen ddiflannu - er bod "awdures" yn dal i gael ei ddefnyddio ac "actores" a "cantores" yn rhan naturiol o'r iaith. Od!

[ceribethlem]

Dwi wedi gweld athrawesau ar ddrws tai bach y merched yn yr ysgol.

Ystalyfera?
Ma'r arwydd da 'na.

[Duw]

Na - f'ysgol bresennol anhysbys

[ceribethlem]

Na - f'ysgol bresennol anhysbys

Oh, wel ,mae ar ddrws rhyw stafell (fi'n cymryd taw toiledau'r staff benywaidd yw hi) yn Ystalyfera 'fyd.

[Kez]

Mae'r gang PC wedi drysu pethe'n llwyr gyda'u 'chalkboard' yn hytrach na 'blackboard'.

Nawr ni'n dod at wraidd y mater.

Wyt ti'n gallu ffeindio un enghraifft o rywun sy'n dweud o ddifri na ddyler defnyddio'r gair "blackboard"? Oni bai bod dy sgiliau Google yn lot well na rhai fi, i gyd byddi di'n ffeindio ar y we yw miloedd a miloedd o bobl ddewr wrth-PC yn cwyno am y "ffaith" bondigrybwyll 'ma.

Mewn geiriau eraill, ti'n grac am sefyllfa sy ddim yn bodoli.

Mae "chalkboard" yn air Americanaidd sy'n dyddio nôl i'r 1930au o leia, ac mae'n digwydd bod yn well disgrifiad o wrthrych sy ddim, yn aml iawn, yn arbennig o ddu. Ond prin iawn bod unrhywun yn mynd i gymryd offens os wyt ti moyn defynddio "blackboard". Mae pobl sy'n ymgyrchu o ddifri yn erbyn hiliaeth go iawn yn tueddu bod yn ddigon clir eu meddwl.

Does dim sut peth â "gang PC", gyda llaw, oni bai mod i wedi colli cyfarfod. Ti'n jyst paranoid

Roedd 'na raglen dda am gywirdeb gwleidyddol ar Radio 4 pwy ddiwrnod, sy'n olrhain hanes PC a'n hagweddau ni tuag ato. PC - RIP? yw enw'r rhaglen a gellid di wrando arni hi ar http://www.bbc.co.uk/iplayer/

[Seonaidh/Sioni]

Mae'n gas gen i PC. Mae'r holl gredo PC yn cuddio problemau tu ol i eiriau. Fyddai galw pawb sy'n ennill crwst gan berfformio ar lwyfan yn "actor", yn lle eu rhannu nhw yn "actor" ac "actores", yn creu hafalafiaeth rywiol? Fyddai galw pob prifathro/prifathrawes yn bennaeth yn sicrhau'r un gymaint o bob rhyw yn arwain ysgolion? Beth yn y byd ydy "visually challenged"? - mae'n swnio fel cystadleuaeth. Be nesa - "horizontally challenged" yn lle "obese"? "ethnically challenged" efallai?
Dyma hanes PC - mae enw yn mynd yn gas, yn israddol - felly cawn ni ddyfeisio enw arall. Ar ol sbel, aiff yr enw newydd yn israddol - felly dyma'r ail enw newydd ar y gweill. Ac ati - mae'r peth yn mynd ymlaen ac ymlaen, efo' enw PC ddoe yn mynd yn peth ych-a-fi heddiw. Ac wnaiff hyn ddim i ddatrys y problemau cymdeithasol. Be di'r gwahaniaeth rhwng "cloff" a "rhywun ag anawsterau ynglyn a symud"? Yr un person sy gennym, yr un problemau, yr un anawsterau (e.e. cael gwaith ac ati) - a'r un rhagfarn sy yn eu herbyn. Chi ddim yn cael gwared ar ragfarn gan newid yr enw. Dyna'r pwysicaf peth mae'r lobi PC yn anghofio.
A dyma ichi gymal PC o'n gorffennol ddiweddar - "community charge". Mae'n swnio'n ddigon neis, rhyw dreth wedi codi o'r cymundeb ac er y cymundeb - ond beth oedd hi? Treth y Pen - pawb yn talu'r un, o'r cyfoethoca i'r tlota.
Wedi mynd ymlaen am ry hir - ddrwg gen i.

[Duw]

Da iawn Sioni - falch i'w glywed. Nid jest fi sy'n paranoid te. Blydi gwdi tw shws dros y lle i gyd yn pedlo'u brechdanau jam. Stwffen i sawl arwydd athrawesau gyda 'teacheresses' wedi sgriblo o dan lan eu penole.

[ceribethlem]

Da iawn Sioni - falch i'w glywed. Nid jest fi sy'n paranoid te. Blydi gwdi tw shws dros y lle i gyd yn pedlo'u brechdanau jam. Stwffen i sawl arwydd athrawesau gyda 'teacheresses' wedi sgriblo o dan lan eu penole.

Fi ddim cweit yn dy ddeall di fan hyn, mae'n ymddangos dy fod yn gwrth ddweud dy hunan. Ar yr naill ochr rwyt ti'n dweud dy fod yn erbyn y syniad o derm "actor" pan gellid defnyddio "actores", ar y llall rwyt ti yn erbyn y term "athrawesau".
Bydd yn onest nawr Duw, ble wyt ti'n sefyll ar y mater yma?