maes-e.com

Dwi wedi clywed dau fersiwn Gymraeg ar gyfer Grangetown sef Trefynach a Trelluest. Yn ol y Wikipedia Cymraeg, Trelluest yw'r enw - http://cy.wikipedia.org/wiki/Trelluest - ond mae fy chwaer yn byw yno ac yn dweud mai Trefynach yw'r enw am y lle

Hedd Gwynfor a ddywedodd:Dwi wedi clywed dau fersiwn Gymraeg ar gyfer Grangetown sef Trefynach a Trelluest. Yn ol y Wikipedia Cymraeg, Trelluest yw'r enw - http://cy.wikipedia.org/wiki/Trelluest - ond mae fy chwaer yn byw yno ac yn dweud mai Trefynach yw'r enw am y lle

'Co ti enghraifft o fewnfudwyr yn symud miwn a mynnid newid pethach .

Cefais fy ngeni mewn pentra o'r enw Derwen Gam rhwnt Aberaeron a Cheinewydd ond dath y Saeson miwn a'i newid i Oakford a ti'n cal y ddou enw ar arwyddion ffyrdd erbyn hyn. Blydi mewnfudwyr - ma nhw wastod moyn newid popeth! Odd mam mor grac fel bu raid inni symud o' na a mynd nol at myn-gu. (odd e ddim yn help bo'r heddlu wedi ffindo mas lle on ni'n byw chwaith - ond stori arall yw honno)

Mae'r Athro John Davies, sy'n byw yn yr ardal, yn defnyddio 'Grangetown' achos dydi'r enw Cymraeg heb ei dderbyn yn ôl y sôn, medda fo - nid ei fod o'n awdurdod ar bopeth dan haul! Mae 'na enghreifftiau o'r ddau enw i'w cael ar-lein hefyd. Gan ddweud hynny, mae 'na rhywbeth yng nghefn fy meddwl i yn dweud mai 'Grangetown' ydi'r enw gwreiddiol ar yr ardal beth bynnag.

Hogyn o Rachub a ddywedodd:Mae'r Athro John Davies, sy'n byw yn yr ardal, yn defnyddio 'Grangetown' achos dydi'r enw Cymraeg heb ei dderbyn yn ôl y sôn, medda fo - nid ei fod o'n awdurdod ar bopeth dan haul! Mae 'na enghreifftiau o'r ddau enw i'w cael ar-lein hefyd. Gan ddweud hynny, mae 'na rhywbeth yng nghefn fy meddwl i yn dweud mai 'Grangetown' ydi'r enw gwreiddiol ar yr ardal beth bynnag.

Meddwl ei fod wedi ei enw ar ol fferm y Grange, os dwi'n cofio'n iawn. Dwinne'm yn cin ar y busnes o roi enwau Cymraeg ffals ar lefydd chwaith. 'Y Rhath' ydi'r enghraifft waetha.

Mae Grangetown yn dod o enw "Grange Farm" - adeilad sy' dal yno ar Clive Street (lawr o Penarth Road am y Bae). Mae'r ty ffarm dal yna ynghanol y tai teras ar Clive Street ac yn werth ei weld (linc i Google Street View). Mae na fap fyny yn nhafarn y Robin Hood ym Mhontcanna o'r ardal yn 1869 - a dim ond y ffarm sydd i'w weld, a chaeau o'i chwmpas. Daeth Clive Street yn 1889 dwi'n credu (mae yna ddyddiad ar y tai) ac yna gweddill Grangetown wrth i'r docwyr fod angen mwy o gartrefi.

Swni'n amau'n gryf nad oedd enw Cymreig ar y lle, gan nad oedd 'tref' yna tan i'r mewnlifiad iaith susneg i'r dociau gyrraedd.

(wps - gasyth wedi adteb cynna'i!)

Mr Gasyth a ddywedodd:

Hogyn o Rachub a ddywedodd:Mae'r Athro John Davies, sy'n byw yn yr ardal, yn defnyddio 'Grangetown' achos dydi'r enw Cymraeg heb ei dderbyn yn ôl y sôn, medda fo - nid ei fod o'n awdurdod ar bopeth dan haul! Mae 'na enghreifftiau o'r ddau enw i'w cael ar-lein hefyd. Gan ddweud hynny, mae 'na rhywbeth yng nghefn fy meddwl i yn dweud mai 'Grangetown' ydi'r enw gwreiddiol ar yr ardal beth bynnag.

Meddwl ei fod wedi ei enw ar ol fferm y Grange, os dwi'n cofio'n iawn. Dwinne'm yn cin ar y busnes o roi enwau Cymraeg ffals ar lefydd chwaith. 'Y Rhath' ydi'r enghraifft waetha.

Cytuno i raddau, ond mae rhaid i enw gychwyn yn rhywle! Ond o ran enwau ardaloedd Caerdydd, gyda nifer mae'n bosib bod enwau Cymraeg wedi bodoli ar y pentrefi cyfagos sydd bellach yn rhan o'r ddinas, ond ddim yn gwybod os yw hyn yn berthnasol am ardal Grangetown.

Oes, ond yn yr achos hwn mae'n debyg bod yr enw wedi dechrau yn Saesneg.

Gyda llaw, 'does 'na ddim cyfeiriad at naill ai Trelluest na Trefynach yn y Llyfr Enwau - i fod yn onest dwi'n meddwl ei bod hi'n ddigon amlwg, er bod Trelluest a Threfynach yn enwau digon delfrydol, nad oes mewn difri enw Cymraeg ar Grangetown.

(gyda llaw dwi ddim yn meddwl bod 'Y Rhath' yn un o'r enwau Cymraeg hyn sy'n cael eu bathu jyst er mwyn - dwi am fynd i Borders amser cinio wan i wneud ymchwil)

Ma fy nghyn fos, Owen john thomas, yn dweud Y Grange Mawr am Grangetown os wy'n cofio'n iawn, a chewch chi neb sy'n gwbod mwy am Gaerdydd na fe!

Ray Diota a ddywedodd:Ma fy nghyn fos, Owen john thomas, yn dweud Y Grange Mawr am Grangetown os wy'n cofio'n iawn, a chewch chi neb sy'n gwbod mwy am Gaerdydd na fe!

Beth am Frank Henessy?

ceribethlem a ddywedodd:

Ray Diota a ddywedodd:Ma fy nghyn fos, Owen john thomas, yn dweud Y Grange Mawr am Grangetown os wy'n cofio'n iawn, a chewch chi neb sy'n gwbod mwy am Gaerdydd na fe!

Beth am Frank Henessy?

a chewch chi neb sy'n gwbod mwy am y Gymraeg yng Nghaerdydd te...!