maes-e.com

Oes 'na unrhywun sy'n defnydd y gair "gwely" am "family"? Ar dydalen 262 yn YGM, dan "gwely", "family" yw diffiniad nifer un a "bed" yw diffiniad nifer ddwy. Nid wyf i feddwl
fy mod i'n ei clywed o fel "family" erioed.

Na, doeddwn i ddim wedi'i glywed chwaith.

Ond yn GPC o dan "gwely" - gweler rhif 3:
1a. Dodrefnyn neu gelficyn llofft a ddefnyddir i gysgu neu i orffwys ynddo .....
1b. Yn ffigurol, "y bedd"
1c. Yn drosiadol, Man uniad priodasol, caru, cydorwedd, gordderchu etc; breintiau a dyletswyddau'r ystad briodasol; man cenhedlu ac esgor.
2a. Darn o dir mewn gardd.... er mwyn tyfu llysiau neu flodau ...
2b. Sianel neu redle neu waelod afon; tir ... dan ddyfroedd
2c. Sail .... ddiogel i rywbeth orffwys arni e.e. haen o forter ... e.e mewn gwasg argraffu
2d. Haen ... o gerrig ... mewn wal; haen o graig ...; ... haen o gregynbysgod ...; ... darn o bîff
3. Uned neu gylch o berthnasau yn dal tir, gwehelyth, teulu, tylwyth, disgynyddion; tir a ddelid yn gyd-eiddo gan genedl gyfan neu ran ohoni ...

Pwy fyse'n meddwl?

Ydy'r gwely yn y cyd-destun 'ma'n meddwl fath o 'breeding ground', e.e. gwely ffrwythlon?

Nac ydy, dw i ddim yn meddwl. Ysgrifennodd bonhedig gan enw Trefor Griffiths limerig. Mae'r llinell gyntaf yw: "Os tlawd yw dy garet a'th wely rhacs....". Gallai hynny bod naill ai "bed" neu "family" yn ôl YGM. Rydw i'n meddwl bod y gair "family" yn well.

Hazel a ddywedodd: "Os tlawd yw dy garet a'th wely rhacs....".

Mae'n fwy tebygol o olygu gwely fan hyn - Rhyw fath o attic yw "garet". Mae'n siwr mai gwely wedi'i wneud o racs - "rags" - yw "gwely rhacs" - run peth â "mat rhacs" - neu gallai feddwl "your threadbare/tattered bed"

Mae'n posibl, ydy. Dim ond gwneud darganfyddiad a dw i'n credu y gallai "family in rags" neu "family in tatters" yn ffitio hefyd. Beth ydych chi'n meddwl? Byddai hi'n neis pe buasai Trefor Griffiths yma er mwyn ein dweud wrthon ni.

Beth yw'r llinell nesaf?

1c. Yn drosiadol, Man uniad priodasol, caru, cydorwedd, gordderchu etc; breintiau a dyletswyddau'r ystad briodasol; man cenhedlu ac esgor.

Roedd Bruce reit benderfynol o beidio dfenyddio'r gair 'rhyw' doedd. Rioed di meddwl amdano fel 'braint a dyletswydd' o'r blaen rhaid deud

Cysylltiad â'r gair 'gwehelyth' ma'n debyg?

sian a ddywedodd:Beth yw'r llinell nesaf?

Dydy hi ddim yn bosibl i mi ei phost hi i gyd. Rheolau hawlfraint, yr ydych chi'n gwybod. Oes gennych chi "Limrigau" - Pigion 2000? Os felly, gwelwch dudalen 48. Os nad, allaf i'n ei PM hi os ydy eisiau.